تجربتي مع الجيندار فلويد وتأثير أسرتي عليا

Question

هو انا شاب من بره طبيعي جدا وناوي ان شاء الله اخطب بعد سنتين تلاته لما اتم ال٢٧ او ٢٨ واكون كونت مبلغ. المشكلة اني كنت جيندار فلويد طول عمري وكنت بحاول اتشبه بالبنات بشكل خفيف كده بالذات طول فترتي فالجامعة (كان اخري اني اطول شعري شوية مش اكتر) +انا معنديش اي انجذاب للشباب الحمد لله همه البنات بس زي اي شاب. كل ده بسبب الاسرة وانا صغير كان ندمهم الوحيد عليا انهم كانوا عاوزين بنت مش ولد. في اي حد مر بتجربه مشابهه ؟

Banana_67096 🇪🇬 · Accepted Answer

باشا انت بس متعقد من معاملة اهلك وانت صغير لكن انت راجل زى الفل نصيحة ليك فكك من الكلام الجيندرفلويد ده وعيش ع فطرتك اللى ربنا خلقك عليها واعمل علاقات طبيعية مع الناس هتكتشف الجانب الايجابى فيك ومميزاتك كراجل وكشخص

Apple_66260 🇪🇬 · Answer

ادخل ف علاقات م بنات والعب رياضة اقعد م ناس صحابك رجالة وحاول تعيش حياتهم الي معشتهاش زمان

Avocado_64752 🇪🇬 · Answer

لا انا من النوع الي مبيدخلش علاقات غير خطوبة مباشرتا. مش من الناس الي بتلعب ببنات الناس

Apple_66260 🇪🇬 · Answer

مقلتش العب ببنات الناس اقصد اتصاحب عيش حياتك شوية حاول تبقي باد بوي لفترة كده فهمني 😂

Avocado_64752 🇪🇬 · Answer

كنت بتعامل مع كام بنت في الجامعة في حدود الدراسة بس وفيه منهم محترمين جدا بفكر اتقدم لواحدة فيهم لما اقف علي رجلي ان شاء الله

Apple_66260 🇪🇬 · Answer

في هنا شات خاص نعرف نحكي في او ابعتلي رقمك نتكلم واتس لو حابب

Orange_61792 🇪🇬 · Answer

انت راجل ،جسمانيا راجل و عقليا راجل ،متصدقش و لا تقتنع بفكرة gender لانها كلها كذب و غش و تدليس
،و عادي تطول شعرك يعني مفيش مشكله ،لكن اي تصرف فيه تشبه بالبنات ف لبس او تصرفات او غيره امنعه طبعا

Corn_57743 🇪🇬 · Answer

ايه 🏳️‍🌈!!!؟؟🧐

Banana_66333 🇪🇬 · Answer

احساسك دا ممكن يكون بسبب عدم اختلاطك بشباب أو تجاربك في الحياة قليلة حاول يكون عندك صديق اكبر منك ف السن وعنده خبره في الحياة اكتر منك اكيد هتستفيد من دا

Avocado_64752 🇪🇬 · Answer

منا بجد شاكر لربنا علي كده. 
انا فالاول كنت عاوز اهاجر اي دولة وانا مثلا بعمر المراهقه كده واطلب منهم حماية لاني لو اعترفت في دولتي هيعاملوني اكني محتاج دكتور نفسي.
(وده كان الصح وقتها)
بعدين فالجامعة قررت انه لا انا ميولي كلها سليمه بس انا علي الاقل مش هتجوز اعتراضا علي حكم ربنا عليا وانه عمل فيا كده.
وحاليا تفكيري الحمد لله انه لا لازم امشي ورا السنة واتجوز فعلا فانا الحمد لله شبه اتعافيت دلوقت

Avocado_64752 🇪🇬 · Answer

هو انا فعلا خلاص شبه اتعافيت انا كنت بسال لو حد مر بتجربه زي كده عشان بجد دي حاجة بتدمر حياة الواحد. ياريت اي ام او اب ميقولي لابنه او بنته انا كان نفسي تكوني ولد او بنت لان بجد حرام.

Avocado_64752 🇪🇬 · Answer

اه من وانا صغير وانا معزول اجتماعي معشتش كتير ولا خرجت كتير بس الحمد لله دلوقت اتعافيت

Banana_66333 🇪🇬 · Answer

الحمدلله دلوقتي حاول انك تختلط برجال وتكتسب منهم خبره للحياة ممكن يكون ليك صديق

Banana_67096 🇪🇬 · Answer

ربنا يثبتك ويصلح حالك يارب ❤️🤍 
واى حد يقول لعياله كدا انا اسف يعنى بيكون مش سوى ولا مقتنع بقضاء الله وناقم ع نعتمه