موضوع:

اية الحاجة اللي حسيت انك اتسرعت فيها؟

اني اتجوزت انا اتجوزت وانا صغيرة كان عندي وقتها 15 سنة وكان ابن خالتي في الخطوبة عمل ليا من البحر طحينة وقال ليا هجيب ليكي راوتر نت وهتبقي مبسوطة وهخرجك وافسحك واجيب ليكي كل الي انتي عوزاه ومش هحرمك منك حاجة وعلشان كنت لسه طفلة بالنسبة ليا الحاجات دي كانت بتفرحني جامد بس طول ايام الخطوبة وانا مش حاسة براحة خالص ومكنتش متقبلاه خالص ومعرفش ليه بس كملت واجيت يوم الفرح وانا عند الكوافيرة حسيت ان انا عاوزة اسيب كل ده وامشي من هنا بس معملتش كده وماما اجت ليا وانا عند الكوافيرة ولاقيتها بتقول ليا ان انتي عاوزة تكملي كملي مش هاوزة تكملي عندي استعداد اخدك في ايدي دلوقتي اهو ونمشي قلت ليها ياماما ازاي والناس قالت ليا مالكيش دعوة بالناس عاوزة تكملي ولا لا روحت انا سكت شوية كنت عاوزة امشي معاها بس معرفش ايه الي منعني اتكلم وقلت لها لا هكمل وكملت واتجوزت وبسبب خوفي نزل عليا دم فمعرفش يقرب مني وفي تلات يوم لاقيته بيقول ليا لو عاوزة تطلقي وعاوزة اوديكي عند امك قومي البسي واوديكي وانا قلت له لا هكمل رغم اني كنت عاوزة امشي ومن بعدها بقي كل يوم ضرب وزعيق واهانة وشتيمة وقلة قيمة واهانة في اهلي ومش لازم اتكلم لاني ان اتكلمت هبقي مش متربية ومش من الاصول ولما حملت وكانت بنت قعد يقول ليا نزليها مش عاوزها وكان يضرب فيا كل يوم علشان تنزل لحد في يوم وبعد 6 شهور ونص حمل تعبت جامد ونزل عليا دم وروحت كشفت والدكتور قال ليا ان انا بسقط وقعدت في المستشفي اسبوع علي المحاليل بس لا في اكل ولا شرب ولانوم لحد لما نزلت وماتت بعدها ورجعت حملت تاني بعدها بفترة وكان ولد مكنش بيخليني حتي املي ازازة الميه ولما ولدت بعد فترة من ولادته وراح كشف عليه الدكتور قال له ان الطفل ده هيبقي معاق ومن بعدها بيقي يتهمني ان انا السبب في ده وفضلت علي كده 5 سنين لحد لما دخلت في حالة اكتئاب وعلشان منتحرش واموت كافرة قربت من ربنا جامد لحد لما في يوم اخدت قرار اني هطلق ومترجعتش عن القرار ده ومشيت وسبته واتطلقت منه وحاليا قاعدة مع امي ومش بشوف ابني باقلي فترة طويلة

2

3