ليه المجتمع بيحكم عليا لو مرتبط بواحدة دراستها أقل؟

Question

انا دكتور صيدلي
وعندي مشكله في الارتباط ان كل ما احب واحده واحسها شبهي واكون عايز اتعرف عليها وكل جوانب القبول ما بيننا متوفره بتطلع دارسه مجال اقل مني بكتير جداً

انا عندي قناعه ان الانسان بعقليتو وطريقه تفكيره مش "بدراستو"
عشان كان معايا بنات في الكليه مع كامل احترامي عقليه بلاعات واهو اسمهم "كليه قمه" في الاخر

بس المجتمع صعببب صعب بشكل رهيب في النقطه دي انه ازاي تبقا خريج قمه ومرتبط بواحده دارسه x ميصحش!

Blueberry_39174 🇪🇬 · Accepted Answer

انت بتظلم نفسك علشان خاطر مجتمع مفيش وراه غير الكلام فى كل الأحوال 
انسي الناس والمجتمع ، فكر فى حياتك واختيارك لشريك يساعدك على كدة ، فكر انك عايزة جوزاة ناجحه مش شكل قدام المجتمع 
فكر فى نفسك وحياتك بالشكل اللى يرضيك مش يرضى المجتمع

Kiwi_40480 🇪🇬 · Answer

انا شايفه قدامي عيل صغير بيتكلم  .. انت بحبتش قبل كده عشان لو حبيت مكانتش فكرت بشكل ده وانت زيك زي المعاك في الجامعه وبجد ميصحش انك تفكر بشكل ده هم ناس هتقعد معاك في البيت لم تتجوز فاكس لكلام ناس عشان طول الوقت بيتكلموا

Apple_13812 🇪🇬 · Answer

لما تكون البنت شبهك و كويسة و في قبول و تسيبها علشان تعليمها أقل منك يبقى انت كده بتظلمها ياما ناس بتذاكر في ثانويه عامه و مش بتجيب مجموع هي ذنبها ايه و بعدين مين اللي قال إن المجال ده اهم من ده كلنا بنكمل بعض و كل المجالات مهمه و كمان  انت بتقول أن كان في بنات معاك عقليتهم مش عجباك يعني الموضوع مش بالكلية خالص اهو اهم حاجه بس أن انتم تبقو قادرين تتفاهموا مع بعض

Broccoli_39553 🇪🇬 · Answer

لا يصح اوى و اوى كمان لأنها حياتك انت واختيارك انت مش حياة الناس 
غير تفكيرك عن شوية كلنا شبه بعض
ربنا خلقنا من نفس التربة وعندنا نفس أعضاء الجسم والحواس مفيش حد مميز عن حد الا فى طريقة التفكير و الشخصية

Mango_51124 🇪🇬 · Answer

وانت اختلفت ايه عن المجتمع ما انت نفس العقلية

Cherry_40587 🇪🇬 · Answer

المايندست دي هتتعبك صدقني لانك انت الراجل في العلاقة مش العكس فمش ضروري تكون هي دارسة مجال اعلى منك اهم حاجة متعلمة وواعية ولو مجال زيك او اعلى منك وطلعت مش ولابد؟ برضو العكس ممكن ، انت مش هتقدر تحكم عالشخص من درجته الاكاديمية انما بعقليته ومبادؤه

Cherry_40587 🇪🇬 · Answer

المايندست دي هتتعبك صدقني لانك انت الراجل في العلاقة مش العكس فمش ضروري تكون هي دارسة مجال اعلى منك اهم حاجة متعلمة وواعية ولو مجال زيك او اعلى منك وطلعت مش ولابد؟ برضو العكس ممكن ، انت مش هتقدر تحكم عالشخص من درجته الاكاديمية انما بعقليته ومبادؤه