انهارده نزلت البحر الساعة 5:30 والنهار لسه بيبتدي يطلع كنت لوحدي كان البحر فاضي مفيش فيه حد غيري و واحد، المهم روحت للشخص دا هو من سني 18 سنه المهم اتعرفنا ع بعض و قعدنا نتكلم عن الدراسه و تالته ثانوي كل دا و الإنقاذ ماسك صفاره بيصفر لنا لأننا جوه في الغويط بس انا وهو محدش فينا اهتم و كملنا و دخلنا جوه اكتر لدرجة ان الإنقاذ زهق يصفر لنا المهم انا قولت كفايه ندخل اكتر من كدا عشان احتمال كبير لو دخلت اكتر من كدا مش هقدر ارجع و ههبط لأن كنت جوه البحر اوي و لم شخص يهبط بيغرق انا متهور مبيفرقش معايا بس قولت برضو اهدي و متهورش شويه و النهار بدأ يطلع اكتر و الناس تيجي اكتر فجأه و احنا جوه البحر انا و الشخص ال معايا جه 7 شباب دخلو معانا يمكن دخلو اكتر مننا كمان ف الشخص ال اتعرفت عليه كان معايا بندردش فجأه اتحمس و حب يدخل معاهم اكتر م احنا داخلين حرفيا احنا مكناش شايفين البر لأننا جوه خالص ف هو اتحمس اكتر لم شاف الشباب دي داخله اكتر مننا قولتله بلاش عشان تعرف ترجع قالي متقلقش و دخل و راح معاهم عدي نص ساعه و الدنيا تمام فجأه ال 7 شباب لاقيتهم بيصوته زاي البنات لأن خلاص كلها دقايق و هيموته و مفيش حد ينقذهم و على م فرق الإنقاذ تيجي يكونو كلهم غرقو و معاهم الشخص ال قولت اتعرفنا ع بعض و اكتر من 6 فرق إنقاذ شايفهم جايين من على بعُد انا هنا اتوترت خصوصا لم شوفت من بعيد ناس كتير واقفه بره و في ناس بتزاعق لأنهم بيغرقو" بما انهم كانو قريبين مني روحت لشخص انقذو و انا عارف ان احتمال كبير أغرق معاهم و دا ال حصل و انا بشد الواد و بمسكه لأنه خلاص بيغرق و على وشك الموت لاقيته بيشدني و شربت ميه كتير و كنت هغرق انا كمان ف حاولت ابعد و انقذ نفسي و هنا انا قولت نفسي نفسي لحد هنا كان في لانش جه و معاه 6 فرق إنقاذ لحقو الموقف لاكن على م ال 8 شباب اتكتب لهم عُمر جديد كان في شخص مات الشخص دا ال حاولت انقذو و هو شدني و كنت هغرق و سبته و مشيت الحقيقة كلنا طلعنا بخير معادا شخص توفي و الإسعاف جات ع الشاطئ اخدتو كان فيه ناس واقفه كتيره ع الشاطيء بسبب الشخص ال غرق و انا واقف حاسس بالذنب لأنه غرق بسببي و مقدرتش انقذو من وقتها و انا متغير و معرفش مالي ثقتي في نفسي نزلت مبقتش قادر اتكلم عايز اقعد لوحدي الفتره الجايه مش عايز بشر عارفين انتم لم شخص يتعرض لصدمه انا تقريبا الشخص دا او مش قادر احدد بالظبط المشكله فين بس لأول مره احس ان استحق الموت و مبقتش محتاج اعيش في نفس الوقت جالي عقده نفسيه من البحر كل دي حاجات انا حاسس بيها و في كمان حاجات تانيه انا حاسس بيها زاي تأنيب ضمير و حاجات تانيا كمان انا مش قادر اوصفها مخنوق جدا الحقيقة اول مره ابقي كدا

3

4