بحبها ومش عارف انساها.. اعمل ايه؟

Question

اكاد اقول اني كنت بحب واحده عشره عمر من واحنا ف اعدادي وارتباطنا واحنا ف ثانوي وسيبنا بعض ف الجامعه ولما سيبنا بعض .. هي راحت ارتبطت بعدي ب اسبوعين .. وانا تعبت بجد ودخلت المستشفي ٨ شهور تحاليل ومستشفيات وتعب .. 
وانا لسه بحبها ومش عارف انساها .. ورجعت اعتذرت وبقينا نتكلم بقيت بحن ليها جيت وكلمتها اننا نرجع ونبدا صفحه جديده  كانت كل مره تهرب بشكل مختلف .. انا لسه بحبها وببقي مبسوط واحنا بنتكلم وبضايق لما بنبعد .. اديلي  سنين طلعت بكدب علي نفسي ولسه بحبها .. اعمل ايه !!

Cookies_62719 🇪🇬 · Answer

انا مش عارف انصحك لاني بردو انفصلت عن خطيبتي بقالي شهر ولسه بحبه ومتعلق بيه وحاليا بتعالج نفسي بسبب اني سبته بس الدكتور قالي اي علاقة مهما كان نوعه لو فيها ضغط نفسي لازم تقطعه فورا

Mango_53075 🇪🇬 · Answer

ياحبيبي مانا بحاول اديلي كام سنه اقطع مش عارف مش ببقي مبسوط غير وانا معاها .. مش بعرف اتعامل مع غيرها واديلي كام سنه مش يوم ولا اتنين ولا شهر

Orange_61792 🇪🇬 · Answer

كفاية اللي الوقت اللي ضاع معاها ،شوف حياتك 
و متدخلش التجربة دي تاني الا بنية الجواز سواء معاها او مع غيرها
و لو انت ظروفك متسمحش بالجواز دلوقتي ف مترتبطش لانك هتكرر نفس التعب

Mango_53075 🇪🇬 · Answer

اكاد اقولك اني ظروفي تسمح وعادي وانا لما قولت نرجع وحاولت كان بنيه ان ده لو تم مش هرجع ارتباط هرجع خطوبه وجواز بس هي اتهربت من الاول ومحاولتش مره انا حاولت ييجي تلات مرات 
المشكله ان هي سالتني ف مره انت محاولتش ترتبط بعدي قولتلها لا! وقالتلي انت شكلك اتقفلت من الموضوع بس انت حقيقي الف واحده تتمناك .. مكنتش فاهمه اني مش عايز الالف عايزها هي

Orange_61792 🇪🇬 · Answer

هقولك ،لو هي لسه متاحه و مش مرتبطه او مفيش حد تاني ف حياتها ،اعرض عليها الموضوع بشكل رسمي و مباشر لو وافقت تمام ،لو رفضت يبقى هكرر تاني كفاية الوقت اللي ضاع عليها

Sugar_11554 🇪🇬 · Answer

هي واضحة اوي كانت بتسليم وقتها غير كدا ما لا يرضي الله لن يرضيك ادعي وافتكر دايما أن ربنا هيسعدك

Mango_53075 🇪🇬 · Answer

نيه الرجوع كانت هتبقي خطوبه وجوار .. رسمي

Sugar_11554 🇪🇬 · Answer

البدايه هي المشكله واللي ميبقاش عليك متبقاش عليه

Chilli_64354 🇪🇬 · Answer

مقدرة مشاعرك وفعلا حاجة مش سهلة بس بجد شوف حياتك واهتم بنفسك اكتر عارفة الموضوع صعب في البداية بس مع الوقت هتتعود شوف نفسك وحياتك وغير روتينك لان خلاص هي مش هترجع ودا مش عشان هي وحشة لا بس الي بيروح مش بيرجع

Mango_53075 🇪🇬 · Answer

انا بحاول اشوف حياتي اديلي ٣ سنين مش عارف واقف عند نفس النقطه ..

Chilli_64354 🇪🇬 · Answer

فخليك في حياتك انت وابعد كل البعد عن اي حاجة بتفكرك بيها ومتحاولش تأذي نفسك في انك تدور وراها او تحاول معاها تاني وزي مقولتلك في مليون طريقة تنساها بيها بعيدا عن انك تشوف واحدة تانية تملي الفراغ ارجوك بلاش تعمل كدا لانك هتأذي نفسك اكتر وهتأذي اي حد تاني فخليك في نفسك طور حياتك خد كورسات انزل جيم اهتم بلبسك وشكلك اشتغل في حاجة بتحبها واسحل نفسك في الدنيا دي مع الوقت هتكون كويس

Chilli_64354 🇪🇬 · Answer

عادي انك تقع وتقوم اعترف بينك وبين نفسك بالهزيمة بس متديلهاش وقت قوم تاني وابتدي من اول وجديد حتي لو كل يوم ابتدي من اول وجديد مع الوقت هتلاقيك بتتحرك لقدام

Mango_53075 🇪🇬 · Answer

يبنتي رقم ١ عمري ما هفكر اني هدخل بنت تملي الفراغ والكلام ده انا بدعي دايما ربنا اني مكونش سبب جرح لاي حد مهما يكون .. رقم ٢ اهتميت بلبسي وشكلي والكلام ده كله .. بس برجع اما افتكرها برجع لنقطه الصفر زي طفل اتعلق ب لعبه .. 🙂

Chilli_64354 🇪🇬 · Answer

جربت تسمع اي حاجة عن التعلق المرضي او تشوف فيديوز علي اليوتيوب عن العلاقات وكيفية التخطي ؟

Grape_57212 🇪🇬 · Answer

هتسافر لحد مش مستعد يمشي لك خطوه؟

Mango_53075 🇪🇬 · Answer

ممكن تبعتيلي مسدج ب لينكات ؟

Mango_53075 🇪🇬 · Answer

صدقني الواحد باقي علي  العشره .. والمحبه دي حاجه مش بايدينا بنقدر نتحكم فيها ..