تجربتي مع الدكتور النفسي - نصائح قبل الذهاب

Question

ممكن اعرف تجاربكم عشان فعلا بفكر اروح للدكتور نفسي وعاوزه اعرف اخد بالي من ايه بالظبط لاني محتاجه اتكلم ف كلام محدش هيقدر يسمعه من اهلي وكلام شخصي شويه ف ايه ال مريتوه بيه عشان اخد بالي منه

Cherry_40587 🇪🇬 · Accepted Answer

ولله الحمد انا شخصيا بتعالج ليا تسع شهور من اضطراب الحدية وبعد محاولات انتحار واذية نفس الدكتور بتاعي ساعدني اطلع من ده ودلوقتي حياتي احسن بكتير وعايشة زي البشر الطبيعيين .. دكتوري بيخاف ربنا ومحترم وبيعاملني كانه والدي اشجعك جدا انك تبدا رحلتك بالعلاج النفسي هتعرف حاجات كتير عن نفسك مكنتش عارفها قبل كدا وهتتغير حاجات كتير شوية حاجات خلي بالك منها لو انت ولد وعايز تروح عند ثيرابست ست تنتبه روح p2

Banana_40791 🇪🇬 · Answer

ممكن تتكلمى مع حد هنا براحتك احنا منعرفش بعض هترتاحى صدقينى

Banana_40791 🇪🇬 · Answer

مش مستاهلة دكتور

French Fries_41689 🇪🇬 · Answer

حاسه اني محتاجه حلول لحياتي اكتر ما محتاجه حد يسمعني

Banana_40791 🇪🇬 · Answer

والله جربى مش هتخسرى حاجة لو حابة تعالى نتكلم برايفت

Sugar_35616 🇪🇬 · Answer

الدكتور النفسي احتمال كبير يبتزك بعدين نفسيا

Coffee_27700 🇪🇬 · Answer

اختاري دكتور كويس وده عن طريق تطبيق فيزيتا هيعرضلك الدكاترة في منطقتك واعملي ترتيب بالتقييم وشوفي آراء العملا السابقين. وممكن تبحثي عن العيادة او الدكتور على جوجل وفيسبوك وتتأكدي إنه شاطر ومحترم.
التجربة كويسة جدا وهتفيدك لو اختارتي شخص صح.
بتمنالك التوفيق 🤍

Cherry_40587 🇪🇬 · Answer

تخلي بالك ميحصلش تعلق من ناحيتك بيها وده طبيعي عشان بتبقى هي الوحيدة يلي فاهماك وبتحس بألمك وبتديك دعم عاطفي وعملي دي حتة بس انتبه منها وبالنسبة للثيرابست نفسها انتبه تكون رغاية زيادة وما بتدخلش بالمفيد . بتتكلم كتير معاك خارج جلساتكم العلاجية عشان العلاقة بين العميل والمعالج مينفعش تتحول لعلاقة تانية غير انهم عميل ومعالج فقط انتبه لو مثلا بتحكيلها عن شخص مدايقك وهي تقولك اوه بجد عمل كدا! p3

Cherry_40587 🇪🇬 · Answer

بجد عمل كدا! ده واحد شرير اوي! وتلاقيها متفاعلة معاك اوفر وبتتدخل اوفر وبتحرضك عليهم وبس دي الحاجات يلي لازم تخلي بالك منها والكلام ده بيحصل لما الثيرابست ميكونش بيخاف ربنا ومش ماخد اختصاصه على محمل الجد . ف انت اعمل احتياطاتك بس هو غالبا كلامي مجرد تنبيهات وصعب انه يحصل لو حضرتك عايز رقم دكتوري تتواصل معاه وتبدأ جلسات باسعار كويسة قولي وانا اوصلك بيه وبرضو لو عايز الثيرابست تبقى ست p4

Cherry_40587 🇪🇬 · Answer

ممكن اديك رقم اخته هي برضو ثيرابست وهو الاتنين بيشتغلوا نفس المجال وليهم اسم وسمعة ممتازة

Cherry_40587 🇪🇬 · Answer

واخيرا بحب اقولك متاخدش بنصيحة حد مش مجرب خصوصا بموضوع العلاج النفسي ده ومتردش على حد لما يقولك ممكن يطلع نصاب او يستغلك ايوه الحذر واجب لكن دي مجرد احتماليات ممكن تحصل او لا . ومتردش على حد بيقولك ده هيخليك مجنون اكتر او مثلا ده ضياع فلوس عالفاضي او او جرب بنفسك ومش هتندم

Apple_42212 🇪🇬 · Answer

مش هقولك متروحيش لدكتور لكن ممكن تفضفي مع ربنا ف ركعتين والله والله هتحسي بأرتياح شديد جداً بعدها وطلعي كل اللي نفسك فيه وادعي واستغفري وخلصي وخليكي عسجاده الصلاوادعي كمان وكمان لغايه ماتحسي انك خلاص ارتاحتي نفسياً الانسان هيديكي حل بس ربنا هيحلهالك من عنده وهيرتبلك امورك وجربي مش هتخسري حاجه 
وميزعلش انك تتكلمي مع حد وتاخدي برأيه وتحل او يحل معاكي مشكله او يقترحلك حلول لكن فالاول والاخرالحل بيدالله