السلام عليكم شباب انا بطبيعتي لما بنت بتعجبني وبعرفها بكدا بتكون نيتي سالكه زي ما بنقول وبكون ناوي بالجواز منها بس بكتشف عكس كدا منها يمكن هتشوفوني عبيط من عدد التجارب اللي هقولها بس حصل معايا نفس السيناريو حوالي ٤ مرات بتجارب مختلفة من بعد التجربة الرابعة صعبت عليا نفسي جدا لأبعد الحدود و دعيت ربنا ارزقني شخصيه متدينه وكويسه سويه نفسيا ، بعدها بستة شهور كنت في كورس و لاحظت تواجد فتاة بنفس الكورس كان بكلامها بحدود و لا داعي لتفاصيل ملهاش لازمه تعرفنا ببعض و كنا مترددين بعد اسبوع اسبوعين كلام المهم كملنا وتعرفت على شخصيتها وهي كذلك وأعجبت بتفكيرها وشخصيتها جدا بعد سنه كنت عشقتها مش حبيتها العلاقة استمرت 3.5 سنين في اخر شهور لما خلاص بدأت احدد هتقدم امته حسيت كلامها بيتغير يعني الاول كانت موافقه نقعد في شقتي اللي في بيت ابويا لقيت كلامها مؤخرا لا مش موافقه (بالمناسبه هي من محافظة بعيده عني و شغلي طبيعته في الصحرا بعيد عن المدن السكنية) اقترحت كذا حل طب نستقر اول سنه اتنين في شقتنا ولما الاقي شغل قريب من المدن وعد هتأجر ونقعد جنب شغلي كل الناس مبتبدأش حياتها وردي في الاول الكل الدنيا بتبدأ تظبط معاه واحده واحده صعبت عليا كل الأمور وان اهلها مش هيوافقه قولتلها سبيني مني لاهلك بس اقنعيهم بيا وملكيش دعوه كان ردها لا مش هيوافقه ولو وافقه انا هرفض قولتلها يعني انتي اللي رجعتي في كلامك بخصوص المسافه قالت اه انا مش هستحمل ابعد عن اهلي انا فضلت في حالة صدمه شويه معلش هو مش اللي عايز حد بيروح معاه اخر الدنيا طب يا بنت الناس هوديكي لاهلك وقت ما تحبي عادي كان الرد لا ومفيش اي تفاهم من ناحيتها ابدا يا نستقر في القاهرة يا بلاش و صعبت الأمور اكتر ان المهر عندهم ١٠٠ الف و الدهب ميقلش عن ٥٠ جرام الكلام دا بعد ما الجرام رفع ل 4700 جنيه و كان كلامها عن اهلها واخواتها في الاول انهم متساهلين جدا مع الشباب اللي بيبدأ حياته احنا نفصلنا من 25 يوم طبعا بعد ما سمعت كلام يكسر القلب نصين وان الغلط عندي واني محاولتش علشانها زائد وربي كنت بتكلم باقصى إمكانيات معايا زائد محدش من اهلي هيساعدني يعني كنت هكون بدراعي محتاج رأيكم و بصراحه انا لخصت الموضوع بشكل مبسط واهم النقاط و يشهد الله اللي ليا واللي عليا قولته انا بفكر فيها من وقت للتاني وبيصعب عليا نفسي بعد كل اللي قدمته ليها ومش بشكر في نفسي ولا حاجه بس حقيقه انا قدمت كتير كتيررر

3

5