‏أنا حقيقى بكره الكدب جدًا، مبحبش حد يكدب عليا، مبحبش الناس اللى مش صريحه في معاملتها وحياتهم مبنيه علي ده. مبحبش اللي بيحاول يتذاكى و يحور عليا حتي لو ف اتفه المواضيع من غير أي مبرر. تحس الناس دي اتعود لسانهم ع الكدب وبقى ده الطبيعي ليهم، وتلاقيهم ساعات بيكدبوا في حاجات تافهة مش محتاجة اصلا أنهم يكدبوا علشانها ومن غير أي مبرر غير إن ده بقى طبعهم. طب ليه !! الكدب عبارة عن خسارة من كل النواحي، ثقة الناس اللي حواليك واللي صعب جدًا تبنيها تاني، هتخسر نفسك وهتخسر كل حاجة حلوة كانت معاك، وقبل ده وده ف أنت بتجازف بأخرتك بسبب طبع وعادة قمة في السوء ومن السهل جدًا إنك تتجنبها. وحقيقي هيفضل الكدب بالنسبه ليا من أبشع وأحقر الصفاات اللي ممكن تتواجد في أي بني آدم، واللي من الصعب جدًا إني أتقبلها مهما كان الشخص ده مليان صفات وطباع حلوه.

9

0