غربه

Jackfruit_71403 🇪🇬

منذ أسبوع واحد

شعور ضائع

عبّر عن شعورك بشكل مجهول

جماعه فى حاجة بقالها فتره مضايقانى عندى اصحابى من ثانوى بعدت عنهم بس علشان الغربه وكدا وجامعتى ومش بنزل كتير وحتى لو بنزل مبعرفش اتجمع معاهم او نتقابل لان اهلى مش بيرضوا يخلونى اخرج وشايفين ان الصحاب دول ملهمش لزمه فالحياه انا فالاول كان عندى طاقه اعند معاهم وانزل من وراهم وكدا وخصوصا ان صحابى كانوا باقيين عليا بردو مع الوقت وخامس سنه ليا لقتنى ببعد عن صحابى ومبقتش احضر معاهم حاجة وبقوا يتخرجوا وانا مش بحضر ببقى مضايقه من جوايا بس انا مش عارفه اعمل اى وحسه ان معتش فيه ذكريات مبنا وبدأت ابعد عنهم لان لقيت كل واحده فيهم مقربه لوحده معينه اكتر والى اكدلى دا لما واحده فينا اتخطبت خدت مثلا اتنين بس معاها ينقوا الشبكه مع انى المفرةض فى الشله؟؟؟ لى مكنش معاهم؟ ولما واحده اتخرجت فينا خدت واحده بس معينه برظو انا اه بعيده ومكنتش هحضر؟ بس هى لى استثنتها عن الباقى حسه ان صاحبه الكل بس مفيش حد معين قريب منى علشان مش صاحبه موجوده علطول ويجى فدماغى طب لما اتخطب او كدا؟ حسه ان مفيش حد هيحضر معايا طول اليوم ويبقى جنبى ذى ما مل واحده فيهم كدا اه كلهم هيبقى معايا منكرش بس انا عايزة واحده قريبه بس 😅انا مش عارفه ايه بالظبط

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_34591 🇪🇬

منذ أسبوعين

شعور شاعر بالملل

الوحده و الخنقه اللي انا فيها اعمل فيها ايه راجع من الشغل من اربع ساعات قاعد بين أربع حيطان ولا بكلم حد ولا حد في حياتي تعبت من كده اوووووي بجد الوضع ده صعب و ممل و بعيد عن اهلي يادوب مكالمه في اليوم وخلاص علي كده . الوحده صعبه اوووووي الانسان مايعرفش يعيش لوحده فعلا لازم شريك حياه معاه

Apple_66812 🇪🇬

منذ 3 أسابيع

شعور مكسور القلب

الشعور بالوحده دائما تحس انك لوحدك حتى وفى ناس حواليك بتحن للناس اللى فقدتهم شعور صعب انك تدور على الشخص اللى فقدته عشان ترمى نفسك فى حضنه بس تحس بالأمان جوه حضنه بجد الشعور بالوحده غربه امى

Pear_63213 🇪🇬

منذ شهر واحد

شعور مرهق

انا نصيبي في الجيش وداني سوهاج وانا مش الجيزه مقلقوش بقا علي المشوار 8 ساعات بالقطر الواحد من ساعت ما دخل الجيش وهو بيعاني والله ومفيش حد جنبي ولا سندني حته صحابي الي كانو معايا مبقوش موجدين كانو عاملين جدعان وطلعو في الاخر بتوع مصلحتهم الجيش بيفلتر والي مدخلش الجيش مخدوع ف كل الي حوليه انا اتغيرت ج

Tofu_63208 🇪🇬

منذ شهر واحد

شعور غير مكتمل

حقيقي م عارفه عامل ايه الواحد حاسس انه تايه وحيد فاقد الامل بعيد عن كل حاجه الناس دايسه عاليه و من اقربهم جدا بقينا غابه و ياريتها ديابه تموتك و ترتاح ده جحر صخور لا حد هيحسس بواجعك ولا حد هيشوفك

Chocolate_61979 🇪🇬

منذ شهر واحد

شعور مستنزف

موضوع:

ماذا لو

كنت هدخل كليه طب اللي في نفس بلدى ومكنتش هتغرب كل دا بصراحه................... ⁩⁦^⁠_⁠^⁩⁦^⁠_⁠^⁩⁦^⁠_⁠^⁩⁦^⁠_⁠^⁩⁦^⁠_⁠^⁩⁦^⁠_⁠^⁩⁦^⁠_⁠^⁩ وكمان كنت ممكن اتمسك في فرص كتير كانت حواليا وللاسف ضيعتها من ايدي وبمزاجى بس يلا الحمد لله علي كل حال يمكن مكانش مكتوبلي الخير في اي حاجه منهم

Sugar_62148 🇪🇬 عارفة أنا كنت في نفس الموقف ده كنت قدامي حاجات كتير وضاعت بإيدي بس عرفت بعد وقت إن مش كل اللي بنفقده بيكون شر ومش كل اللي بنفكر إنه فرصة فعلاً كان هينفعنا خدي نفسك بهدوء متلوميهاش وابدأي من النهاردة تبصي لقدام لسه في حاجات حلوة مستنياكي لو ركزتي عليها بدل اللي راح

عرض الكل 3 نصيحة

Chilli_59992 🇺🇸

منذ شهرين

شعور مكتئب

عبّر عن شعورك بشكل مجهول

مش عارف ابتدى ازاى بس انا فعلا تعبت من كل حاجه بتحصلى 
بس انا دايما لوحدى امى فى بينى و بينها مشاكل بقالها سنين بسبب طلاقها هى و ابويا ال انا مليش زنب فيه و عمرها ما حبتنى 
ابويا سافر و سبنى ٢١ سنه مختفى و مسالش عليا و كنت عايش مع امى لوحدنا شفت المر حرفيا امى مرتاحه مديا جدا و مع ذالك من و انا صغير مفيش حاجه عايزها بتجبهالى و قررت اشتغل من اولى اعدادى و دايما كانت بتقولى ربنا مش هيوفقك ولا هيجبلك رزق بس الحمدلله عندى ٢١ سنه و بصرف على نفسى ١٠٠ فى ال ١٠٠ حتى فلوس الكهرباء بدفع معاها النص و من كتر المشاكل قررت ادور على ابويا و بعد ٣ سنين تدوير عليه جبت رقمو و اكتشفت ان عندى اخوات من ام تانيه و  ان هو مرتاح مديا اوى اوى و اتجرات و كلمتو و عاتبتو و قابلتو و اتكلمت معاه فى كل حاجه و كنت ناوى اعرف حقيقتو و همشى مش هعرفو تانى بس عرفنى على اخواتى اليوم دا و لما شوفتهم قلبى واجعنى هما بسم الله ما شاء مش صغيرين كنت مش عارف اقول لاخويا انا مين ولا عرفت اخد اختى فى حضنى حتى قلبى كان واجعنى و كنت عارف انهم ملهمش زنب فى اى حاجه 
المهم قربت منو و من اخواتى بس علاقتى ب ابويا صحاب مش ابويا عمرى ما حسيت انو ابويا و اخواتى مش فاهمنى هما شايفنى كبير و مرتاح مديا و بصرف على نفسى و عايش و هايص و ميعرفوش ان انا محتاج حد معايا بجد كنت فاكر ان هما العوض المن عند ربنا بس لسا مش فاهمنى 
دا مقصرش على حبى ليهم بس صعب نبقا اخوات بجد دايما حاسس انى غريب عنهم و كنت فاكر الاحساس دا هيتغير مع الوقت بش بقالو سنه اهو و متغيرش ما علينا ربنا يخليهم ليا بردو و اكيد لو احتاجونى فى اى وقت هبقا موجود 
لسا حياتى زى ما هى امى متعرفنيش ابويا انا مش ابنو ولادو اخواتى بس انا لا انا واحد صاحبو بينزل معاه ساعتين كدا و خلاص كل وقتى حاطو فى شغلى عشان اعرف اصرف على نفسى عشان مرجعش زى زماان مع العلم انى مش عايز من ابويا مده ولا من امى مده الحمدلله رينا وقف معايا بس لسا حياتى وحشه و حاسس انى دايما مليش مكان ولا فى بيتى ولا عند ابويا ولا وسط اخواتى ولا فى اى حته هنا عشان كدا قررت انى اخلص جامعه و هسافر برا البلد زى ما ابويا عمل و هبعد عن كل دا و الحمدلله على كل حال و انا كا فلان مش مسامح كل الناس الكانو سبب فى الانا فيه دا و حسبى الله و نعم الوكيل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_56171 🇸🇦

منذ شهرين

شعور مستنزف

صباح الخير انا ببساطة مسافر حاليا بره مصر لكنها اول مره ليا و حاسس بوحده و غربه مش طبيعيه و ده مأثر على نفسيتي جدا ،، انا مهندس و الحمد لله الفرصه بره احسن من مصر لكن الاحساس صعب محتاج حد يقولي اعمل ايه عشان اتغلب على اىشعور ده

Pistachio_56798 🇪🇬 ربنا يكتبلك الخير استعن بالله و استأنس ب ربك القريب و اول لما توصل دور عالصحبة الصالحة فالمسجد و الشغل و اول لما تعرف تدخل دخل كويس امشي فالجواز و استعن و ربنا هيوفقك و يرزقك من حيث لا تحتسب و متسيبش نفسك فالغربة انك سافرت دا شيء جميل ربنا يباركلك احمد ربنا بالفعل و بتصرفاتك و اوعى تستخدم نعمته فالمعصية ربنا يوفقك يارب و يسددك

عرض الكل 4 نصيحة

Avocado_54882 🇸🇦

منذ شهرين

شعور متعب

انا عندى مشكله انا متغرب والعيد بقضيه لوحده ومشتاق لاهلى ومشتاق لمراتى ومش عارف اعمل ايه ومش عارف اسال حد بستصرف ازاى وبيعمل ايه علشان ببقى محروج من السؤال وبقيت محتار وماسك نفسى الدنيا مش مظبوطه معايا وكل يوم قبل ماانام الدنيا بتتكركب معايا ومشاعرى ملخبطه ومش عارف اعمل ايه من كل اللى حواليا

Avocado_54882 🇸🇦

منذ شهرين

شعور متعب

الوحده احساس صعب انا مسافر ومغترب وكل علاقتى باهلى تليفون وعايش لوحدى وماليش اصحاب وكلهم طبعا اصحاب مصالح لما لقيت البرنامج دا قولت كويس انى ممكن اتكلم واقول كل حاجه محدش بيحس بحد فى الغربه كله فى حاله ولما تتعب بتقول يارب ماموت لوحدى الصعب للمغترب انه اما بينزل اجازه بيحس انه غريب بردوا وسط اهله

Orange_51322 🇪🇬

منذ 3 أشهر

شعور وحيد

جماعه حد مؤخرااا بقيت بحس بالوحده جداااا خصوصا باليل و بقعد اعيط ، فكره اني عيلتي كبيرة و كلهم بيكونوا حوليا بس بحس بالغربه بينهم ، مش عارفه لو جربت اعيش لوحدي ممكن حاجه تتغير ؟ طيب حد كان بيحس كده ؟ و هل عمل حاجه ساعدتوه يتخطي الشعور ظه و يحب و يستأنس نفسه اكتر ؟

Strawberry_42567 🇰🇼

منذ 4 أشهر

شعور متوتر

عبّر عن شعورك بشكل مجهول

انا بنت و عايشه في عايله مش سليمه أنا تعبت بجد انا الكبيره انا الي حاضره كل المشاكل و الخناقات بي أمي و أبويا من وأنا عندي 8 سنين اقسم بالله على اتفه الأسباب لو قلتلكم اني بقيت بكره الواقع كره كبير بقيت عيزا افضل معليه الصوت في سماعتي و اقعد اتخيل حياه تانيه اب سوي نفسيا لأني تعبت احنا في الكويت في غربه كل يوم أسمع زعيق من ابويا  على كل سبب تافه و كل شويه يقعد يقول هنزلكم مصر تعيشوا هناك  نعيش هناك قصده في قريه اقسم بالله نص الي فيها سبوها و بس ابويا شايف أن ده الصح هل في القريه دي فيها مدرسه كويسه؟ لا  محل أو أي حاجه؟ لا  فيها أي مقوم من مقومات للحياه؟ لا  هو مش عايز يقتنع انا  و اخواني والله مش هنعرف نعيش  هناك هو مش عايز يفهم والله هو مش بيصرف غير تمن الشقه الي احنا فيها و النت الباقي أمي هي البتجيبه و تعمله من فلوسها و شغلها و هو  قاعد يزعق بس و يتخانق و كام مره ضرب أمي كمان أ تعبت مستواي الدراسي نزل نفسيتي بقت زي الزفت بقيت بخاف والله من البشر كلهم و أحس بي قلق ديما و مش بأكل مليش نفس لي حاجه خالص  هو مش شايف غير أنه مش لاقي العيله الي هو نفسوا فيها بقت أوقات بقيت ادعي عليه من غلي انا بقيت خصباً عني عندي كره و غل ليه   انا تعبت بجد معتش عارفه انا المفروض اعمل ايه انا عيزا نصيحه و مش ناقصه بجد أي تانيب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_27322 🇪🇬

منذ 6 أشهر

شعور وحيد

حاسه ان لوحدي محدش جمبي لما تعبت ملقتش حد جمبي كله مهتم ببعضه كله عنده أهل وعيله وانا لوحدي اه فيه اتنين من صحابي بيسالو عني بس الأهل فين عارفه أن صحابي لو كانه معايا من نفس البلد مش هيسبوني بس اهلي فين من كل دا انا سني مش كبير عشان اهلي يسبوني مسؤوله من نفسي كله مشغول بحياته وانا فين من كل دا مش عا

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Strawberry_32093 🇪🇬

منذ 9 أشهر

شعور محبط

انا عارفه انى اكلم شاب دا حرام ودى علاقات محرمه بس حرفيا مفيش بنت انا مصاحبها ال وبتكلم شاب وبتحبه وبيحبها وكل واحده بتقعد تتكلم دا عمل ايه معاها وهى عملت اى وانا بحس انى غريبه وسطهم وان انا اللى مختلفه م هما واكيد انا عمرى ما هكلم شاب بس حسيت ان تفكيرى دا اتغير بعد ما واحده قالتلى ان فى حد بيحبك وع

Coffee_21153 🇪🇬 الصاحب ساحب لما تقعدي معاهم متفتحوش المواضيع دي نهائي اما تبعدي عنهم لان الطريق دا وحش جدا ربنا يبعدك عنه

عرض الكل 14 نصيحة

Banana_73718 🇪🇬

عمري 20 وبنجذب للستات من 30 ل45.. إيه الحل؟

انا ٢٠ سنه بس دايما مشاعري بتميل نحيت الستات الي سنها من ٣٠ ل ٤٥ وف نفس الوقت هما بيلاقوا راحتهم معايا ف الكلام والتعامل وومكن توصل للعلاقه واني حد مميز وجذاب وهكذا علي عكس البنات الي فسني + بقيت اشوف الي ف سني انهم صغيرين ومش ف نفس نضجي اي الحل ...عرض المزيد

0 الدعم

1 نصيحة

Banana_69853 🇪🇬

ايه اللي حصل؟ الناس مالها اتشقلب حالها ليه كدا

هو ليه نسبه بقت كتير جدا مع أن شايف الموضوع بسيط جدا و محدش يقولي عشان الأحوال اللي بتمر بيها البلد و الكلام دا و الحاجه بقت اسعارها نار لان عمر الظروف الماديه ما كانت سبب نهائي اغلبنا اتولد في اسره فقيره اوي و مع ذلك و نشأة في ظروف صعبه و محصلش اي مشكله بل بالعكس كنا نلاقي البيوت مستقره و كويسه و حتا لو حصلت مشاكل بيحلوها ودي و بمنتهي السهوله و الستات كانت عاقله و تخلف بالخمسه و السته و ترضي بقليلها و الراجل كان بيبقي شغال كذا شغلانه و مبسوطين و البيت كان بيبقي اوضه و الله العظيم ايه اللي حصل الناس مالها اتشقلب حالها ليه كدا و دا يضرب مراته و يهينها و دي تفضح اسرار بيتها 😳😳 احنا بنعيش اسوء ايام مرت علي مدي مرور العصور ربنا يسترها و نخرج منها علي خير اللهم احسن خاتمتنا ...عرض المزيد

0 الدعم

0 نصيحة

Banana_64261 🇸🇦

ضعت في الغربة وندمت على سفرتي

انسان عايش في وسط اهله وولاده ومراته ميقدرش يعيش من غيرهم والعكس بيعشق شغله ومقدر فيه جدا ضغط شغل كبير بس علي قلبه زي العسل ماديا جيد جدا ولكن متطلبات كتير وبتكبر اسرع بكتير يسيب كل ده فجاه عشان فرصه ماديا احسن شويه وعشان ميزعلش مراته و متحسش انه اناني لانها شايفه طبعا ان هو بس اللي مبسوط وكلهم معذبين وسايبهم والدخل مش كفايه يروح لمجهول عايش لوحده طبخ واكل سيئ وغسيل اي كلام وبهدله مواصلات عشان لسه مفيش عربيه مفيش صحاب بيقابل ناس بيتكلموا كلام اكتر من نصه مش مفهوم مش عارف يفضفض لمين و لا يهزر مع مع حد وضغط عصبي علي كلام فاضي واهبل و شغل كان بيشتغله وهو لسه بيتعلم بعد مابقي اشطر واحد في زمايله كل يوم بيخسر نفسه وشغله وعلمه واسرته وراحته بس كسب شويه فلوس مراتك شايفاك ماشي صح وهتتعب شويه وانت شايف انك ضعت الموت والله احسن نفسي ارجع بس خلاص مش هينفع انا مش عايز حاجه بس بقول اي حاجه وايدي وجعتني من الكيبورد ...عرض المزيد

0 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع