كيف أتخطى طلاقي وأعيش مع أسرتي الضاغطة؟

Question

تجربه الانفصال من جوازه فاشله بعد فتره قصيره والرجوع لاسره ضاغطه ومقرفه وانتقاديه وفاضيه وبتحب تضغط اللي قدامها وتبروز اي غلطه ليه وتضخمها مهما كانت صغيره وكانوا هما سبب هروبي للجوازه الفاشله دي اتخطاها ازاي واعيش وسط اهلي الضاغطين الصعبين جدا دول ازاي بعد الطلاق
محتاره ومجهدة وتعبانه نفسيا من بيت اهلي ف الاول ومن طباع طليقي اللي كانت شديده السوء وكانت مدخلاني علي مرض نفسي اصلا وقتلت نفسي حرفيا تصليح فيه منصلحش ومقدرتش اتحمله
ادعولي بالفرج والعون وجبر الخاطر

Potato_67700 🇪🇬 · Answer

اول حاجه لازم تشوفي حد من قرايبك تقعدي معاه فترة التعافي لحدم ترجعي لنفسك

Banana_67222 🇪🇬 · Answer

حبي نفسك و عيشي حياتك اعملي اللي يفرحك و اتكلمي ما تكتميش و ماتخليش اي مشاكل تأثر عليكي حبي نفسك و فرحي نفسك ب نفسك

Chilli_67750 🇪🇬 · Answer

للأسف مريت بنفس التجربه من زواج فاشل ودخلت في زواج اخر فاشل للمره التانيه نتج عنها طفلتين فخور اني والدهم لكن المجتمع رافض وفض نهائي لهذا الموضوع
انصحك تركز على نفسك وتكون نسخه افضل وافضل

Carrot_65356 🇪🇬 · Answer

خلاص اتجوزي تاني

Coffee_52706 🇪🇬 · Answer

تعالي جمبي  نفس اللي حصل معايا بالظبط بس الفرق اني عرفت اعيش لوحدي واسيب اهلي بما اني راجل طبعاً بس نصيحتي ليكي سيبيك منهم نهائي وفكري دايماً ترضي نفسك بس وباذن الله تتعافي من اللي حصلك في التجربة دي وتختاري كويس المره الجايه وباذن الله ربنا يعوضك بالاحسن

Avocado_63640 🇪🇬 · Answer

ما الفكره اني كنت بفضفض معاهم 
من باب الستر علي طليقي مقدرش اتكلم عن عيوبه مع ناس غريبه فكنت بحكي لامي مثلا او اخويا وحرفيا كل كلمه بتتمسك عليا منهم 
والمصيبه انهم متأكدين انه سيء وجريوا ف طلاقي اصلا طيب بيلوموني ليه بجد

Avocado_63640 🇪🇬 · Answer

طيب اعملها ازاي وانا بنت ومن مجتمع محافظ ومش هينفع طبعا اعيش ف مكان تاني 
انا دكتورة الحمد لله وبقضي اغلب يومي ف شغلي او الجيم او حفظ القران لكن حتي لما بروح شويه مبترحمش من تريقتهم عليا حتي ف اني كنت بحاول اصلح بيتي واحافظ علي جوزي رغم انه مكنش حد مريح ولا كويس الله يساهلي بعيد عنه بقي

Avocado_63640 🇪🇬 · Answer

مستحيل يرضوا طبعا

Potato_67700 🇪🇬 · Answer

حالك مش هيتغير غير م تبعدي

Coffee_52706 🇪🇬 · Answer

انا هقولك لما حد فيهم يحاول يوجهليك كلمه متعجبكيش متروديش خالص كأن محدش بيتكلم حتي لو والدك او والدتك وبما انك ماشاء الله في كل اللي قولتيه دوري علي حد تاني يكون كويس واكيد ربنا هيعرضك ويراضيكي مدام مظلمتيش ولا قصرتي اهم حاجة مفيش اولاد والمهم من كل ده انك لازم تتخطي

Banana_67845 🇪🇬 · Answer

خلي مبدأ عسي أن تكرهو شئ وهو خيرا لكم دا أساس ف حياتك
خلي كلمه خير ادامك ع طول
الانفصال نقطه انطلاق جديده ف حياه أن شاء الله تكون افضل
و بما أن طباع جوزك ع حد وصفك صعبه التعامل معاها ف اكيد كان الافضل الانفصال
و دا كمان افضل من انك كنتي عملتي حاجه غلط او تضري نفسك ف اكيد دا الخير
بالنسبه ل أهلك اظن ان حياتك كلها معاهم و اكيد مش هيكون قصيين عليكي هما اكيد خايفين عليكي و همهم مصلحتك و مصلحتهم مصلحتك

Mango_66250 🇪🇬 · Answer

ربنا هيعوضك الاحسن ان شاء الله 
لو حابة تتكلمي اكثر ونفكر نلاقي حل
لو عندك just talk 
Ahmed_1780