امتحانات أولى ثانوي قرف ودرجات منخفضة! كيف أتعامل مع ضغط العيلة؟

Question

يا جماعه انا اولى ثانوي عام احنا فيران التجارب اللي بيجربو فينا عملولنا امتحانات زي القرف و الدرجات قرفين وانا اعلى واحده جايبه ١٢ من ١٥ للمعلومه اني من عيله ممكن توئدني حيه لو نقصت نص درجة 
دلوقتي انا في ١٢ تانيه و ١١ و نص و ٣ امتحانات ١٤ اقول اي لماما و بابا او اقنعهم ازاي ان و المصحف كلنا كدا 
+ اشتكينا على الموجه و قالنا في وشنا بكل برود انتو لسه او سنه و اول مره المنهج و من غير كتب و لا تابلت و لا مذكرات احنا داخلين نمتحن و بنجرب فيكم و انتو عادي اول سنه مش فارقه !! ياريت تفيدوني لاني تعبت نفسيا و فقدت شغف المذاكره كمان

Corn_36168 🇪🇬 · Accepted Answer

اولي وثانيه ثانوي فتره ان انت متضغطش ع نفسك فيها ومتعملش زي كل الي عملوا وتشد ع نفسك خد راحتك وروح دروسك وكل حاجه بس مش تزاكر المزكره الدح دي زاكر ف 3 ثانوي ورتب نفسك واعمل الي عليك وسيب الباقي ع ربنا وبس ونشاء الله تجيب الي نفسك فيه ابوك امك يمكن خيفين عليك فدي حاجه تبسطك 
بالنسبه ان ابوك هيزعلك خد رقم اي استاذ ام mes اديه لبوك وخليه يكلموا وبس وربنا يوفقك 🫶🤍🤍 .

Marshmallow_33590 🇪🇬 · Answer

حاسه بيك اوي عشان انا أولي ثانوي ، ودي درجاتي فعلا ، مقفلتش غير ف امتحان الرياضه بس وباقي الامتحانات جبت فيها 14,و 13 ، ده غير أن المدرسين نفسهم مش راحمينا خالص ، ومع اني قفلت امتحان الرياضه بس مفيش ولا تقييم رياضه قفلته ، مدرس الرياضه قالها ليا بكل برود وقالي انا مش هخلي حد يقفل اي تقييم ، وحرفيا ربنا معانا كلنا عشان السنه فعلا صعبه بس احنا مش ف أيدينا غير أننا نعمل اللي علينا ونسيب الباقي ع ربنا

Chocolate_36117 🇪🇬 · Answer

حرفيا بيدخلو يقولولنا انتو قدامي شوية درجات مهما كنت شاطر لو غلطت غلطه كفيله باني اسقطك عادي

Coffee_36236 🇪🇬 · Answer

بص  انا في دبلوم صنايع و ندمان اوي اني مسمعتش كلا ابويا وذاكرت وكان نفسي اخش ثانوي واذاكر واخش كليه  فا احمد ربنا وذاكر واعمل الي عليك وابوك ميعملش كده الي عشان مصلحتك ومستقبلك وخايف عليك مش اكتر  انا واحد من الناس دلوقتي بقول يريت ابويا كان غصبني علي المذاكره وخلني اخش ثانوي بس عموما الحمدلله على كل شيء وربنا يوفقك وتحقق الي تتمناه وخليك فاكر ان دايما محدش هيخاف عليك اكتر من عيلتك