بحس إني ولا حاجة بالنسبه للناس.. نفسي أحس بقيمتي 💔

Question

ساعات كتير بحس اني غريب بحس اني عاوز ابقي لوحدي علطول بس في نفس الوقت عاوز يبقي فيه حد جنبي ومعايا بقيت احس أن كل اللي حواليا انا بالنسبالهم عادي يعني لو اختفيت يومين تلاته عشره ولا حد هيسأل بقيت احس اني ولا حاجة بالنسبه للناس نفسي احس بقيمتي نفسي احس اني ليا لازمه نفسي احس اني قدرت افرح حد ولو بكلمه نفسي احس اني قد المسؤوليه 💔

Potato_27650 🇪🇬 · Accepted Answer

انا حرفيا فهماك لأن تقريبا عندي نفس المشكله 
بس هقولك حل انا رضيت عن نفسي بيه وحللي جزء من المشاكل دي 
أعمل لنفسك لازمه متستناش حد اللي يعملك لازمه أجتهد واعمل اي حاجه مهما كانت بسيطه انا كل اللي عملته اني اتطوعت ف مكان وسط ناس شبهي وبقيت بعمل حاجه اينعم حاجه بسيطه جدا لا تذكر بس اللي حواليا في المكان عشان شبهي بيحسسوني قد ايه الحاجه دي كبيره وازاي انا شاطره رده خلاني عرفت قيمتي واني ليا لازمه بس

Popcorn_27656 🇪🇬 · Answer

انت بس وسط الناس الغلط 
لسه ملقتش الناس الصح 
متضيعش ثقتك في نفسك عشان ناس 
وإن شاء الله قريب تبقى في المكان الصح وسط الناس الصح 🤍

Carrot_27663 🇪🇬 · Answer

تقدر تحس بقيمتك لما تجتهد وتشتغل علي نفسك وتنجح وتحب نفسك وتقدرها وقتها صدقني لما تقدر نفسك وقتها الناس هتقدرك انت مش قليل عشان تحس انك ولا حاجه

Durian_27589 🇪🇬 · Answer

انت وسط الناس الغلط. اتعلم لغه جديده اعمل شبكه علاقات كويسه ادرس حاجه انت بتحبها اخرج حتي لو لوحدك ده احسن بكتير اشتري حجات مع نفسك وبنفسك وقلل التوتر

Apple_27351 🇸🇦 · Answer

ليه تلوم نفسك على تصرفات اشخاص مزيفين؟ عيش حياتك بدون ما تربطها ب اشخاص هالشي يدمرك نفسياً و ينهش ب روحك و قلبك و فكرك لذلك عيش الحياه و حط ببالك دائماً "بعيش حياتي من اجل نفسي مش عشان اعجب احد" و لو ما عندك اي مشكله تعال نصير اصحاب 🫱🏾‍🫲🏻 و حُرا على الي ما يقدرك

Potato_27650 🇪🇬 · Answer

بس في المكان الصح اللي يقدرني ويحسسني بقيمتي ويخليني فعلا ابدأ ادور على نفسي واتعلم حاجات تعلي من قيمتي واعمل حاجات ليها لازمه فعلا 
ف دور عالمكان الصح وسط الناس الصح اللي تقدر تحس بنفسك فيه