بابا بيفضل اخواتي عليا وبحس نفسي مهمشه

Question

انا مش عارفه ازاي اتعامل مع عنصرية بابا معايا هو اكيد مش وحش ومش بيكرهني بس بيفضل اي حد من اخواتي عليا يعني انا اخر حد ممكن يفكر فيه ومش عاوزه اكرهه واحط في دماغي افكار وشغل العيال دا بس هو بجد انا اخر اهتماماته وفيه مواقف كتير تبين كدا يعني لسه من فتره بقوله عاوزه اعمل سناني وهي طبعا بتاخد فلوس كتير واحنا حالتنا كويسه الحمدلله بس قالي استني شويه عشان الفلوس الى معايا اخوكي هياخدها يعمل بيها رخصه وانا من وانا صغيره اصلا وسناني كلها بايظه بس كل مااتكلم يقولى مفيش فلوس ويدفع الفلوس لحاجه تانيه لاخواتي ووجع الاسنان دا صعب جدا بجد و كمان لما بنمشي في الشارع وانا امشي جمبه واحط دراعي في دراعه مثلا يبعد عني بالراحه ويمشي جمب حد تاني من اخواتي وغالبا بتبقي اختي الصغيره وانا بركز في التفاصيل دي جدا بس والله دا مش شغل عيال بس الحاجات دي بتزعلني وبتحسسني اني مهمشه ومش مهمه مش عارفه اتجاهل الكلام دا والمعاملات دي ازاي بجد

Tofu_53656 🇸🇦 · Accepted Answer

خلي في تواصل اكتر معاه واتكلمي معاه وصاحبيه ممكن يكون انتي بعيده عنه شويه واكيد هو بيحبكم زي بعض بس ممكن كل واحد بيوصله الحب بشكل ما

Guava_60379 🇪🇬 · Answer

جربى تتجاهلى المواقف اللى بتدايقك من باباكى و ركزى مشاعرك و حبك لمامتك و حاولى تقللى الاهتمام بيه و التعامل معاه و بينى قدامه دايما إن التصرفات دى مش بتزعلك
غالبا الأب اللى بيفرق فى المعاملة بيكون اب نرجسى و أفضل علاج له التجاهل كل لما تتجاهليه تلاقيه هو اللى بيسعى علشان يقرب منك

Popcorn_59602 🇪🇬 · Answer

في الاول اعزريه طبعا متقدريش تزعلي منو دا ابوكي في الاول والاخر 
وحاولي تعوضيه بحنان وحب وطاعه قدميلو حجات من غير ميطلب قربي منو اكتر وصاحبيه وبرضو مع اخواتك الي هوا بيحبهم ومتعرفهمش انك واخده بالك ومدايقه من حاجه زي دي وان شاء الله تبقو كلكو في ظهر بعض

Hazelnut_52786 🇪🇬 · Answer

وجعك حقيقي ومش شغل عيال خالص، دي حاجات بتأثر في القلب وبتسيب علامة صعب تتنسى.
التمييز من أقرب الناس بيكسر… مش عشان الماديات، لكن عشان بتحسي إنك مش مرئية، كأن وجودك مالوش نفس القيمة.
حاولي تحافظي على احترامك ليه، بس ما تسكتيش جواكي، فضفضي مع حد كبير في العيلة أو اكتبي اللي حاساه… وخلي طاقتك تروح لحاجات تخلّيكي قوية من جوا، عشان ماحدش يقدر يكسرك حتى لو كان أبوكي

Hazelnut_52786 🇪🇬 · Answer

انتي مش قليلة، حتى لو أقرب الناس ليكي مش شايف ده… المشكلة فيه مش فيكي.
ساعات الأهل بيظلمونا من غير ما يقصدوا، بس ده ما يمنعش إننا نحس بالقهر والزعل.
ركّزي على نفسك، ابني مستقبلك واهتمي بنفسك، وخلي حبك لنفسك يعوّضك عن أي تقصير منهم، لأنك تستاهلي كل اهتمام واحتواء