أهلها رفضوا جوازنا عشاني مش مصري.. وانسحبت

Question

بنت كنت هتجوزها بس أهلها كانوا رافضين عشاني مش مصري زيهم وغريب واهلي مش هنا وانا خلاص لما اهلها مش موافقين هنسحب بس هيا مش عايزه كدا عايزه اني افضل احاول مع اهلها  لحد ما يوافقوا وطبعا في تحديات كتيره منها موضوع القايمة واللي قلتلها من البداية انا هفرش البيت كله ومش هتجيبيوا اي حاجه وكل حاجه عليها وكده مفيش قايمة بس كانت بتقول اهلها مش هيرضوا وكدا وتخيلوا هما رفضوا بس عشان اني شخص مش مصري ومش مضمون يعني لسى ما دخلنا في الجد والتفاصيل 
عموما انسحبت وهيا كانت عايزه العلاقه تفضل موجوده او حتى تقلب صداقه او اي حاجه بس انسحبت عشان هيا كدا هتتعب لو كملت وانا برضو

Mango_59087 🇪🇬 · Accepted Answer

نصيحه من اخوك بلاش تكتب قايمة بل اوعى تفكر أو حتى تجي جنبها
 تجنبها خالص دي بتودي محاكم وبيكون الحكم لصالح الست 
ثانيا تقريبا انت سوري فامشي صح على السنه وافرش انت بنفسك كل حاجة على قد مقدرتك واختار البنت اللي ترضى تعيش معاك باللي انت فرشته

ثانيا لو هتكمل معاها هتتعب شوية مع الاهل دول بس خلي بالك لو ممكن يأذوك أو يضروك وهي على حسب طبعهم مش حاجة سائدة

أخيرا اتقى الله وخلي نيتك في الزواج لله

Pineapple_55595 🇪🇬 · Answer

طلما هتجيب كل حاجه خلاص موضوع القائمه ده ملهمش فيه انتا اكيد شيفها حد مناسب ليك حاول تاني مع اهلها بس خلي بالك من تصرفاتهم

Banana_60004 🇪🇬 · Answer

تسلم يا منجاية
الموضوع حصل من شهور وانا رافض بتاتا موضوع القايمة ده وفاهمه كويس كيف انه الرجاله هنا للاسف مش بيقدروا يعملوا حاجه لو الست رفعت قضيه بالقايمه ف الحمدلله طلعت من الموضوع على خير من بدري وربنا يصلح حالنا وحالكم جميعا
على فكره بتابع مصطفى روك في الفيس فنااااان شارح الموضوع كله وبيوعي كل الشباب ف بجد يعطيه العافية

Banana_60004 🇪🇬 · Answer

خلاص انسحبت والله انا مش فيني طاقة لكل المحاولات الكتيره دي لحد ما يقتنعوا 
لان حتى لو وافقوا بعد محاولات
انت عارف بعدين لو صارت ادنى مشكله هيجوا يقولوا لها مش قلنالك غير انه هيكونوا منتظرين اي غلطه مني لانه من البداية مش متقبليني

Banana_60004 🇪🇬 · Answer

للاسف كتيييير اهالي بيرفضوا ان الراجل يجيب كل حاجه عشان عايزين حته القايمة عشان لما يكونوا عايزين يمصوا دمك او عايزين يعملوا اي حاجه ضد الزوج بيقدروا لان المحكمه هتوقف معاهم ف بجد انتبهوا ومحد يفكر يتزوج بقايمة

Pineapple_55595 🇪🇬 · Answer

انتا معاك حق وطلما انتا معندكش استعداد يبقي خلاص ربنا يعوضك بالاحسن

Tomato_62857 🇪🇬 · Answer

والله هتندم لو حصل موضوع القايمة ده هتندم وتتهان وتتذل من أهلها اللي أصلاً رافضينك