ليه مش بثق في أي حد؟ دي حمايتي من الغدر

Almond_56393 🇪🇬

منذ 5 أيام

شعور لا مبالٍ

بستغرب من الناس اللي بيتضحك عليها في علاقتاتهم ويكتشفوا بعدين إن شريك حياتهم او صحابهم او حتى اهلهم مش بيحبوهم وانهم اتخدعوا فيهم.. من ضمن مميزات شخصيتي المريضة اني مش بثق ف اي حد ، والشخص مهما عمل قدامي هيفضل في موضع شك ومش مصدر أمان.. بتعامل مع الناس بالمثل ومش بظهر لحد مشاعر حقيقية ف اي حاجة ، ولازم ديما ايدي تكون اعلى منهم عشان لو غدروا اكسرهم.. الناس هتشوف اني عايش ف غاية بس that's how i keep myself safe..

لو بيحبك ومبيثبتش بالافعال.. ميستهلش فرص!

اللي بيقولك انو بيحبك و كرامتك مش من كرامتو يبقا ميستهلش فرص اللي بيقولك انو بيحبك ودايما حاطك في سوء ظن وانك فاهم كل حاجة غلط وهو بس الصح يبقا ميستهلش فرص اللي بيقولك بيحبك وميحاولش يثبت الحب ده بالافعال يبقا مجرد كلام ولا يأخذ في عين الاعتبار انو حب من الأساس اللي بيقولو ومبيعملش اللي بتحاول عشانو و مبيحاولش عشانك اللي عندو إستعداد يتخلي عنك لو الحال إشتد اللي إنت دايما شايفو ملجأ لك وهو مش شايفك اصلا حد بكل الصفات دي ليه ممكن تخلي في حياتك ليه ممكن تحط نفسك تحت ضغط زيادة بسبب شخص زي ده لو الحب فابناقص لو كان حب فعلا مكانش سبب ألم صح ولا اي؟ ...عرض المزيد

6 الدعم

5 نصيحة

قلبي بيوجعني بسبب صاحبتي ومش قادرة أتقبل البعد

هو طبيعي إنه صحبتي و احنا صغيرين مثلا في سنه رابعه تقلب عليا الترابيزه و تغير طريقه تفكير الشله عني و تخليهم يكرهوني و تقول اني عملت حاجات معملتهاش و بالتالي انا طلعت من الشله و بقيت لوحدي و في الفتره دي انا كنت مدمره نفسيا و كان كل الي حواليا ملاحظ ده كويس اوي بعدها اتخطيت و عرفت أنه الدنيا مبتقفش علي حد خالص لكن حتى في سنه ساته رجعتني لنقطه الصفر تاني و بعتتلي بتقولي( ممكن نرجع أصحاب تاني و انا لما قلت كده مكنتش اقصد وانا بحكي جدا و بتاع)*الكلام الي بين القوصين هي الي بتقوله* و لأني طيبه و ساذجه وافقت و بعدها عرفت أنه هي اصلا مشت من الشله عشان هما مش عايزينها بعدها في ميدل وان كانت مع الشله تاني و اتصالحوا و ساعتها انا كنت معاهم و رجعنا نفس شله سنه رابعه بس كان في تفرقه جامده اوي يعني انا كنت منبوذه كده، اكتشفت أنه كان في جروب غير الي كنت فيه، كانوا بيقعدوا جمب بعض و انا كنت بقعد لوحدي و مع ذلك مكنتش بتكلم و بسكت بس جت في ميدل تو اتخاصموا كلهم و انا مكانش عندي مشكله مع اي حد و بقت اقرب حد ليا هي صاحبتي دي و بعد الأمتحان تجيلي عند اللجنه و كانت أفضل سنه و هي معايا في كل الدروس و في المدرسه و اصلا باباها مدرس و انا باخد عنده درس و دخلت بيتها و دخلت بيتي و خرجنا مع بعض و دائما بنتكلم و نذاكر مع بعض و نعمل كل حاجه مع بعض و كانت جدعه و كانت كل حاجه ليا و كانت طيبه و بتساعدني، احنا دلوقتي في تالته اعدادي وانا حاسه انها بعدت عني اي نعم اتغيرت للأحسن وانا فرحانه اوي ليها بس مبقناش نتكلم، مبقتش تحكيلي كل حاجه زي زمان، اتغيرت دلوقتي .... انا قلبي بيوجعني اوي وحاسه اني مغفله و مش قادره اكمل، ممكن ادخل اقعد اتفرج علي الشات القديم بتاعنا لمده ساعه و ساعتين و كل حاجه بتفكرني بيها، انا رحت المستشفى بسبب زعلي بس انا مش قادره اتقبل الموضوع، انا غبيه و مغفله اوي. اسفه اني طولت عليكم، ارجوكم أدوني نصايح لأني بموت لوحدي 🤍✨ ...عرض المزيد

8 الدعم

2 نصيحة

طاقتي نفذت مع شخص مدمر.. حسبي الله على الظالم

طاقتي وقدرتي علي التحمل نفذت استنفذ اعصابي وصحتي عايشه مع شخص مهمته الوحيده انه يدمرك ويهينك ويشتمك ويضربك ويسوء سمعتك قدام كل الناس علشان يطلع هو الضحيه ابطيب الغلبان لازم يسوء صورتك ويطلعك مش نافع ومبتفهمش والناس كلها وانا اولهم لا ليك قيمه وبا مهم الاهو لازم تستجيب لاي طلب حتي لو مش عاوزه حتي لو هياخد منك حاجه انت عايزها وبتاعتك لازم تديهاله اما طاقه نار تتفتح عليك وتهديد ووعيد كل الناس وحشه بما فيهم اولادة مفيش حد في الكون الا هو اكنه هو محوره مزعج غير مريح لسانه كرباج بيدي نفسه الحق لاهانتك انت واهلك كداب بيدعي الفضيله والصلاة وهو خاين وبيدي لنفسه المبرر بخيل وبيخبي كل حاجه حتي الاكل بحجه انها هتخلص وان اولادوا هياكلوها افتري عايز احتواء وانك تتغاضي عن عصيبيتوا علشان هو الراجل وانتي الست اللي ملكيش لازمه عاسز ياخد كل حاجه منك مشاعر واهتمام وكلام وطاعه وماتخدش منه حاجه لانه دايما هو الاول وانتي تحت رجله حسبي الله ونعم الوكيل في اي شخص ظالم مريض مؤذي دا دينا دين معامله ورحمة وانسانيه حسبي الله ونعم الوكيل انت حسبي ووكيلي يارب في كل راجل بيطرد مراته وعياله بحجه ان دا بيتوا وانهم بره وملهاش حق ولو عاجبها علي الذل دا تستحمل او تعمل خلع علشان مدعي الرجوله مبيطلقش علشان ميخسرش الست عنده هي اللي تخسر انما هو لا ربنا موجود نتلاقي يوم تجتمع الخصوم قدام العادل القاضي الله سبحانه وتعالي....... ...عرض المزيد

4 الدعم

0 نصيحة