وحيدة ومش لاقية حد يشاركني حزني ولا فرحتي

Question

انا للاسف معنديش صحاب معنديش حد اشاركه فى كل حاجة بعملها فى اوقات بتيجى عليا ببقى محتاجه حد معايا يعنى مثلا ابسط حاجة ان لو عايزه انزل مثلا اشترى لبس او اى حاجه ببقى عايزه حد يجى معايا مش بلاقى وفى اوقات ببقى حزينة اوى بس للاسف مش بلاقى حد اشاركه حزنى فبفضل اعيط ان انا وحيده وحيده جدا ولا أخت ولا أصحاب

Grape_19678 🇪🇬 · Accepted Answer

عن جابر قال، قال رسول الله صلى الله عليه وسلم: “المؤمن يألف ويؤلف ولا خير فيمن لا يألف ولا يؤلف وخير الناس أنفعهم للناس 
سيبك من الناس بتاعه كده احسن بقي والهبل دا

Apple_20035 🇪🇬 · Answer

صدقني دي حاجه حلوة والله

Watermelon_14832 🇪🇬 · Answer

حاجه حلوه ازاى بقى ؟!!

Apple_20035 🇪🇬 · Answer

هنزل بوست وكلمني خاص

Grape_19678 🇪🇬 · Answer

غلط مش حاجه حلوه ولا حاجه الصحاب بتهون الدنيا 
اولا لازم تحاولي تبقي حد اجتماعي تحتكي بالناس بشكل اكبر ولو تعرفي تشوفي شغل لو سنك يسمح كل الحاجات دي شويه وفجأه هتلاقي بقي حواليكي صحاب حلوين هتقدري تطلعي بيهم انما تقعدي تعيطي انك وحيده دا مش حل وهتفضلي وحيده علي طول .اخرجي وعاشري الناس وصاحبيهم الناس حلوه ❤ او خلينا نقول فيهم حلو كتير

Apple_18260 🇪🇬 · Answer

اعتبريني صديقك فى اى وقت وقت ما تحتاجى تتكلمى او تفضفضى او اى حاجه ابعتيلى وان شاء الله هتلاقينى جنبك

Apple_20072 🇪🇬 · Answer

عارفة انا عندي نفس المشكلة بتاعتك دي ، كتير بدور علي حد يبقي معايا و يشاركني ف حاجات كتير بعملها

Tofu_19479 🇪🇬 · Answer

خلينا نقول إن الوحده بشعه جدًا بما إني وحيده زيك بالظبط بس أكيد ربنا هيرزقنا بناس حلوه وأصحاب حلوه بس اختاري صحابك بعنايه فالمرء على دين خليله فلينظر أحدكم من يخالل متستعجليش وتصاحبي أي حد وخلاص اختاري صحابك بعنايه تامه لأني لما استعجلت وصاحبت ناس علشان مكنتش عايزه أبقى وحيده بدأت أبعد عن ربنا ف الحمد لله ربنا بعدهم عني علشان كانوا بيبعدوني عن الطاعه وقعدتهم كلها ذنوب ف متصاحبيش أي حد واختاري صحابك

Tofu_19479 🇪🇬 · Answer

أينعم أنا لسه لغاية دلوقتي وحيده بس علشان أنا يقرر أختار مين يساعدوني ع القرب من ربنا مش يبعدوني ووقت ما هلاقي الفئه دي من الناس هتصاحب عليهم لأن أصدقاء السوء بيجروكي للمعصيه ف بطول ما أنتِ ملقيتيش الرفقه الصالحه اللي تساعدك على طاعة ربنا متبعدكيش عنه خليكي وحيده لحد ما تلاقيهم

Avocado_19927 🇪🇬 · Answer

اعتبرينى صحبتك من دلوقتى يحبيبتى 🥺❤

Mango_19956 🇪🇬 · Answer

انتى منين طيب

Tofu_20146 🇪🇬 · Answer

حاولي تنزلي student activity و اتعرفي علي ناس بجد بجد هتلاقي الي شبهك و كوني أصدقاء و خليكي لطيف الدنيا هتظبط و متقلقيش كلنا كدا تقريبا الفتره دي

Popcorn_18855 🇪🇬 · Answer

حاولى تكونى صداقات ف محيط الجامعة او المدىسة او الشغل على حسب سنك ولو الموضوع صعب حاولى تفرحى بوحدنك وصحبه نفسك واستمتعى بوقتك مع نفسك وحاولى تلاقى هواية معينة اشغلى نفسك فيها عشان متحسيش بالوحد

Banana_20202 🇪🇬 · Answer

احنا هنا كلنا صحابك و نتشرف بيكي ، اعتبرينا صحاب من دلوقتي لو حابة طبعا ❤️☺️