يا ترى بعد المعاناه والألم ده كله هاجي أقول انتصرت على السرطان! ولا هيختفي أثري وهيكون هو اللي انتصر عليا! أنا مش عارفه ايه مستنيني بعدين سواء ربنا كاتبلي النجاه منه أو كاتبلي الموت بس أنا بتمنى ربنا يرحمني ويخفف عني ويتمنى تكونوا علطول فاكريني بالدعاء سواء فضلت أكتبلكوا هنا أو اختفيت ،أتمنى تدعولي كتير،ونصيحه متفكروش كتير في المستقبل وتحطوا أحلام وخطط لمستقبل وردي لأن المقاييس ف ثواني بتتغير وكل حاجه ممكن تروح ف لحظه مش بخليكوا تتشائموا بس بقولكوا عيشوا اللحظه بلحظتها وافرحوا واتبسطوا واستغلوا وقتكوا صح،أنا لسه شابه زيي زيكوا مش واحده كبيره ف السن أنا لسه ٢١ سنه وكل حاجه ف ثانيه طارت..قبل ما أتعب ولا أعرف حوار تعبي كنت علطول بخطط وعلطول بفكر وعلطول بزعل من حاجات بعد ما دوقت المر بسبب وجعي وتعبي اكتشفت إنها حاجات تافهه قدام نعمة الصحه ف احمدوا ربنا على اللي عندكوا ومتبصوش للناقص فيكوا وخليكوا علطول متأكدين إن بطول ما انتوا بصحه وأهلكوا بصحه وعافيه ف انتوا ملكتوا الدنيا وما عليها الألم والوجع صعب وكل حاجه بتتغير ف ثانيه،استغلوا وقتكوا صح متنسوش تدعولي

15

8