بحب واحد من 2016 ومش عارفه اعمل ايه

Question

بحب واحد من 2016 وكل ما يقول لاهلي علي معاد الخطوبه ونجهز نفسنا يخلف الميعاد وميجيب ملحوظه هو من محافظه بعيده جدا عن محافظتي المهم اننا بعدنا ورجعنا كتير خلال ال 10 سنين دول وكنت متماسكه بيه اوي رغم أنه معملش عشاني اي حاجه تذكر بالعكس دا خذلني وكسر فرحتي وكسفني قدام اهلي بدل المره كتير وللعلم كنت موافقه اني اسافر محافظته رغم اني كنت هخسر اخلي دلوقتي بيقولي اديني اخر فرصه وهعيشك عند اهلك مش هتسافري بس بردو اهلي مش مطمنين ولا انا رغم حبي ليه اعمل ايه حد يقولي انا حاليا عمله بلوكات قولتله لو عايزني معاك رقم اهلي كلمهم 
وحاجه كمان انا الفتره دي متقدملي واحد قريبي مناسب من كل الاتجاهات المشكله الوحيده الي مش مخلياني موافقه هي اني شايفه اخويا مش قادره اتخيل حياتي مع حد غير الي حبيته 
حد يقولي اعمل ايه انا بموت من كتر التفكير. محتاجه حد غريب ينصحني

Nutella_82905 🇩🇿 · Accepted Answer

نصيحتي لك يا أختاه اختاري الشخص الذي يسعدك لا الذي تحبينه الان الحب وحده لا يكفي لبناء أسرة قوية و متماسكة بل يحتاج الى رجل يكون معك في كل الأوقات يتقبلك كما أنت في كل حالاتك

Ice Cream_82622 🇪🇬 · Answer

١٠ سنين ولسه عندك أمل واهلك سايبينك كده ازاي انتي ازاي لحد دلوقتي واثقه فيه وعيزاه

Coffee_33835 🇪🇬 · Answer

المشكله اني مش قادره اعمل كده متعلقه بيه اوي علي الرغم اني من كتر أفعاله الوحشه حسه اني بقيت مش عايزاه انا تايه مش عارفه اعمل ايه

Coffee_33835 🇪🇬 · Answer

انا مبقتش مأمنله ولا مطمنه معاه مش عارفه انا بعمل في نفسي كده ليه واهلي سايبني علشان شايفني متماسكه بيه وبحبه وعايزاه بس هما مش طايقينه وشايفين أنه سبب تعبي الي وصلت ليه

Ice Cream_82622 🇪🇬 · Answer

ومتمسكه بيه ليه قوليلي سبب واحد اقنعيني بيه

Coffee_33835 🇪🇬 · Answer

معرفش قلبي متعلق بيه

Ice Cream_82622 🇪🇬 · Answer

اقنعيني ازاي متعلقه بيه ١٠ سنين ومعملش حاجه واحده عشانك انتي بتضحكي علي نفسك

Coffee_33835 🇪🇬 · Answer

والله ما عارفه