كنت متمسك بحاجة مش حقيقية وقررت أوقف التعلق

Lemon_76676 🇪🇬

منذ 3 ساعات

شعور لا مبالٍ

كنت في علاقة مع بنت اسمها مريم. من أول يوم حسيت إن أنا اللي دايمًا ببادر وأتكلم وأسأل وأطمن، وهي قليل أوي لما تبادر أو تهتم. أوقات كانت تديني اهتمام وحنية، وبعدها تختفي أو تبقى باردة جدًا. فضلت فترة طويلة أحاول أديها كل اللي عندي، وأصبر عشان يمكن تتغير. لكن اللي حصل إني أنا اللي كنت بتأذى، وبحس إني بحب لوحدي. آخر مرة كلمتها بوضوح لقيتها بتقولي: خلينا أصحاب. الجملة دي وجعتني جدًا، بس في نفس الوقت فتحت عيني إني كنت متمسك بحاجة مش حقيقية. قررت أوقف التعلق ده وأبدأ أتعافى، بس مش سهل خالص. النهاردة حاسس إني فعلاً بدأت أنساها وأرجع أركز على نفسي. بكتب هنا عشان أشارك تجربتي، وأسمع منكم إزاي أقدر أتعامل مع بقايا التعلق ده، وأبني نفسي من جديد.”*

تعبت معاها وكرامتي بقت زفت.. بس برجع احن ليها

تفتكرو اي اكتر حاجه ممكن تخليني انسها لان انا تعبت معها اوي حسيت الموضوع بقا عندي تعلق مش حب وانا بخسر كتير وكرامتي بقت زفت معها برغم هي عندها كرمتها خط احمر ومحدش يجي عليها بصو المشكله عندي اني ممكن اقسي يوم يومين با الكتير لكن بعدها برجع احن ليها تاني وادخل ابعت واقعد اراضي فيها حتي لو كانت المشكله علي اتفه الاسباب ...عرض المزيد

1 الدعم

1 نصيحة

اكتشفت إنه تعلق مرضي مش حب.. واخترت أبني

يمكن لما حكيت لها عن نفسي، وقلت إني خريج كلية كويسة، وبعافر كل يوم عشان أصرف على بيتي وأمي وأبويا، حسيت إن ده قربني منها. يمكن شافت فيا إنسان صادق وبيكافح رغم الظروف. بس مع الوقت اكتشفت إن اللي كان جوايا مش حب ناضج زي ما كنت متصور… كان تعلق. التعلق ساعات بيبقى زي قيد يخليك مش عارف تشوف حياتك من غير وجود الشخص ده. وأنا لما ابتديت أبص بجد لمستقبلي، حسيت إن ده مش صح. لقيت نفسي متعلّق بيها تعلق مرضي، مش بيبنيني، بالعكس بيخليني واقف في مكاني. ومعرفش نيتها إيه. يمكن كانت شايفاني مجرد زميل بيشارك همومه، ويمكن كانت متأكدة من مشاعري وسايبة الموضوع يعدي من غير رد. الحقيقة إن الإجابة عندها، مش عندي. وأنا مش عاوز أفضل أدوّر في نيتها ولا أعلق نفسي بحاجة مش واضحة. أنا مش عاوز أكون نقطة سودا في حياة حد، ولا أبقى سبب في وجع إنسانة تستحق تفرح وتعيش حياتها. يمكن أنا مكنتش مناسب ليها، ويمكن هي مكنتش مناسبة لظروفي. ربنا أدرى بلي يصلح لينا إحنا الاتنين. عشان كده بقول: يا رب أنساها. مش من قسوة، لكن من رحمة. يا رب تفتح لي باب لمستقبل أوضح، وحياة أبني فيها نفسي بجد. لأن الحب الحقيقي بيبني، لكن التعلق المرضي بيهدم… وأنا اخترت أبني. ...عرض المزيد

3 الدعم

2 نصيحة

البنت تزهق من الاهتمام ولا مهتمش؟ أنا مش فاهم الدماغ

هو هل البنت ممكن تزهق من الاهتمام ؟ أصل تجربتي كانت يعني بهتم و الدنيا لذيذة وفجاءة مشيت وفي تجربة تانية البنت حرفيا مكنتش بديها ريق حلو بس هي كانت عايزة تبقي معايا ( هي ما قلتش كده بس تصرفاتها بعدين أكدت ده) كانت بتسأل كتير وبتبقي عايزة تتكلم كتير و جت فترة مش بنتكلم بس جت سألت وقولت إني مرتبط هي وقتها اختفت وحتي مشفتش الرسايل إلي بعدها كانت رسايل عادية عامة بس مسحت رقمها علشان مش عايز أسبب أذى ليها وأنا مش في نيتي حاجة انا مش فاهم الدماغ بجد يعني اهتم وتمشي ولا مهتمش ولا أعمل أي عايز افهم الدماغ عامة ؟ ...عرض المزيد

0 الدعم

4 نصيحة