بستغرب موضوع الدكتور النفسي.. ليه أروح لحد مش عارفه؟

Question

بستغرب اوي موضوع الدكتور النفسي بحس اني لو تعبانه نفسين و مش عايزه احكي لحد حتى امي ليه امفرود اروح لشخص اول مره اشوفه في حياتي و اثق فيه و احكيله كل مشاكلي يعني حضرتك انا محكتش لاقرب الناس ليا و الي معايا من ساعت ما اتولد مطلوب مني اني احكي كل حاجه لشخص اول مره اشوفه في حياتي؟؟! حد متفق معايا؟

Coffee_27700 🇪🇬 · Accepted Answer

هو للأسف أهلنا مش هيفهمونا لو حكينا لأنهم مش دارسين فمثلاً هيشوفوا الاكتئاب دلع. والرهاب يتحل عادي انزل بس قابل الناس.. الخ
وكمان أهلنا هيحكموا علينا ونسمع كلام زي انت غلط انت سيء ليه عملت كدة انت ضعيف انت تستاهل..
لكن الدكتور بيسمع وفاهم انت عندك ايه وفاهم أبعاده ومش بيحكم أبدا.
وبيبقى فيه قواعد للعلاج منها إن لو حد من أهلك راحله العيادة وطلب يعرف انت بتتعالجي من ايه ممنوع يقول.

Cherry_41961 🇺🇸 · Answer

اتفق معاك

Strawberry_41599 🇪🇬 · Answer

عايزه اروح علشان شاكه بنسبه ٩٩٪؜ ان عندي anxiety و حاسه اني دخله علي اكتيأب بس برضوا مش بروح علشان حاسه كدا اني اصلا مش بعرف افضفض لاهلي ولا صحابي هحكيله هو ازاي؟

Mango_41964 🇪🇬 · Answer

فى حالتك لازم تروحى وشيلى اى افكار من دماغك واتوكلى على الله وحطى فى دماغك هو ولا يعرفنى ولا اعرفو

Mango_41964 🇪🇬 · Answer

يبقا اى حاجه تزعلك نفسيا خرجها اول بأول متخليش حاجه فى نفسك علشان متتعبش واه عادى فى ناس بتروح بس ناس تستاهل انها تروح والاحساس ده موجود لى اصلا هو انتا لا تعرفو ولا يعرفك

Strawberry_27881 🇪🇬 · Answer

ايوه ما هو الهعيجلك ف طبيعي تبقي عايزه تحكي عشان يعالجك يعني انا مستنيه فرصه بس اني اعرف اروح ل الدكتور وساعتها هطلع كل ال ف قلبي مع اني مبحكيش ل اي حد وشخصيه كتومه جدا بس بجد مستنيه فرصه اني ابقي قدام الدكتور ده وساعتها هقول كل حاجه بقي لاني طول الوقت ده محتاجه حد يساعدني ويقولي الحل وف نفس الوقت يكون مش بيطلع الكلام بره والكلام ده هيبقي بيني وبينو بس وهيعالجني ف يا سلام بقي مفيش احسن من كده

Blueberry_39416 🇪🇬 · Answer

رأي يحترم👌🏽

Sugar_28822 🇪🇬 · Answer

جربى ثيرابيست اونلاين بس تكون ست مش راجل وكلميها باسم فيك وكدة 
هتبقى مرتاحة لانها متعرفكش وفى نفس الوقت هتقدرى تخرجى اللي جواكى لحد فاهم

Mango_33390 🇯🇴 · Answer

صح الموضوع غريب بس الفكرة أنه احنا ما بنحكي لأهلنا ومش كل اشي بتقدر نحكيه لأهلنا لكن لما تحكي مع دكتور نفسي رح يفهمك ويفهم كل مشاكلك ومشاعر ويشخص امراضك النفسية ويعرف يتعامل معها ويعالجك لكن اهلك ممكن ما يقدرو خطورة الموضوع او المرض النفسي .والدكتور النفسي ما رح يستهين بمشاعرك لان فاهم كل اشي مش زي اي شخص عادي ما عنده خبرة بعلم النفس أو بالطب النفسي ممكن ما يقدر المستوى الي انت وصلتيله.