ليه سبيته بالرغم من كل مميزاته؟ ندمانه ومتردده

Question

اه بعدت وكان بيحبني حب غريب 
اوقات بفكر أنا ليه عملت كدا مفيش اي عيوب فيه بالعكس كان اكتر واحد فاهمني و عارفني لدرجه انو كان بيعرف الكلام الي هقوله من قبل ما أقوله 
بس بالنسبالي يمكن عشان استايله وشكله مكنش التايب بتاعي 
بس برجع استغرب ازاي يبقي حد فيه كل المميزات دي واسيبه عشان حاجه تافهه زي دي بس فعلا كنت بحس الحته دي مش مقبوله خالص عندي 
ولسه خايفه اني ملاقيش حد تاني زيه بس في نفس الوقت مش عايزه ارجلعه بالرغم انو بيحاول معايا من 4 سنين أننا نرجع

Marshmallow_56253 🇪🇬 · Accepted Answer

ويمكن تلاقي حد يفهمك بردو ويبقى التايب بتاعك .. ويمكن لا تلاقي دا ولا دا بس تلاقي نفسك بتحبي حد تالت خالص ، او تلاقي راجل بمعنى اصح يعرف يسيبك ويعرف يجيبك 
بصراحه فئة كبيرة من البنات بقت توكسيك اكتر من الولاد .. لو كنتي فعلا عاوزاه يرتاح من عذابه كنتي اختفيتي طالما مش حباه بس انتي بتظلميه بتفكيرك .. يا تبعدي .. يا يدخل البيت ويطلبك ولو اترفض يبقى خلاص

Coffee_62707 🇪🇬 · Answer

بيحاول معاكي عشان عبيط، اهل الحب صحيح مساكين

Cheese_28254 🇪🇬 · Answer

بصي الشكل مهم وكل حاجه بس انتي مع الوقت كان ممكن تغيري استايله وهو عشان بيحبك كان هيحاول عشانك لكن عايزه الحق الشكل دا حاجه صوريه لما اتعاملتي معاه ماتعملتيش معاه كالبس وشكل لأ انت اتعاملتي مع احساس مشاعر اخلاق قلب قبل جسد وعلي العموم كل واحد وإقتنعاته بس فعلاً هو مخلص لحبك لدرجة أنه لسه عايزك بعد كل حاجه فبجد يابختك بشخص ذي دا وربنا يصلح احوالكم حببتي

Potato_27813 🇪🇬 · Answer

العلاقه الزوجيه لازم يكون فيها انجذاب جسدي و تقارب او تفاهم بين العقول لو حاجه مش موجوده مش هتبقا علاقه زوجيه سعيده أو ناجحه عشان كدا مترجعيش تاني عشان حتي لو شخصيته حلوه السرير هيعمل مشاكل بينكم و شخصيته الحلوه دي مش هتقدري تستحمليها و لا هو هيعرف يستمر في ان هو يكون شخصيه حلوه معاكي لان الراجل ميقدرش يعيش من غير ما يكون شايف انك شايفه كفايه و انتي مش شايفه كفايه و ربنا يهدينا و يهديكي للصح🤍

Sugar_62243 🇪🇬 · Answer

بلاش ادعاء مثاليه !
لو انت او انتي حد شكله مش مقبول بالنسبالل مش هقدر تكمل معاه

Coffee_62707 🇪🇬 · Answer

لو فاكرها بالشكل تبقي غبيه، الروح الي بتتحب الاول بعدها بنشوف الشكل ده احلى حاجه في الدنيا، متتغريش في نفسك كلنا شوية تراب خارجين من الارض نشم هوا وراجعين تاني

Potato_62828 🇪🇬 · Answer

كلنا كده

Apple_62938 🇪🇬 · Answer

كنت متجوز بس كان فيه خلافات مع مراتى وبعد انفاصلنا ارتبطت بزميلتى ف الشغل
ولكن حبى للاولاد كان أكبر من حبى الجديد 
معرفتش افرح بيها ولا كنت فرحان معاها
دائما كنت زعلان على عيالى وهى اكيد لاحظت ده 
بقيت حاسس انى مضطر اكمل مع مراتى وارجعها بس عشان خاطر عيالى
حاجة غريبة أنى بحاول أدفن ذهنى مع الاطفال 
معرفتش امسك العصابة من النص 
لا عرفت انسى حبى الجديد 
ولا عايز اعيش ثانية من غير عيالى

Apple_62938 🇪🇬 · Answer

اها بعدت عن إنسانة كانت بتحبنى 
كانت ممتازة بصراحة واكتر من ممتازة بس كنت بحب واحدة تانية خالص 
بعترف أنها مكانتش مناسبة بس كنت بحبها بردو
الغريب انى كنت تقريبا صعبان على اللى بتحبنى اللى هو انت شخص كويس ليه مصمم على علاقة توكسيك تضيعك بالشكل ده وانا ابدا لازم تستنزف كل طاقتى واسيق المحيط

Apple_63543 🇪🇬 · Answer

اه بعدت رغم أنة بقالي سنين بس لغاية دلوقتي مش عارف انا ظلمتها ولا لا اوقات كتير اقول ضحت بسنين علشان وأوقات اقول لا دي اصلا مكنتش بتحبني بس منكرش اني اوقات بحن وبفكر فيها وبفتكرها

Banana_53818 🇪🇬 · Answer

الحلو ان الواحد يفهم