بحب حد ومخطوبة لغيره.. مش عارفة انسى ولا اتأقلم

Question

انا بحب شخص ومخطوبة لشخص تاني لا عارفة انسى الشخص اللي بحبه ولا قادرة اتأقلم مع خطيبي وخايفة اسيبه ابقى خسرت شخص بيحبني وخصوصا ان اللي بحبه مش شايفة انه ممكن يعمل حاجة عشاني حرفيا موجوعة ومش عارفه اعمل اي

Banana_66684 🇪🇬 · Answer

هو بنطلون وخابفه تسبيه لازم تحددي موقفك يا تبقي مع شخص اللي بيحبك يا تسيبك منه وتبقي مع خطيب راعي ربنا فيه عشان ربنا يكرمك في حياتك

Mango_65779 🇪🇬 · Answer

خليكي ف خطيبك وسيبك من التاني لو عاوزك كان جالك فكري بس ف خطيبك وحياتكو سوا وان هو كراجل قدر يعمل اللي التاني معملوش

Banana_66684 🇪🇬 · Answer

قولها كلامك كله صح

Onion_67918 🇪🇬 · Answer

صراحي خطيبك وسبيه انتي ما تستهليش خطيبك كونك فكرتي في حد تاني وانتي معاه

Guava_65255 🇪🇬 · Answer

انا مفيش بينا تواصل من كذا شهر والموضوع انتهى بس انا مش قادرة اتخطاه ف دا مخليني مش عارفة ادي اي مشاعر لخطيبي ومقصرة ف حقة بحاول ادي لنفسي فرصة معاه لانه بيحبني عشان كدا مش عايزه اخسره

Guava_65255 🇪🇬 · Answer

الموضوع مش زي ما شايفاه كدا علفكرا ومتعرفيش حالتي النفسية عاملة ازاي بسبب الموضوع دا واني افكر ف شخص تاني دا غصب عني مش بايدي ومتعرفيش انا بعاني ازاي بسبب الموضوع دا ودخلت ف اكتئاب

Mango_65779 🇪🇬 · Answer

يارب تقتنع يس

Guava_65255 🇪🇬 · Answer

والله غصب عني بحاول بقالي شهر مخطوبة وبقول يمكن مع الوقت احبه بس مش عارفة في آمل احبه ولا لأ المشكلة اني مش مرتاحة مع خطيبي ومش قادرة احدد دا بسببه ولا بسبب اني بحب شخص تاني

Onion_67918 🇪🇬 · Answer

اسمعيني انتي هتكوني بتظلمي خطيبك كون ان الاولاني في بالك ده هيخليكي تدخلي في مقارنه دائمة مع خطيبك واي فرق هيخليكي تكرهي خطيبك لو قصر تقصير بسيط اسمعي مني سيبي خطيبك احسنلك واحسن لخطيبك

Mango_65779 🇪🇬 · Answer

من غير ماتعاني الموضوع واضح بجد ركزي مع اللي دخل البيت وقدرك وبقي كل حاجه بيعملها عشانك

Guava_65255 🇪🇬 · Answer

انا مقتنعة بكلامك والله

Guava_65255 🇪🇬 · Answer

المشكلة ان رغم ان خطيبي بيحبني بس مش حاسه ان هو دا الشخص المناسب ليا ومش قادرة احدد دا سبب اني مش حباه لشخصه ولا عشان الشخص التاني

Guava_65255 🇪🇬 · Answer

بحاول والله الموضوع مجهد أوي اللي مفروض تكون اجمل فترة بقت الاسوء

Onion_67918 🇪🇬 · Answer

الافضل تسالي شيخ وحد متخصص في العلاقات

Onion_67918 🇪🇬 · Answer

لو كده سيبي خطيبك انتي بتظلميه وهتحولي حياته لجحيم الامر مش متعلق بيكي انتي بس فكري في الطرف التاني

Mango_65779 🇪🇬 · Answer

انا عارف انو غصب عنك بس بصي اعملي مقارنه بسيطه كده مين اللي خد الخطوات الصح مين اللي اشتراكي مين قادر ف الزمن ده انو يعيشك مبسوطه وقادر يصرف عليكي مين راجل ف الزمن ده مايعشمش بنت ويروحلها فكري ف المميزات اللي ف خطيبك صدقيني هاتحبيه

Chilli_60185 🇪🇬 · Answer

بصي الحب مش بالعافيه ومحدش يقدر يجبرك علي حد بس الشخص التاني لو بيحبك ويقدر يجي يتقدم اهلا و سهلا لاكن انتي كده هتظلمي خطيبك وهتظلمي نفسك لو فضلتي معاه وانتي قلبك معاه حد تاني فا لو مش بتحبي خطيبك ومفيش قبول حتي لو خطيبك بيحبك سبي لانك  هتظلمي نفسك وهتظلمي لأن الكده الدنيا هتبوظ خالص ولو التاني كلمك وانتي علي ذمه ده هتبقا خيانه فالافضل ليكو انتو الاتنين تسيبو بعض بس نصيحه التاني لو بيحبك كان جه

Kiwi_67780 🇪🇬 · Answer

خيانه والطبع هيفضل معاكي لآخر يوم في عمرك

Guava_65255 🇪🇬 · Answer

هو كلم اهله بس مش راضيين ومش عارف يعمل اي لكن والله ما في كلام بينا خالص انا سيباه من قبل ما اتخطب ب 3 شهور

Guava_65255 🇪🇬 · Answer

خيانة لو بكلم حد على خطيبي لكن محدش يقدر يتحكم ف مشاعره لو عندك كلمه قولها بطريقة كويسة غير كدا متقولش رأيك

Kiwi_67780 🇪🇬 · Answer

صدقيني خيانه وانا مش بسيء ليكي بس دي حقيقه ..الإخلاص له معاني اخري ..مشكلتك كانت تبقي اجمل لو مثلا انك مخطوبه وبتقولي انك مش بتحبيه اكمل معاه ولا اسيبه إنما مخطوبه لواحد وفي شخص تاني دي خيانه

Guava_65255 🇪🇬 · Answer

انا قولت بحب شخص تاني لكن مقولتش بكلم حد تاني غير كدا الشخص دا مفيش بيني وبينه اي شيء من قبل ما اتخطب والموضوع منتهي واحترمت خطيبي ولا انا كلمته ولا هو كلمني الفكرة ف مشاعري لكن انا مخونتوش والمشاعر محدش لي يد فيها

Guava_65255 🇪🇬 · Answer

انا مش جاية عشان اجمل مشكلتي انا بقول اللي تاعبني فعلا مقولتش اني مخطوبة وعلى علاقة بحد تاني عشان تقولي خيانة

Kiwi_67780 🇪🇬 · Answer

مش هاغير رأيي للاسف

Guava_65255 🇪🇬 · Answer

وانا مش مهتمة تغير رأيك او لأ الحمدلله ان حسابنا عند ربنا مش ف ايد البشر كفاية ان ربنا عالم بنيتي

Chilli_60185 🇪🇬 · Answer

طب ليه مش موافقين ما يحاول مره واتنين وتلاته ايه السبب الي ميخليش اهلو يوفقو

Watermelon_67319 🇪🇬 · Answer

ممكن تتواصلى معى لو سمحت☺️🙏

Guava_65255 🇪🇬 · Answer

لي!

Watermelon_67319 🇪🇬 · Answer

@Fghm67
تواصلى معى تليجرام اختك منال