كيف أتعامل مع الوحده وشعور الحاجه لشريك؟

Watermelon_56281 🇪🇬

منذ 4 أشهر

شعور مرهق

بتتعاملوا ازاي مع الوحده ..الواحد الفتره دي بيجيله شعور دائم أنه محتاج شريك وحد فاهمه شعور لاحتياج شخص في حياتك بشكل حاسه مش طبيعي وللاسف الواحد حالته المادية مش سامحه أنه يرتبط رسمي .. اسال الله رب العالمين أن يمن عليا وعليكم بالزواج القريب ..لكن كيف اغير الحالة النفسية دي

سنين ضايعه وطموح محطم - قصتي مع الجهد والخساره

مش عارف هل من السهل ان انت تضيع من عمرك سنين في مكان وبعد كدا تقتنع ان الواقع بتاعك مش مناسب عشان تكمل انا حد طموح جدا زيي زي شباب كتير شايل المسؤليه وشقيان من اعدادي وشايل نفسي وبساعد في البيت بجزء مش قليل واشتغلت وزاكرت واجتهدت ودخلت كليه طب اسنان وبعد ما دخلت والدتي اتوفت وكانت بنسبه ليا صدمه كبيره وفي امتحانات محضرتهاش بسبب حالتي النفسيه عدت السنه طبعا دا كله وانا شايل مسؤليه مش صغيره وبشتغل يوميا ١٠ ساعات نجحت بمقبول حطيت القرش ع القرش وفتحت مطعم انشغلت في وكانت خبرتي قليله جدا عشان اقدر اخد خطوه زي دي هوب خسرت كل ال املكه وخسرت سنه كمان عدت سنه تانيه واستعوضت ربنا عشان انا كنت مهمل ومديتلهاش اي حاجه رضيت وعدت السنه ونزلت حجزت كورسات اون لاين وكنت بطبق بالايام وباخد اجازات كبيره كانت بتأثر ع البيت عشان انا دخلي اكبر دخل للبيت يعتبر والحمد الله كنا بناكل ونشرب وانا كنت باكل الكتب وبدح وبحضر وبسلم تسليماتي وكل حاجه ماشيه تمام وانا مبسوط منا فاهم ومذاكر وبنافس العيال التقيله ال بيبهرو المعيدين وكدا دخلت الامتحانات حليت كويس جدا وراجعت مع صحابي وشوفت تعليقات داكتره الكورس علي الاسأله ال هو انا كدا كدا جيد جدا اتفاجئ اني يوم النتيجه شايل خمس مواد اقسم بجلال الله اني حسيت بعجز مع اني مقصرتش دانا سعيت وجريت وشقيت وكنت بحط الجنيه ع الجنيه عشان اشتري كتاب ووورق ولسا لحد انهردا بدفع ف قسط الكورس مع العلم ان زمايلي كلهم جايبين امتياز منهم واحد صاحبي انا مديله اجابات امتحان كامله وانا مخلص بدري ف انا اتخنقت وكرهت الكليه وك الحمد الله وكل حاه بس عايز احول منها ومش عارف اروح فين ولا اعمل اي ف محتاج نصيحه من حد خد تجربه شبهي ...عرض المزيد

1 الدعم

2 نصيحة

انا في اسوء حالاتي النفسية.. كل حاجة ملغبطة

انا في اسوء حالاتي النفسية حقيقي كل حاجة ملغبطة ف حياتي ونومي متشقلب مش جايلي نفس لأي حاجة مع العلم انا بصلي ومش بسيب فرض الحمدلله يمكن مقصرة شوية ف الورد او الذكر بس بيجي عليا وقت مش قادرة انطق مش قادرة احرك لساني حتي وبدخل ف حالة صمت غريب وبحاول افوق واعمل حاجة او اخرج اروح مشوار وارجع بس حتي مجرد الخروج او شوفة الناس اللي بشوفهم كل يوم خنقاني حقيقي تعبت م كل حاجة ...عرض المزيد

1 الدعم

13 نصيحة