واقعه مع زوج مستغل وبفكر انتحار

Question

انا مش عارفه ابدأ الكلام ازاى.. بس انا واقعه مع زوج مستغل و دى تجربه تانيه.. كنت متجوزه قبل كده و معايا بنتين.. زوجى الحالى ما بيعملش حاجه غير انه ياخد وبس.. بشتغل وهو اللى بيقبض و بتعب طول اليوم ويجى ياكل و يشرب من غير كلمه حلوة.. مستغل انى يتيمه و بيهددنى طول الوقت بالطلاق لو منفذتش طلباته بهدوء.. مفيش حد الجأله و اعصابى بتنهار.. جدياااا بفكر انتحر لانى مش قادره اقول باقى تفاصيل حياتى وكل السئ اللى عشته معاه ومع ابو البنات.. بكره نفسي💔

Apple_70037 🇪🇬 · Accepted Answer

طيب هو كدا بإرادته ولا عنده ظروف قهريه ؟

Mango_74700 🇪🇬 · Answer

ولا تكرهي نفسك ولا حاجة 
عليكي بالدعاء ليه و لنفسك بصلاح الحال 
و ان لقيتي لابد من مفارقته يبقى اتطلقي 
و اوعي تشيلي هم او تخافي من كلام الناس

Mango_77800 🇪🇬 · Answer

انا مش شايفه فى امل ابدا منه.. ده غير انه مش بيشتغل اصلا ولا بيدخل جنيه و بيحرص طول الوقت انه يسبنى من غير فلوس عشان افضل محتاجه البيت...انا متاكده انى لازم اطلق.. بس كل تفكيرى انا هطلق هروح فين.. هتشرد فى الشارع.. هتبهدل 💔😔

Mango_77800 🇪🇬 · Answer

هو كده بإرادته.. مش بيشتغل ولا عاوز يتعب.. بيستهلكنى من كل حاجه وبكل شكل ممكن.. صحته كويسه جدا ويقدر يشتغل وبيتعرض عليه شغل دايما بس هو مش عاوز

Mango_74700 🇪🇬 · Answer

ولا هتتشردي ولا حاجة في حلول كتير 
انتي مخلفة منه اطفال ولا الي معاكي من جوزك الاول ؟

Apple_70037 🇪🇬 · Answer

معاكي اطفال منه ؟

Mango_77800 🇪🇬 · Answer

مش مخلفه منه.. اللى معايا بنتين من جوزى الاولانى بس.. وفعلا هتشرد.. لانى مليش حد اروحله.. و الناس مبترحمش.. يعني انا بعرف اشتغل كذا حاجه بس المكان.. هقعد فين ومنين.. وهو مستغل ده فى الضغط عليا

Mango_77800 🇪🇬 · Answer

لا معييش منه اطفال.. معايا بنتين من جوزى الاولانى بس

Apple_70037 🇪🇬 · Answer

مرتبك ميساعدكيش تشوفي مكان علي قدك ؟ 
ملكيش اي حد تلجأيله نهائي ولو بمساعده معنويه ؟

Mango_74700 🇪🇬 · Answer

شقة ايجار ف اي مكان ان شالله بنص مرتبك 
انتي منين اصلا ؟

Sugar_69780 🇪🇬 · Answer

طالما انتي كدا كدا ال بتصرفي اتطلقي منه وربنا يرزقك بانسان افضل منه يكون ظهر وسند متفقديش الامل وتتعبي اعصابك مع حد مبيقدرش

Mango_77800 🇪🇬 · Answer

لا مرتبى ما يساعدنيش اعمل كل ده.. انا شغلى ميدفعش تامين شقه.. يدفعلى ايجارى ويسترنى ايوه.. انما تامين شقه عشان اعيش فيها لا.. هو مطمن انى يتيمه و مليش حد و اخويا رفض يساعدنى بأى شكل لانه فاكرنى طمعانه فيه و مفيش اى كلام بنا

Popcorn_68662 🇪🇬 · Answer

انتي ليه مصعبها علي نفسك اوي كده . 
طالما مفيش منه اولاد امشي و سيبيه اطلقي وخدي بناتك وابعدي و طالما بتشتغلي اطلبي من ابوهم نفقه و سكن ومشي امتي بتظلمي نفسك مع شخص كده و محسوب راجل علينا

Mango_77800 🇪🇬 · Answer

انا من دمياط.. شقه ايجار مختلفناش.. ده اللى مخليه مش بيسبلى ولا جنيه معايا.. اى شقه عاوزة تامين الاول.. انا شغلى عباره عن كتابه عالنت لليوتيوب و المواقع.. يدفعلى ايجارى ويسترنى اه.. بس ميدفعش تامين شقه ابدا

Apple_70037 🇪🇬 · Answer

حالك ميرضيش حد ولازم تشوفي لنفسك حل لو مشكلتك في التأمين بس حلها سهل لكن عندك خطه بعد كدا ؟

Mango_77800 🇪🇬 · Answer

لا لا.. انا مش هتجوز تانى.. مستحيل.. تجربتى الاولى مع ابو بناتى خرجت منها عايشه بمعحزة و لولا ضغط اهلى الله يرحمهم  عليا مكنتش اتجوزت ده اصلا..انا لو عليا اتطلق من الصبح.. بس منين هجيب مكان يسترنى ببناتى

Mango_74700 🇪🇬 · Answer

هو مش التأمين بيبقى ايجار شهر ولا اتنين ؟ 
خلاص توكلي على الله و هتلاقي ربنا مسهلهالك و بيساعدك
ممكن برضو تسمعي نصيحة الاخ الي بيقلك تطلبي مسكن من الزوج ابو الاولاد لو ينفع

Apple_70037 🇪🇬 · Answer

ابو البنات سايبهم ليه ؟ مبيصرفش عليهم ولا ظروفه مش مساعده ؟

Mango_77800 🇪🇬 · Answer

والله العظيم نفسي.. بس للاسف ابوهم عمره ما هيدفع جنيه.. مطلقه منه بقالى اكتر من 8 سنين ومدفعش جنيه واحد.. غير ان دخلى ميجبليش شقه اقعد فيها بشكل مبدأى للاسف.. و ده اللى مطمنه انى مش عارفه امشى ومش بيسبلى ولا جنيه اصرف منه ولا احوش لنفسى

Banana_63629 🇪🇬 · Answer

اطلبي اي مساعده مجتمعيه = طرف تالت مقبول عند أي حد = شيخ الجامع = حد من لجنه الفتوي = حد كبير هو بيحترمه لكن طول ما مفيش حد عارف عمايا عمره ما هيقف للا ب معجزة

Mango_77800 🇪🇬 · Answer

لا فى دمياط التامين مش بيبقى شهر ولا اتنين.. يا ريت كنت اطلقت من الصبح والله.. التامين عندنا مبلغ فى الاول رقم مش قليل وبعدين بقى ادفع شهرى و لو جيت اسيب الشقه فى اى وقت ومفيش تلفيات فيها باخد التامين معايا..

Mango_77800 🇪🇬 · Answer

انا مشكلتى فى التامين بس.. انا شغلى يكفينى ايجار و مصاريف انما عشان انقل سكن لوحدي و ادفع تامين فى دمياط عندنا بياخدوا مبلغ اول من الساكن.. هو لاوى دراعى بالوضع ده

Popcorn_68662 🇪🇬 · Answer

اي ده 
هي الرجاله دي ظهرت امتي يانهار اسود 
بصي انا مش عارف اقولك اي بس والله يا ست الكل اي حاجه هتحصل احسن من اللي انتي فيه حاليا طالما استغلال باستغلال 
وارفعي علي اول واحد قضيه 
و التانيه انتي ممكن تطلعي عين أهله بالطريقه بس كل الخوف يمد ايدو عليكي

Mango_77800 🇪🇬 · Answer

بالعكس ظروف ابوهم كويسه جدا.. سايبهم لانه مش عاوز يشيل مسؤولية حد.. بعيد عن السامعين مدمن عايش لدماغه وبس

Mango_77800 🇪🇬 · Answer

للاسف بوضعه وقلة ادبه و زوقه مع الكل.. محدش وافق يدخل فى الموضوع.. و امه مشجعاه على كده و دايما تقوله قصقص جنحاتها اول بأول... و الجمعيااات هنا عشان تصرفلى معاش عوزانى اصرف على ورق و تقارير حاله و بحث اكتر من اللى هحتاجه تأمين شقه تريحنى من القرف ده

Apple_70037 🇪🇬 · Answer

لو اتطلقتي تقدري تشيلي مسئولية نفسك ؟ 
لو اتطلقتي تقدري تحبري ابو بناتك يصرف عليهم ؟ 
لو تقدري متقعديش لحظه وموضوع التأمين ده محلول مفيهوش مشكله كل حاجه تحصل بهدوء وتحركات تكون محسوبه ولو محتاجه مساعده في اي حاجه في دمياط بخصوص سكن او اي حاجه تواصلي معايا

Mango_77800 🇪🇬 · Answer

قصدك كل الخوف يقتلنى او يأذى بناتى.. مد الايد فااات اوانه خلاص.. هو بيمد ايده فى اى وقت.. انا مش عارفه اخد خطوة الطلاق عشان معايا بنتين هبقى بيهم فى الشارع.. تفتكر لو معايا اجيب محامى ياخد دم قلبى مش كان الاولى اخد شقه ليا بعيد واطلق.. من واحد لا ببشتغل ولا عاوز يتعب

Sugar_69780 🇪🇬 · Answer

طالما انتي ال بتصرفي لو هتعيشي بغرفه اكرملك نفسيا وصحيا واولادك هيرتاحوا

Mango_77800 🇪🇬 · Answer

اقدر اشيل مسؤولية نفسي اه.. اقدر اجبر ابو البنات يصرف عليهم مستحيل.. ده انا نفسي ابعد عن هنا بس من غير ما يعرف انى هتحرك من البلد و يأذينى.. كل كلامه انا سبتك تتجوزى سبتك تعيشى عادى بعدى.. هتفكرى تبعدى هقتلك.. طب وبناتى مين هيعشلهم

Mango_77800 🇪🇬 · Answer

هى فين الغرفه💔

Mango_74700 🇪🇬 · Answer

مفكرتيش تكلمي ابو الاولاد في انه يوفرلهم مسكن ؟
+ التأمين بيكون كام يعني

Apple_70037 🇪🇬 · Answer

المحاميين قصرو في حاجه معاكي ؟ يدفع من يوم ما طلق لغاية يومنا هذا ورجله فوق رقبته .. القانون صارم في حقوق الابناء والزوجه

Banana_63629 🇪🇬 · Answer

لو كلمتي لجنه الفتوي هايعملو لك زيارة و بيبقو مجموعه مش شخص 3/4 أشخاص ب لبس الازهر و هيعملوله احلي كمين و هيسمع الكلام لما يلاقي شكلة. قدام الجيران ان بتوع ربنا عندك ف بيتك يبقي فيك حاجة و هيخاف ع شكله

Sugar_69780 🇪🇬 · Answer

والله ممكن اساعد انا او اي شخص من الموجودين بالمكان المناسب ليكي

Mango_77800 🇪🇬 · Answer

ابو البنات عايش عشان دماغه وبس حسبى الله ونعم الوكيل فيه.. مدمن ومش عاوز يشيل مسؤولية حد.. اما كنت باجى اطلب منه حاجه كان بيهينى فى وسط الشارع...احنا التأمينات عندنا هنا قطم وسط.. يعني لو شقه اوضتين فيما فوق اقل حاجه عشر الاف جنيه.. وانا مش عاوزة اوضتين ولا حاجه.. انا عاوزة اوضه واحده واما جيت اسال عشان اعمل حسابي او احاول اتصرف لقيت الاوضه بمطبخ وحمام تامينها خمس الاف جنيه.. اقولهم وضعى مفيش رحمه

Mango_74700 🇪🇬 · Answer

صدقني ي اخويا انا بدأت افكر ف كدا بس هي ممكن تسيب بلدها و تروح اقرب محافظة ليها يكون احسن لها

Popcorn_68662 🇪🇬 · Answer

ده راجل ابن ... 
بصي طيب ممكن تبعتلي علي اخر بوست عندي أنا كاتبه من ساعتين عشان يفتتح شات بينا و هقولك علي كام حاجه

Mango_77800 🇪🇬 · Answer

ده حقيقى.. بس مفيش محامى رحتله وافق من غير اتعاب.. و لو زوجى ده بياخد كل شقايا وتعبى وشغلى هجيب للمحامى اتعاب منين.. انا عارفه ان بناتى ليهم حقوق.. بس حقهم مش هيجى طول ما انا هنا

Mango_77800 🇪🇬 · Answer

و دول اوصلهم ازاى

Sugar_69780 🇪🇬 · Answer

والله ال يناسبها نحاول نساعدها كلنا كاخوان لو هي حابه ندورلها علي سكن رخيص ومناسب يحميها هي وبناتها

Mango_74700 🇪🇬 · Answer

طيب انتي مرتبك قد اي ؟
يعني حتى متقدريش تجمعي المبلغ دا على فترات 
او اقلك حاجة ممكن تنقلي من المحافظة مثلا ؟

Apple_70037 🇪🇬 · Answer

انتي متشائمه جدا .. هو فعلا الواقع مرير ولكن خطوه واحده بعقلانيه ربنا بييسر كل حاجه بعدها حاول تفكري بدون تشاؤوم وتبحثي عن حلول للخروج من مشكلتك هتلاقي صدقيني .. الواحد وهو تايه الخل بيكون قدام عينه بس مش شايفه

Mango_77800 🇪🇬 · Answer

عملت كده

Mango_77800 🇪🇬 · Answer

انا خايفه.. حد عارف يعني ايه خوف.. حاسه انى مسجونه هنا.. اقسم بالله انا مش شخص متلاعب.. ده انا كاتبه وليا اسمى ومكانتى.. بس دى ظروفى.. مرعوبه من فكرة المحاوله حتى.. اقصى حاجه اقدر اعملها انى اطلق من ده ومش هيدينى اى حاجه من حقوقى انا واثقه.. و اشوف اوضه واحده بمطبخ وحمام تتاوينى انا وبناتى.. ده اخر حاجه اقدر اعملها.. بس اعمل كده ازاى وهو حابس انفاسي طول الوقت و مكسر جنحاتى.. مفيش جنيه مبيخدوش منى

Banana_63629 🇪🇬 · Answer

كلمي لجنه الفتوي ف الازهر ع رقمهم و حد و شيخ من إدارة الوعظ و الارشاد هو إللي يكلمك و يرتب معاكي

Mango_77800 🇪🇬 · Answer

انا مش موظفه يعنى مليش دخل ثابت.. انا كاتبه.. يعني احيانا بيدخلى فى الشهر 1000 احيانا تانيه بيدخلى اكتر و ساعات اربعه وخمسه بس انا لو سبته هبقى بكتب و هشتغل حاجه تانيه كمان.. وللاسف مش هقدر اعمل اى حاجه من فلوسي طول ما انا هنا.. لان كل الفلوس هو بياخدها مش بمسك منهم جنيه.. انما وانا بره بيته.. اقدر اعيش عيشه كريمه

Sugar_69780 🇪🇬 · Answer

تامين الشقه كام واحنا اخواتك نلم من بعض حسب قدره كل واحد

Mango_77800 🇪🇬 · Answer

عندك حق.. ادعيلى بالله عليكي 💔

Apple_70037 🇪🇬 · Answer

لا حول ولا قوة الا بالله .. محدش يرضا بكدا خاصة ان ده عرقك وشقاكي

Mango_77800 🇪🇬 · Answer

تأمين الشقه 5 الاف جنيه.. انا سالت كذا حد قالوا ان شقه اوضه واحده بمطبخ وحمام نضيفه ليا ولبناتى تامنها كده و ايجارها كل شهر 800ج.. انا اقدر ادفع ايجار و مصاريف بناتى والله انا شاطره وبشتغل الحمدلله ومش بعرف اقعد من غير شغل

Mango_77800 🇪🇬 · Answer

لله الامر من قبل ومن بعد

Mango_74700 🇪🇬 · Answer

هو بياخد فلوسك ازاي ؟ 
لي بتديهاله 
اكيد بيضربك زي م قلتي 
طيب انتي ملكيش اهل خالص تروحيلهم ولا صحاب ؟

Mango_77800 🇪🇬 · Answer

والله العظيم والله العظيم ما ليا اى حد اروحله.. انا فلوسي كلها بتوصلنى كاش عالمحفظه و هو سايبنى فاتحه الواتس للشغل من الرقم بس اخده معاه فى تلفونه اى فلوس بتروحله ولو اعترضت بضرب و اتهان و اتذل باللقمه واتحرم منها كمان

Apple_70037 🇪🇬 · Answer

لو محتاجه اي مساعده انا اقدر اعملها تواصلي معايا هعمل اللي في استطاعتي ايا كان وممكن اقترح عليكي حلول

Coffee_29532 🇪🇬 · Answer

انتي كنتي قاعده فين قبل ما تتجوزي الجوازة التانيه؟

Mango_77800 🇪🇬 · Answer

كنت مع اهلى فى بيتهم و بعدين اتجوزت وبعد الجواز بسنه ماتوا و اخويا احتل البيت.. لجأتله بدل المره الف رمانى فى الشارع و رفض يساعدنى بأى شكل لانه فاكرنى طمعانه فيه مت انى ليا حق بس هو قال ان بابا كتبله كل البيت.. و يبقى الحال على ما هو عليه

Mango_74700 🇪🇬 · Answer

طيب احنا ممكن نبدأ بأن نخلي الفلوس تيجي على مكان تاني او على الاقل جزء منها تقدري تعملي حاجة زي دي ؟

Mango_74700 🇪🇬 · Answer

ولا انك تقعدي حتى ف البيت شهر حتى على م تلمي فلوس التأمين 
فهميه انك مش عاوزة منه لا فلوس ولا طمعانة ف ميراث 
لا حول ولاقوة الا بالله

Mango_77800 🇪🇬 · Answer

ايوه ليا واحده شغاله معاها ثقه كانت شيفالى شقه قريبه منها.. اقدر اطلب منها الطلب ده.. يس مش فاهمه والله الفلوس هتيجى منين ومن مين لفين.. انا توهت؟؟

Mango_74700 🇪🇬 · Answer

انا بحاول افكر معاكي 
ممكن تخلي جزء من فلوس الشغل بدل م تروح على الرقم الي مع جوزك تروح على رقم صاحبتك و كدا كدا جوزك مش هيعرف

Mango_77800 🇪🇬 · Answer

والله العظيم ما طلبت منه جنيه.. طلبت اقعد شهرين بس اجمع قرشين وامشى رفض. قالى عاوزة تطلقى تانى.. هو انتى فاكره نفسك لسه صغيرة انتى بقيتى 31 سنه.. عيشى وانتى ساكته

Banana_75181 🇪🇬 · Answer

اتطلقي او اخلعية
ليه تنتحرى

Mango_74700 🇪🇬 · Answer

قوليله اه عاوزة اتطلق تاني مش مستحملاه مبيصرفش عليا 
ولا اخوكي دا معندوش نخوة ولا الرجالة عندكوا ماتت ولا اي

Mango_77800 🇪🇬 · Answer

ياريت كنت اعرف.. اى حاجه بكتبها هو عارف سعرها وتمنها لانه مش بيخرج من البيت اصلا طول الوقت قاعد.. عارف اشتغلت بايه وبكام وبعته لمين و اول ما اسلم الشغل ياخد الفون يأمن عالمبلغ اللى هيوصل و بس..

Coffee_29532 🇪🇬 · Answer

مش عارف اقولك ايه حسبي الله ونعم الوكيل في ده اخ و دول اهل.. بصي هي بإذن الله محلولة انتي بس بكل هدوء ظبطي موضوع الشقه و العربيه اللي هتاخد حاجتك من بيتك دلوقتي و ظبطي كل حاجه و اليوم اللي هتنقلي فيه غيري رقمك علشان مفيش فلوس توصله تاني و موضوع فلوس التأمين محلولة انا شايف الحمد لله الناس لسه فيها خير هنا ظبطي امورك و نزلي رقم الكاش في بوست تاني و بإذن الله خير

Mango_74700 🇪🇬 · Answer

طيب انا هحاول اشوفلك حاجة اساعد بيها في بوست ف المود فيه رقمي زانجي ابعتيلي و ان شاء الله خير

Mango_77800 🇪🇬 · Answer

اعمل كده عادى.. انا معرفش حد هنا ولا حد يعرفنى.. اخاف حد يقولى كلمه مهينه او يجرحنى

Mango_77800 🇪🇬 · Answer

اتواصل ازاى

Mango_74700 🇪🇬 · Answer

فكرت في كدا بس مش هيبقى حل كويس و فعلا الناس هتضايقك و في الي هتلاقيه مريض و بيتصل يعاكس

Coffee_29532 🇪🇬 · Answer

اسمعي بس الكلام و ظبطي امورك بكل هدوء و اتفقي مع صاحب الشقه و اتفقي مع العربيه اللي هتنقل العفش هتاخد كام و جمعي سعر كل حاجه حتى سعر الخط الجديد اللي هتجبيه و بإذن الله في اقل من شهر هتكوني نقلتي

Mango_77800 🇪🇬 · Answer

مش فاهمه اكلمك ازاى

Coffee_29532 🇪🇬 · Answer

سيبك من المعاكسة حولي الخط خلي اي حد يرن يديه مغلق يبقى بني ادم معندوش لا دم ولا نخوة أصلاً اللي يعمل كده في وقت زي ده

Mango_74700 🇪🇬 · Answer

برنامج اسمه zangi او اي حاجة تعرفي تتواصلي معايا فيها 
ممكن بوست برايفت برضو عادي

Mango_77800 🇪🇬 · Answer

انا يعتبر عامله حساب كل حاجه.. لان الفكرة دى مش بتفارق راسي ابدا انى اخرج من هنا..سهل انى اعمل كل ده فى ساعه واحده وهو بيصرف اى فلوس من اللى بتوصله... بس ابقى مستعده بالمبلغ.. انا عشان تامين و عربيه تنقل و خط جديد وكل ده 5800ج بالظبط تامين الشقه بالخط والعربيه وكله.. بس فعلا هنزل رقمى ازاى ويرجع حد يقول كلمه بايخه

Mango_77800 🇪🇬 · Answer

نزلى بوست وانا ابعتلك رساله برايفت.. انا مش عارفه البرنامج ده خالص

Coffee_29532 🇪🇬 · Answer

صلِّ على النبي اكيد الفلوس اللي هتتحولك من الناس هنا هتتحول على خط مش خطك ممكن خط صاحبتك اللي بتقول عليها ساعتها قولي ليها اي رقم غريب متردش او تحظر اي رقم غريب يرن من تروكلر تفعل الخاصية دي بعدها نزلي الرقم واللي يقدر يساعد ولو بعشرة جنيه يبعتها

Coffee_29532 🇪🇬 · Answer

مانجا اللي بعتلك ده راجل مش بنت وانا راجل مش بنت

Mango_77800 🇪🇬 · Answer

انا عملت البوست زى ما قولتلى وربنا يستر

Ice Cream_70537 🇪🇬 · Answer

انا متفهم اللي انتى بتمرى بيه وربنا يعينك عليه،  بس عايز  أقولك إن فكرة انك بتطلبي الانتحار ده مجرد تعبير عن أقصى درجات الإرهاق والألم، مش حل. حياتك مهمة، وبناتك محتاجينك، ومستقبلك يستاهل إنك تحاربي عشانه.

Mango_77800 🇪🇬 · Answer

اسفه مكنتش اعرف والله انكوا مش بنات لان مش بيبان عالبرنامج ده.. ربنا يستر.. وبعتذر على سوء الفهم منى

Mango_77800 🇪🇬 · Answer

للاسف غصب عنى مش شايفه امل.. يمكن كلام الناس هنا محفز شويه وبيطرح افكار فعلا.. اقسم بالله فى الوقت اللى شوفت فيه اعلان البرنامج ده.. كنت شبه هودع الدنيا عشان تعبت.. بس معرفش ليه جبته و نشرت حاجه عليه..

Mango_77800 🇪🇬 · Answer

مسحت البوست زى ما قالى و البرنامج قال استنى 30دقيقه قبل ما انزل بوست تانى

Mango_74700 🇪🇬 · Answer

انا منزل بوست ابعتيلي

Ice Cream_70537 🇪🇬 · Answer

فيه كام سؤال انتى بس اللي تقدري تجاوبي عليهم وقتها هتقدري تقرري هتعملي ايه
هل بتحسي بالخطر الجسدي او النفسي عليكي او على بناتك في وجوده؟
لو كملتي في حياتك زي ماهي ماشية دلوقتى حالتك النفسية والعصبية هتبقى عاملة ازاي؟ وهل انتى هتقدري تتحملي الثمن دا؟
هل سيطرة جوزك على فلوسك وتعبك تستحق تمن الهدوء المؤقت اللي انتى بتشتريه بيه؟
هل عندك خطة بديلة تحمى بيها فلوسك بعيد عنه؟

Mango_77800 🇪🇬 · Answer

حاضر

Mango_77800 🇪🇬 · Answer

بعتلك

Ice Cream_70537 🇪🇬 · Answer

فكري بينك وبين نفسك في الحياة اللي نفسك تعيشيها انتي وبناتك حتى ولو كانت بسيطة؟ بعد كدة فكري ايه اللي موقفك من انك تعملى كدة فعلا؟
انتى اتجوزتي قبل كدة وبقى عندك بنتين يعني اخدتي  وقت طويل قبل ما تطلقي فكري كدة ايه هي اهم قوة داخلية جواكي اكتشفتيها من التجربة دي لان كل تجربة بنمر بيها بنكتشف حاجات فينا جديدة؟ وبعدين فكري هتقدري تستغليها ازاي دلوقتى في الظروف دي؟

Ice Cream_70537 🇪🇬 · Answer

ولو قررتي تستمري ايه هي الحدود الواضحة اللي لازم تنفذيها علشان تحمى نفسك وتحمى بناتك وتحمى فلوسك ودا مهم لمستقبلكم كلكم؟
وهل انتي مستعدة تفرضي الحدود دي حتى لو هددك بالطلاق؟
انا خلصت ويارب اكون حاولت اساعد ولو بطريقة تفكير جديدة تساعدك

Coffee_29532 🇪🇬 · Answer

مش مشكله استني كمان شويه و نزليه تاني و وضحي انك الشخصيه الفلانيه صاحبة المشكله الفلانية علشان الناس تعرفك و بإذن الله خير بس اوعي حد يستغلك على سبيل المساعده زي ما فيه كويسين هنا في ناس بنت وسخه بالذات هنا اكتر من الكويسين لدرجه انهم مغطيين عليهم ف خلي بالك كويس و اتعاملي بحظر

Mango_77800 🇪🇬 · Answer

انا لز فضلت مكمله معاه هموت باسوأ الطرق.. انا مش نايمه لحد دلوقتي بسبب الخوف من وجوده فى نفس المكان معايا بتحول من انسانه لخيااال ضل.. كل حاجه فيا بتنهار نفسيا وعصبيا كمان.. اقدر اعيش لوحدي والامر ما يستاهلش تضحيتى.. اللى موقفنى المكان.. مقدرش اخرج بره بلدى.. عاوزة بس شقه صغيرة اعيش فيها.. ده اللى عوزاه مش اكتر

Mango_77800 🇪🇬 · Answer

حاضر والله.. هستنى و انزل البوست تانى.. وانشاء الله خير.. شكرا لحضرتك

Mango_77800 🇪🇬 · Answer

انا مبقتش مستعده اقدم اى حاجه فى علاقه سامه.. عاوزة اهرب ببناتى وباللى فاضل منى وبس

Coffee_29532 🇪🇬 · Answer

الشكر لله ربنا يفك كربك يا رب و يحرسك انتي و بناتك و يحميكوا و يحفظكوا يا رب اللهم آمين

Ice Cream_70537 🇪🇬 · Answer

واضح من كلامك انك كنتى بتتعاملى مع شخصية نرجسية ودي حاجة صعبة جدا اي حد يتحملها وخصوصا الزوجة.
طيب انتى كدة عارفة انتى عايزة ايه ومحدداه يبقى فاضل التنفيذ واول حاجة واهم حاجة المكان زي مانتي قلتي يبقى تاخدي خطوات ايجابية وتدوري على مكان مناسب ليكي ولبناتك الاول قبل ما تطلبي الطلاق
ولو فيه اصدقاء مقربين ليكي مهم جدا يبقو متواجدين دلوقتى معاكي

Mango_77800 🇪🇬 · Answer

مفيش حد مقرب.. وانا برغم انى جاهزة للطلاق فى اى وقت عشان اقدر اتنفس تانى.. الا ان موضوع المكان صعب..الشقه عاوزة تامين.. اقل شقه اوضه واحده بمطبخ وحمام تامينها خمس الاف جنيه ناهيك عن عربيه هتنقل حاجتى لهناك..انا مش واقفه غير على فلوس التامين وابقى حره.. انا بعرف اشتغل والله وشاطره و اقدر اعيش.. بس فكرة انه مش بيسيب فى ايدى جنيه حتى.. مخليه الموضوع صعب

Ice Cream_70537 🇪🇬 · Answer

يبقى تأجلى موضوع الشقة لحد ماتقدري توفري باي طريقة ممكنة فلوس التأمين والايجار
ولو فيه حد قريب منك يقدر يديلك المبلغ دا يبقى افضل
وممكن اصلا تاخدي سلفة من المكان اللي بتشتغلي فيه تكفي مصاريف نقلك

Mango_77800 🇪🇬 · Answer

انا مش بشتغل فى مكان ولا موظفه.. بشتغل في الكتابه عالنت لليوتيوب و المواقع التانيه.. قصص اطفال و رعب وكده..بتتحول فيديوهات.. دخلى مش ثابت ولا اعرف اعمل كده.. للاسف كل ما فترة وجودى بتطول هنا.. وضعى بيبقى من سئ لاسوأ.. بفكر فى الموت مل لحظه.. كل ما بيمد ايده عليا ببقى عاوزة اموت مبقاش فيااا حته تضرب.. سبت امرى فى ايدك يارب

Mango_77800 🇪🇬 · Answer

انا نزلت البوست اهو زى ما قولتلى.. اتمنى محدش يهينى فيه بس 💔