انا ولد عندي ١٨ سنة عايش انا و مامتي لوحدنا ابويا تخلى عني انا و ماماتي من و انا طفل و مامتي بصراحة مقصرتش معايا خالص علمتني احسن تعليم و ربتني كويس جداً لحد ما بقى عندي ١٠ سنين واحد اتقدم لمامتي و هي وافقت و عيشنا معاه انا و هي بس هو للاسف مكنش شخص كويس بعد سنتين من الجواز ده كنت انا وصلت لاولى عدادي بدء انه يعت/دي عليا جن/سيا و يفهمني انه المشكلة فيا و انا اللي بطلب ده.. و انا علشان محدش كان بيتكلم معايا في المواضيع دي و كنت بثق فيه و شايفه اب صدقته لحد ما بعد سنة حسيت انه فيه حاجة غلط قولت لمامتي.. امي دخلت في حالة صدمة مكنتش قادرة تستوعب ولا تطلق و عيشت معاه ٤ سنين كمان ماما بتتجاهل الموضوع و هو بيستغل ضعفها و بيقوى عليا زيادة و بيحسسني اكثر انه انا اللي غلط لحد ما الحمدالله بعد محاولات كثير مامتي انفصلت عنه.. بس انا حاسس انه الموضوع لسه مأثر عليا و مش قادر اخرجه من دماغي خالص و حاسس انه معجزني في حاجات كثير في حياتي بقيت اخاف اتعامل مع الناس دايماً زعلان معنديش ثقة في نفسي حاسس اني فقدت حاجات كثير اوي مش عارف اعوضها

9

3