بحب شغلي بس حاسس بالتقصير في حياتي الشخصية

Question

انا بحب شغلي جدا جدا 
مع الرغم اني حاسس انه حاجه توكسيك دخلت حياتي وفي نقاط كتير الشغل سحبني منها 
وخلاني اقصر فيها بس بحب شغلي 
انا شاب بشتغل من لما كان عندي ١٦ سنه في نفس المجال 
والنهارده عندي٢١ سنه بقالي سنتين مؤسس لشركه والحمد لله كرم ربنا ان الشركه بتكبر من موظفين وعملاء ومكملين 
المشكله الكبيره اني مقصر مع نفسي بشكل كبير جدا 
ومقصر في كذا حاجه حواليا 
وملاحظ اني خسرت نقاط اهتمام كبيره في اشخاص حواليا بسبب اني بقيت مقصر معاهم 
كل يوم احاول اعمل بالانس مبين البيزنيس و الحياه الشخصيه و الموضوع مجهد بشكل كبيير جدا 
وبيدخلني دايما جوا دوامه الفشل واني مش عارف اعمل كده عشان فاشل وخايف على مدار الزمن البعيد اخسر فعلا ناس مهمه في حياتي بسبب انشغالي معظم الوقت في الشغل وبس

Ice Cream_53054 🇪🇬 · Accepted Answer

تفتكر انت بتهرب من حاجة بالشغل الكتير ولا انت بتحب شغلك؟ هل عندك مشكلة ف تنظيم الوقت ولا شغلك بياكل يومك فعلا

Chilli_52612 🇪🇬 · Answer

دي حاجه اسمه ضريبت النجاح

Grape_53107 🇪🇬 · Answer

لا هو فعلا شغلي واخد وقت كتير من يومي 
واللي خلاني اتاكد من كده هو اني انسان غير مقصر في التمرين مثلا نهائي ولاكن اخر فتره بعد ما حطيت تركيزي في الشغل مبقتش مركز مع التمرين وكذلك الصلاه مبقتش في المسجد 
ولا قعدتي مع اهلي خروجتي بقت بنزل مع شريكي نرتب امور الشركه ونشرب حاجه ونروح

Ice Cream_53054 🇪🇬 · Answer

قصدي احيانا الشخص بيكون مش بيحب اصلا الانغماس في الحياة الاجتماعية وبيكون نفسه يعملها احساس بالذنب مش حبا فيها فدا كان قصدي

Strawberry_67489 🇪🇬 · Answer

في يوم اجازه في الاسبوع الجمعه
 حاول تعمل فيه جمعه عائلية أو تتصل بناس قرايبك