تالتة ثانوي أونلاين.. أكتب كل المحاضرة ولا لأ؟

Question

انا تالتة ث وباخد دروسي كلها اونلاين هل المفروض وانا باجي اسمع المحاضرة اكتب كل حاجة ورا المستر ولا لأ لان ده بياخد مني وقت كبير اوي في المحاضرة الساعتين بيخلصوا معايا في خمس ساعات بسبب الكتابة ورا المستر ف ترشحولي اكمل كده ولا اسمع الدرس كله مرة واحدة من غير ما اكتب حاجة فيه واكتفي بالمذكرة بتاعت المستر او الكتاب الخارجي اذاكر منها واتعامل اكني قاعد في سنتر بسمع الدرس على مرة واحدة.

Banana_43998 🇪🇬 · Accepted Answer

لو انتي معاكي مذكره الاستاذ تابعي مع اللي بيقوله واكتبي الزياده بس في المذكره وممكن تجيبي ورق وتلزقيه في المذكره وتكتبي فيه اي معلومه زياده

Carrot_43322 🇪🇬 · Answer

لأ اكتبي طبعا بس حاولي تسرعي الشرح شوية انتي لما بتكتبي وراه كأنك بتذكري فالمذاكرة العادية هتكون اسهل 👍

Mango_46369 🇪🇬 · Answer

متكتبيش غير الحاجات المهمه بس و بعد ما تخلصي المحاضرة و تذاكريها اكتبي اللي فهمتي يعني اعملي تلخيص ليها لأن كده كده كل حاجه بيقولها موجوده في الملزمه

Coffee_43460 🇪🇬 · Answer

انا برضوا تالته و الافضل تكتبي مش مهم الوقت الي هياخده المهم تكوني فاهمه و تكتبي الكلام المهم الي المستر بيقوله

Donut_46271 🇪🇬 · Answer

لا الأفضل انك تقعدي مركزه مع شرحه ولو قال ملاحظه او حاجه مهمه اكتبيها في المذكره جنب الشرح وبعد ما تخلصي المحاضره افتحي المذكره وابدائي اقري الدرس بتركيز واشرحي لنفسك وانتي بتقراي فهماني بعد كده حلى واجبك علطول 
انا عن نفسي بعمل كده ولو قعدت خمس ساعات ف بكون سمعت المحاضره وخلصتها وذاكرتها كمان وحليت