أنا أم وحشة ومش عارفة أتحسن لابني

Question

ابني ٤ سنين ولسة بتعالج منه تخيلي !! اسوأ تجربة عايشاها بجد، انا ابني مواليد فترة الكورونا 
ماما توفت بالكورونا وانا حامل في السابع، ولدت لوحدي بعد وفاة ماما بشهرين بس بجد مكنتش لسة اصلا تخطيت موتها
عشان ادخل في دوامة احتياجات بيبي ولبن مبينزلش وطفل وزنه مش بيزيد، ده طبعا بغض النظر عن نظرة اهل وقرايب لفكرة انه ايه ده يا عيني انتي معندكيش لبن وبيرضع صناعي يا حرام
احساس ذنب تجاه ابني لغاية دلوقتي مقطع في قلبي، حاسة انه فاقد حاجات كتير اوي امهات تانية بتديها 
انا ام وحشة اوي اوي بس مش عارفة اعمل ايه نفسي اخف وابقي احسن عشانه وعشان جوزي

Hazelnut_38502 🇪🇬 · Accepted Answer

انتي بتعملي في نفسك كدا لي هوني علي نفسك دي حاجه مش بايدك

Corn_37904 🇪🇬 · Answer

انتي "أنا مقدر أوي إحساسك وحاسس قد إيه اللي مريتي بيه مش سهل. وفاة والدتك خلال الحمل وخوضك للتجربة لوحدك أكيد كان عليهم ضغوط فوق الوصف، ومفيش أم أبداً بتحس إنها مثالية 100٪. اللي انتي عملتيه بيظهر قد إيه انتي قوية، واهتمامك بإبنك وحبك له واضح جداً، حتى وإنك شايفة نفسك في حاجات نقصة

Corn_37904 🇪🇬 · Answer

صدقيني، احتياج الطفل الأساسي هو حب واهتمام أمه، مش بس الرضاعة الطبيعية. اللي بيفرحه هو إنك موجودة معاه، تحضنيه، وتسمعيه. فكرة إنك حاسة بالذنب معناها إنك بتهتمي وبتحبي ابنك جداً، وده بحد ذاته حاجة كبيرة. خدي وقتك في علاج نفسك واعملي حاجات بسيطة عشان نفسك، ده كله حيأثر إيجابياً عليكِ وعليه كمان.

Corn_37904 🇪🇬 · Answer

فوق كل ده، متنسيش إنك إنسانة، وليكي طاقة، وده حقك. وبكونك بتسعي إنك تكوني أفضل، فأنتي أم عظيمة بجد، وإبنك أكيد هيقدر كل ده لما يكبر."

Cherry_36595 🇪🇬 · Answer

بصي ربنا يعينك وي بطلي جلد في نفسك انتي الموضوع بتاع اللبن دا مش بايديك وي كمان صدقني ابنك لما يكبر هيكون فخور جدا بي امك زيك ربنا يسعدك

Donut_38353 🇪🇬 · Answer

بقيت بحس ان حتي حبي ليه بقيت مقصرة فيه واغلب الوقت تنشن ومتعصبة ف ممكن اتعصب عليه علي غلطة او تصرف طبيعي من طفل! الادوية ولخبطة حالتي النفسية مأثرة علي علاقتي بيه

Mushroom_38388 🇪🇬 · Answer

الحاله النفسيه اللي مريتي بيها وقت وفاه والدتك ليها سبب كبير انه ما يبقاش في لبن عندك عشان طفلك اي حاجه نفسيه ليها تأثير جسماني عكسي

Banana_38430 🇪🇬 · Answer

اولا استعينى بالله ملكيش دعوه بحد وربنا اكيد بيحبك علشان كده بيمتحنك لازم تنجحى فى الامتحان واتجهى لربنا

Olive_38329 🇪🇬 · Answer

متخافيش ده احساس طبيعي وده قدر مالكيش علاقه بيه وبكره هتتخطي الموضوع ده ونفسيتك هتبقي زي الفل متقلقيش ومتستعجليش

Donut_38353 🇪🇬 · Answer

ده كان فعلا كلام الدكاترة، كلام الناس بقي مبيرحمش وانا اتحفر ف دماغي كلام الناس مش عارفة اطلعه