بعد حب 6 سنين عملنا عشان بعض كل حاجة واتنازلنا كتير اوي عشان خاطر سعادة كل واحد فينا.. كان حنين اوي عليا ويتمنالي الرضا ارضي وانا كنت كذلك واديله عيوني وروحي.. اتقدملي كذا مرة واهلي كل شوية يرفضوا بحجة.. اخر مرة اهلي لقوني مصرة عليه وافقوا بالعافية.. مكملناش شهر واهلي نهوا المووضوع فجأة.. بدون اي مقدمات قالولي ده تخر يوم فالخطوبة دي وخدوا مني الشبكة ونهوا المووضوع شايفين انه شخص مش مناسب واهله مختلفين تماما عننا.. بعدنا عن بعض فجأة بعد م كنا بنرسم ونخطط للعفش واخيرا حلم سنين.. لقينا قلم نزل عليا انا وهو وفجأة مبنتكلمش.. منعرفش عن حاجة بعض. ميعرفش يومي بيمشي ازاي؟ مقاليش صباح الخير يا حبيبتي 😢قعدت شهر بستوعب ال حصلنا.. مسحت صورنا وكل حاجة تفكرني بيه عشان اكون كويسة واعرف اتخطي بسرعة.. قعدت اول تلت شهور كويسة وتمام ومتقبلة عدم وجوده وقعدت اقنع نفسي بان ده الخير والاحسن وانه اه فعلا مكنش شخص مناسب واهلي عندهم حق وكنت خلاص ابتديت فعلا اشف حياتي واتخطاه واني بقيت كدة احسن من غيره.. بس انا اليومين دول مش كويسة خالص.. وحشني اوي اوي وكل يوم بقعد اعيط بليل واكلم الهوا كأنه هو ليه اتعلقنا ببعض كدة من الاول؟ ليه هو كان حلو معايا اوي كدة خلاني مش عارفة اتخطاه ؟ ليه اهلي استسهلوا كسرة قلبي ؟ مع الوقت اقتنعت ان اهلي صح وان فعلا اهله مش مناسبين لاني عرفت كام حاجة بعد م فركشنا صعبة عن اهله وان انا مكنتش هبقي مرتاحة وسطهم.. بس هو كان فيه عيوب كنير برضو بس مميزاته مكنش في زيها.. مسكة ايده وحشتني.. بصته ليا وحشتني.. كلامه ليا وحشني لما بيتقاال اسمه جنبي بقعد اعيط.. انا كنت كويسة اوي بجد الشهزين ال فاتوا.. اشمعنا الشهر ده صعب اوي عليا كدة ليه؟؟؟ ازاي واحشني كدة ازاي كل شوية ادخل اشوف صورته واعيط.. وهو كمان مش كويس خالص وحالته يمكن اسوأ من حالتي.. انا مش كويسة من غيره.. ورجوعنا مستحيل ياريتنا سيبنا بعض بمزاجنا مكنش هيوحشني كدة.. كنت هكرهه عالاقل انا مش عارفة اكرهه مش عارفه انساه ومش عارفة اتخطاه.. انا لسة بحبه وحشني يقولي ازيك ووحشني يقولي وحشتيني يانورعيني

7

1