انا اتعرضت للتحرش و انا عندى ٦ سنين اكثر من مرة على ايد شخص أقل ما يقال عنه حيوان الموضوع ده اثر فيا جامد ساعتها و بدأت انى أعمل نفس اللى الراجل كان بيعمله معايا مع بنات خالي احنا ٤ بنات بدأت اقولهم تعالوا نجرب و كنا بنعمل كدة فاكرينها لعبة كنت انا ٧ سنين تقريبا وأعمارهم ٥ و ٦ و ٩ سنين ساعتها عملنا فعلا حاجات كتير وقعدنا تقريبا في حدود السنتين او اكثر بنلعب اللعبة دى لحد ما الكبيرة اللى فينا بدأت انها ترفض الموضوع واحدة واحدة فبطلنا الموضوع ده بس انا للأسف بعدها ادمنت العادة السرية ومكنتش اعرف حاجة فعلا كنت طفلة فعلا طفلة هبلة لدرجة انى كنت بحسب ان انا لوحدى اللي بحس بالشعور ده لما اعمل الحركة دى ( اللي هي العادة السرية ) المهم كبرت و فهمت و بطلت الحمد لله و بعد مسلسل لام شمسية حسيت بذنب رهيب على اللى انا عملته في بنات خالی کانوا صغيرين و انا اللى دخلت عليهم الموضوع ده خفت يكونوا وقعوا فى العادة دى هم كمان اترعبت و دخلت في حالة نفسية وحشة لدرجه ان كان بيجيلى نوبات قلق ساعة النوبة كان بیجیلی رعشة و صريخ و عياط و جسمى يكون باااارد لدرجة انى كنت بلبس جواكت في عز الصيف و اتغطى بطانيات و بدأت اخد أدوية اكتآب و الحمد الله إلى حد ما خفيت بس لسة الشعور بالذنب مراحش خايفة عليهم هم اصحابى جدا جدا حتى الآن الكبيرة اتجوزت ف دى انا اتطمنت عليها شوية و واحدة تانية بتين عليها انها كويسة وقريبة من ربنا جدا فمعتقدش انها تكون اتأثرت اوى لكن خوفى على الصغيرة مرعوبة عليها مش عارفة اعمل ايه اكلمها احاول اعذرها و اتأكد انها مش واقعة زي ما انا كنت واقعة ولا اسيب الموضوع خالص يمكن تكون نسيته نيجى بقى ليا انا حاسة انى بميل للبنات حاسة ان ميولى اتغيرت عمرى ما حسيت بإنجذاب ناحية ولد ابدا و بالعكس مع البنات عارفة ان ده مش صح ولا عمرى مره فكرت انى أعمل اى حاجة بسبب شعورى دة بس خايفة على نفسى خصوصا انى فى سن الجواز دلوقتى عارفة ان اللى انا فيه بسبب اللى حصل زمان و ان دى مش طبيعى الحقيقية بس مش عارفة اعمل ايه حتى مكسوفة جدا انى احكى للدكتورة النفسية عشان اتعالج و بقول الكلام ده كله هيروح ساعة الجواز بس خايفة أظلم الشخص اللى هكون معاه و متلغبطة اوى

4

4