انتقاد

Marshmallow_75106 🇪🇬

منذ يومين

شعور مكسور القلب

مشكلة حياتي هي ماما شخصيتها انتقادية جداً وبتديني ديماً طاقة سلبية في اي حاجة بعملها لبسي، دراستي، تصرفاتي ديما انتقاد في كل حاجة مفيش مدح ابداً وديماً عقاب مفيش مكافئة بتقولي اني فاشلة وانانية ومبحبش غير نفسي مع اني ديماً حتى بقبل بأقل حاجة ولما اكل تقولي اني انا الي مخلصة الاكل مع اني مش باكل غير

Strawberry_74772 🇪🇬

منذ أسبوع واحد

شعور عاطفي

هو النقم والانتقاد أمر عادي بمعني محاولة انك دائما تحاول تساعد الناس بس بشكل حقيقة ما تطلعهم ملائكة يعني لو لقيت عيب فيهم تقوله بكل صراحه حتي لو دا هيزعلهم بس انت طبعا ما بتقولو بشكل مستفز و تقول ما يقبل النصيحة قصدي من لآخر النقد البناء

Apple_72583 🇪🇬

منذ أسبوع واحد

شعور مكسور القلب

يجماعه انا عندي مشكله مأثره ع حياتي عموما ومسببالي نقد من الناس اللي حواليا كتيررر بصراحه دا مضايقني جدا بس م برضو اقول انه كلامهم بيضايقني بس والله م عارفه اعمل اي احترت اوى المشكله هي اني بتكسف اوى لما اكون ف اي مكان فيه اولاد كتيررر مبعرفش اتكلم ولا اتصرف كويس انا مشكلتي ف الحياه انو الولاد ف ك

Sugar_69803 🇪🇬

منذ أسبوع واحد

شعور منزعج

هو بجد ليه مبقاش فيه حد يتقبل النصيحه كلو عايز يقول انه الصح وكله بيفتي ولو قلت لحد حاجه في الدين او حرام يقولك ما تعملش شيخ وبتاع يعني ايه دا بجد وبعدين من امتى واللي يعرف غلطه ضعيف شخصيه لو انت في غلط حد انتقدك يعني بلاش تقول سيب الناس تقول اللي تقوله لا انت في غلط وارجع عنه العند في الغلط مش قوه

Watermelon_58482 🇪🇬

منذ أسبوعين

شعور متعب

موضوع:

سيطرة الاهل !

مش عارفه اتعامل مع الموضوع فعلا بذات بابا لو حكيت الموضوع على مدار ست سنين كان دائما انتقاد أن حجابى وحش وأنه ده مش حجاب واقلعيه اصلا+انى مش مسئوله بعد تلات اربع سنين دخلت جامعه عشت لوحدى فى سكن بره فى. محافظه غيرهم شلت مسئوليه نفسى كاملا معدا الفلوس طبعا أنا هندسه مفيش وقت خالص انى اشتغل والحمدلله

Sugar_74427 🇪🇬

منذ أسبوعين

شعور وحيد

عبّر عن شعورك بشكل مجهول

انا حسة اني لوحدي، مفيش حد عارف يفهمني،
انا مش شخصية نكدية خالص بالعكس انا لطيفة مع كل الناس ودايما بضحك، بس مش بعرف اتكلم عن اللي جوايا حتي مع اقرب الناس، بخاف اكون حمل علي حد حتي اقرب صحابي، مع اني بسمع الكل وممكن اسمع الي مالا نهاية، بس وقت م باجي اتكلم عن شعور سيئ ملازمني مبعرفش، بتوه الموضوع واقول ان شاء الله خير واهزر، انا فعلا مبعرفش ابين ضعفي لحد، ولو بالفرض بينت بعمل نفسي بعد كدا تمام وانا كنت اوفر اوي ف مشاعري وههه وخلاص.
مؤخرا بقت علاقتي بماما فيها تنشنه كتير، وانتقاد كتير لحاجات ليها حق فيها وحاجات لا، بقالي فتره حسة انها مش طايقاني، أمر حبها ليا دا شيئ مفروع منه لاني بنتها ف اكيد مش بتكرهني، بس فكرة انها دايما شايفاني وحشة وغلط وطريقتي واسلوبي وحاجات كتير كده 
انا مش صغيرة انا عندي ٢٤ سنة.
بس مش عارفة اتعامل ازاي، لاني لقيت نفسي بطفي كل فتره عن الاول.
حتي اخواتي مفيش بينا العلاقة القوية الحلوة دي، ودا يرجع لانهم صغيرين وانا اكبرهم وفي خناقات عيال كتير بتحصل ف بالتالي علاقتنا قايمة ع المناقرة اكتر من الصداقة.
انا متلغبطة ومش عارفة اتكلم عن اي موضوع بالظبط بس ملخص شعوري اني حسة اني لوحدي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_73508 🇪🇬

منذ أسبوعين

شعور متوتر

هو طبيعي لما يكون وزني ٥٥ و طولي ١٦٠ و ماما كل ماتشوفني تقولي خسي شوية مع ان هي عارفه كويس اني مش باكل كتير و يادوب هي وجبه الفطار و الغدا يعني انا من زمان ماليش اكله خالص ومش اكيلة ابدا ابتديت اتضايق اوي منها مش عارفه ليه بتقولي كدا مع اني جسمي مش تخين خالص هو بس عندي بطن خفيفه بسببها بقيت داخله عل

Cherry_62712 🇪🇬 حبيبتي وزنك حلو جداا ومليون بنت يتمنو يوصلو لوزنك ده لو علي مامتك فا الامهات كلها كده متخديش كلمها علي قلبك غير الكلام الصح وبس السلبي كأنك مسمعتوش وانتي كده كده سكر في كل حلاتك ♥🥺

عرض الكل 6 نصيحة

Mango_71082 🇪🇬

منذ أسبوعين

شعور مرهق

عبّر عن شعورك بشكل مجهول

السلام عليكم انا لسه متخرج من كليه الزراعه طول عمري حالتي الماديه مش احسن حاجه وده ترتب عليه اني بقيت بشتغل كتير ومش بصرف غير على الحاجات المهمه بقيت بتعلم اي حاجه اول مدخلت الكليه اتعلمت البرمجه فرونت اند وقعدت سنتين ومحملتش منها فلوس وبعدين اتعلمت الجرافيك بعمل اعلانات سوشيال وفيديوهات انيميشن وفيديوهات 3d واتعلمت اتكلم انجليزي واسباني كل ده عشان احاول اعمل فلوس وللاسف لحد دلوقتى معملتش فلوس مش ههكدب لا عملت بس مش الى تذكر الفكرة دلوقتي ان بعد ماعملت شغل لسه برضوا  مقتنع اني فاشل مش يعرف اعمل حاجه حاسس اني متعلمتش حاجه بقيت خايف علطول لحسن ميفتكرني غبي بحاول اتعلم اي حاجه لدرجه بقيت عندي مهارات كتير مش عارف اوظفها ويرضوا انا غلطان فحته  اني موجود على النت بس وبشكل مخفى برضه لاني اتعرضت لانتقاده من ناس كتيره وانا فاعدادي بسبب اني كنت بحب اتكلم انجليزي واشتغل على الكمبيوتر بس لقيت تريقه بس ويمكن البنت الوحيده الى حبتها ومعرفش هيه  حبتنى ولا لا بس يمكن سابتنى علشان شايفاني فاشل اعمل ايه ومعلش محدش يقولي ركز فحاجه واحده بس لاني لو عارف اركز فحاجه واحده مكنتش غلبت نفسي واتعلمت الحاجات دى كلها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_68875 🇪🇬

منذ أسبوعين

شعور محبط

دايما اللي بتعامل معاهم سواء اهل او معارف او الشغل بيزعقلي لي اتفه الاسباب زي مثلا لو نسيت حاجه اعملها او قالي حاجه و معلمتهاش ف وقتها وانا شايف اصلا انها لو اتعملت دلوقتي او بعدين هيا هيا النتيجة ف بقيت حاسس اني اسلوبي غلط او تفكري غلط بسبب المواقف دي

Avocado_73251 🇪🇬

منذ 3 أسابيع

شعور منزعج

اختي بتغير مني مووووت كل ما اجيب حاجة لازم تجيبها و مينفعش مثلا اعمل حاجة و هي متعملهاش حتى لو هي مش محتاجاها و دايما بلاقيها بتحاول تطلع نفسها حلوة وخلاص تيجي تتريق على شكلي يعني مثلا كنت بعمل وشي بالجواشا لقيتها بتقول لي انتي مفكرة نفسك هتعملي جلو اب و ضحكت و بعدين قالت لي ايه مفكرة نفسك بيضة انتي

Chocolate_72149 🇪🇬

منذ 3 أسابيع

شعور متعب

انا حاسه اني عندي مشكله او مبعرفش اكون ابنه او اخت او صديقه او طالبه او موظفه او من قرايب حد الاهل بينتقدو في الرايحه والجايه وانا بقرف من خيالي. انا حقيقي بقرف من اهلي وهما بيزعلو وعندي عقد ومشاكل نفسيه والقرايب مبسالش عليهم اساسا ونادرا اما اروح والاصحاب مش هيتعاملو بطيبه واحساس اصلهم مش من بقيت

Strawberry_71236 🇪🇬

منذ 3 أسابيع

شعور لا مبالٍ

عبّر عن شعورك بشكل مجهول

كانو تلت بنات صحاب و كدا المهم عرفنا بعض و كدا و بقينا صحاب من سته ابتدائى وحده منهم بقا كانت بتحب ديما تبقا محور الكون و كلامها يمشى ديما يمين يمين شمال شمال كنت بعمل اللى على مزاجى و خلاص المهم كانت مشاكلى مع محور الكون دى كتير اوى اوى الحمدلله مكنتش ببقا غلطانه فضلنا مع بعض 4 سنين البنتين التانيين متخيلين 4 سنين ولا مره اتخانقو معاها كانت بتتكلم معاهم بطريقه وشحه جدا جدا حتى مره قالت ل وحده فيهم ريحتك وحشه حطى ديودرنت طيب مش قدامنا حتى ديما تنتقد لبسهم و هما والله بيضحكوا للامانه مكنتش بدافع عنهم لأنهم قبلو دا على نفسهم و محور الكون كانت بتتكلم عليا معاهم اجازة تالته اعدادى بقا دى كانت النهايه بعد النتيجه الحمدلله جبت مجموع كويس اوى محور الكون شافت ان دا كتير اوى بطلت تكلمني حتى البنتين التانيين كنا اكتر من أخوات والله كنت بذاكرلهم فى بيتى وحده منهم مش قصدى غرور اوى حاجه كانت معايا فى اللجنه والله لو م كنت بغششها كانت سقطت المهم هما كمان بطلو يكلمونى كدا لوحدهم من غير سبب دخلنا اولى ثانوى كل م اصاحب حد يروحو يقولو فلانه دى مش كويسه دى مش عارفه ايه و يطلعو فيا القطط الفطسانه بعد سنتين اللى كانو بيدافعو عنها سابتهم بردو و فضحتهم و حاليا محور الكون محدش بيطيقها و كله بيكرها بسبب تصرفاتها و انها غلاويه
(طولت عليكم كنت عايزة احكى القصه دى و خلاص)🙂

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_52736 🇪🇬

منذ 3 أسابيع

شعور آسف

موضوع:

امتى حسيت بالخذلان العميق؟

لما لقت ان مفيش حد فاهمني ولا حاسس بيا وأفضل أقول أنا تعبت لأقرب الناس ليا وبردو مش حاسين بيا ولما لقت نفسي بقت أفكر بجد اروح لاخصائي نفسي مش عشان أنا مريضة نفسيه لا لمجرد أفضفض و واتكلم واطلع اللي جوايا من غير ما يحاسبني وينتقدني ويفهمني غلط ولما لقت نفسي بعيط كل يوم من غير سبب قبل ما نا

Biscuit_70362 🇪🇬

منذ شهر واحد

شعور مكسور القلب

موضوع:

وقت حسيت فيه ان قيمتك قليله

ايوه علطول لمه بقعد مع عماتي بيفضلو يشككو في كلامي حتي لو جاحه هم اصلا ميعرفوهاا وعلطول بيحسسوني ان انا كدابه واني شخص مش كويس انا حقيقي زهقت منهم ومش ببقا عيزاهم يعرفو حاجه عني خالص بس هم بيزعقولي لاني مش بروحلهم كتير ولو روحت مش بتكلم هم اللي علطول بيهجموني في الكلام عن اي حاجه يعني في بمره انا

Pineapple_68793 🇪🇬

منذ شهر واحد

شعور متعب

جماعة انا اهلي بينتقدوا اسلوبي وبيقولوا اني غبية علي تفكيري وكدا وبيشوفوا ابسط حاجة بعملها غلط يعني مثلا اخت صحبتي طلعت نتيجتها وكدا حبيت افرحها فجبتلها حاجة بسيطة وعرفت اخواتي قعدوا يقولوا لي ليه عملتي كدا انتي مالك بيها مع اني مش عملت حاجة غلط وبالعكس اخت صحبتي فرحت اوي بالهدية وبتحصل مواقف كتير ب

Banana_68861 🇪🇬 انتي حد جواكي جميل وانتي مش غلط ولا حاجة هما بس ممكن يكون عندهم وجهة نظر مختلفة عنك شوية ومع الوقت هيدركوا ده

عرض الكل 4 نصيحة

Chocolate_52370 🇪🇬

مش عارفه أتكلم عن مشاعري في البرنامج

انا مش عارفه انا الوحيده اللي بحس بي كده ولا لا ان انا كل لما اجى ادخل البرنامج وببقي عاوزه اقول حاجات كتيره اوي بس مش بعرف مشاعري بتتلخبط اويي مع ان انا بدخل لما بحس اني جبت اخري من الدنيا ومش لقيه حد معايا حرفيا بس في الاخر مش بعرف اقول اي حاجه في البرنامج بقعد اشوف النااس لو في حاجه ممكن اساعد بيها بتكلم بس غير كده مش بعرف اتكلم عن مشاعري هو انا بس اللي كده انا جمعت الكلام ده بصعوبه ...عرض المزيد

3 الدعم

32 نصيحة

Apple_64150 🇪🇬

خطيبي فقد الشغف وسبني! أنا السبب؟

انا كنت مخطوبه لواحد قريبي كان بيحبني ف الاول ويقول كلام زي بريل عليكي ومجنناني والكلام ده ولو قدامي كنت اغتص...وكلام من ده بعد كده بدا يلمح بحاجات اكبر بس مكنتش بتكلم معاه ف الكلام ده كذا مره لحد ما قولتله انا سمعت شيخ بيقول المفروض تعامل خطيبتك كانها اختك وتحافظ عليها وهو اتغير من بعدها مبقاش يرن ( احنا اصلا ف العادي بحكم الجيش كنا بنتكلم مره واحده ف الاسبوع واوقات مرتين ) بس كانت ساعه ونص ف كنت بقول عادي بقيت ارن انا ميردش عليا ابعت الرساله يتاخر ب ٧ و ٨ ساعاات هو بيشتغل ميديكال ريب وكان بيقولي انه مشغول اقوله مفيش دقيقه اطمن عليا فيها يقول مفيش وارجع انا اكلمه عادي كل ده شات اوقات كان يلمح للكلام بتاعه ده وارجع اصده بهزار بردو عشان ميتقفلش ( لان كنت حاسه لو قولتله ياتسكت ي نفركش مكنتش حاسه انه هيختارني ) فضلنا ع موضوع مشغول ده من شهر ١٢ لحد العيد الصغير كنت بطلب منه يقولي كل سنه وانتي طيبه حتي قالي هتيجي ف وقتها قولتله حاسه اني بشحتك حرفيا قالي متشحتيش ( فانا جه ف دماغي انه كان بيعمل كده كعقاب ليا عشان كان اوقات يقولي قوليلي ي حبيبي مثلا او بحبك ف ريكورد او كده وانا كنت بتحرج اقول ) فقولتله شكرا وتاني يوم مكلمتوش ف دخل ع العشا كده قالي كل سنه وانتي طيبه رديت عليه وبقوله انا زعلانه من امبارح كنت فاكره هترن عليا تراضيني قالي انا وصلت للي فيه ده بسببك بسبب زعلك وقمصك ( وانا اصلا اقصي حاجه ممكن ازعل منه ٣ او ٤ ساعات وارجع اضحك تاني ) والفتره اللي فاتت كلها كان بيقول كلام سم وانا ببلعه عادي المهم اتعاتبنا واتفقنا ع حاجات هنمشي عليها بعدها والدته كانت مسافره ( والدته دي محضرتش الخطوبه عشان اهله بره مصر ورجعت بعد الخطوبه بسنه ومجاتليش تسلم عليا وعزمناها ف رمضان مرضتش تيجي قالتله والله مانا رايحه معاك ف حته ولا عزمتني هي ولا كلمتني ف العيد ولا جاتلي مع ان بيتهم ف الشارع اللي ورانا وانا اللي كلمتها ف العيد قالتلي نسينا نقولك تيجي تصلي معانا ) المهم اول ما سافرت قالي حقك عليا وانا مقصر معاكي وتعالي نخرج وخرجنا واتصورنا وانبسطنا بعدها باسبوع يقول مش مرتاح ومش عارف ياخد قرار واتفقنا ندي لنفسنا فرصه تانيه وهو قالي مش متخيل نفسي مع حد تاني وسالته لسه بتحبني وناوي تصلح قالي ايوه واتفقنا بعدها جالي وروح كان كويس وبيتفق معايا نعمل سيشن ف فرح اخته بعدها قعد شهر مجاليش وجالي ف العيد الكبير جايبلي حلويات بحبها وانا كمان جبتله وقعدنا نهزر ونضحك وروح بعتلي اغاني وكلام حلو حتي يومها بيقولي الراحه الكليه هتبقي ف الشقه ف قولت اهزر معاه واقوله ايوه احنا الاتنين بقي قالي انا بس انتي كده كده مش فارق ! بس عديتها عادي بعدها باسبوع كان كتب كتاب حد قريبنا بقوله عقبالنا فالي ايوع ربنا يكتب علينا اللحظه دي بعدها بكام يوم يقولي فقد الشغف وسابني بقوله ده احنا كنا كويسين يقولي كنت برد عليكي واجب طب ازاي ده قبلها بيومين كان بيقولي ام عيالي وتسلميلي ي قلبي وانتي الغاليه !! قولتله انت بتلعب بمشاعري وتقولي واجب! طب واجب ده لما تتاخر ف الرد عليا وانك متردش ع الموبايل انما قلبي وروحي وانك نفسك تعيش معايا ده ايه بتديني وعود ليه كده لما انت مش طايقني قعدت ٣ ايام مفتحش الرسايل كلمت اهله ابوه قالي استني يومين اكلمه قولتله حاجتكم جاهزه قالي لا استني ده مش عارف قيمه النعمه اللي ف ايده بعد يومين ابو كلمنب تاني وقالي الولد متردد قولتله حاجته جاهزه قالي لا استني يومين كمان استنيت حد يتكلم مفيش كلمت عمه جه خد حاجته هل انا السبب ف ده هل قفلته مني!! ازاي بعد ماكان بيقول يحبك ووحشتيني وقلبي وام عيالي بعدها بكام يوم يتحول كده ! وازاي ميكلمش ابويا ولا اهله كلموه طب مشاعري انا دي ايه ده انا لاخر يوم بقوله نفسي افرح بحياتي معاك يقولي فقد الشغف !! طب مانا بسالك بقالي ٥ شهور كان بيقول الدنيا تمام انتي اللي بيتهيألك اننا متغيرين اقوله احنا بنبعد يقول لا ! طب موقف امه ده ممكن تكون مكنتش موافقه عليا طيب!!!! ...عرض المزيد

0 الدعم

21 نصيحة

Mushroom_68593 🇪🇬

مبقتش قادره استحمل خلاص... تعبت من كتر العياط

مبقتش قادره استحمل خلاص كفايه تمثيل انا مش كويسه ولا انا بخير ولا تمام انا مش عرفاني كل حاجه فيا متكسره الف حته مش عارفه اصلح اي حاجه باظت جوايا تعبت من كتر العياط كل يوم ع كل حاجه بتروح و مش عارفه ارجعها تعبت ع اني بتعاقب ع حاجه مش عرفاها نفسي كل حاجه تنتهي حتي اناا ...عرض المزيد

1 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع