ذنب كبير وندم.. كيف أتوب بعد علاقة محرمة؟

Question

انا مطلقة وحبيت واحد اصغر مني ب٣ سنين وهو مؤدب جدا ومعندوش اي تجارب مع بنات وانا واثقة من دة 
بس للاسف حصل بينا تجاوزات ادت لعلاقة كاملة وهو عمره ما عمل كدة قبل كدة ومفروض قريب من ربنا ومش بيفوت فرض وبيقرأ قران بس للاسف ضعفنا وانا ندمانة جدا عشان دة ذنب كبير ربنا يتوب عليا ويغفرلي
بس هو بعدها انصدم وقالي انتي ليه عملتي كدة ليه ليه ومشي وسابني وهو قريبا كان على وشك البكاء 
انا كارهة نفسي جدا عشان اغضبت ربنا وكارهة نفسي عشان فسدته ومش عارفة ايه التصرف الصح اللي مفروض اعمله
هل ابعد عنه خالص لحد  ما يتخطى الموضوع ولا انا كدة خلاص خسرته ولا اتصرف ازاي معاه مش عارفة اعمل ايه حاسة اني عايزة اتحبس ف غرفة وما اعمل شي غير اني استغفر 
بس مفروض اعمل معاه ايه انا بردو حاسة بالذنب جدا من ناحيته

Avocado_28452 🇪🇬 · Accepted Answer

لو بتحبه بعض وهو بيحبك فعلاً يبقى لازم تتجوز و لاكن لو الموضع هيبقى صعب يبقى لازم تبعدو عن بعض خااااص وياريت تنسو بعض وتتوبو لربنا وانشاء الله ربنا يتقبل منكم لاكن طول ما انت قدام بعض أو بتتعاملو مع بعض بدون جواز هيحصل تجاوزات تانى ومشاكل اكبر.

Nutella_34433 🇺🇸 · Answer

المشكلة ان احنا جيران وزمايل كمان ف الشغل ف لازم هيكون ف تعاملات 
وانا معنديش اي مشكلة اتجوزه لكن هو ظروفه لا تسمح للزواج حاليا ابدا هو لسة ف اول مشوار حياته المهني وقاعد مع والده ووالدته بيرعاهم وانا مطلقة وعندي اطفال لكن سني صغير 
طب هل اعرض عليه اننا نتجوز تصحيحا للذنب دة ولا اتصرف ازاي ولا متكلمش معاه تاني ف غير حدود الشغل وربنا يتقبل توبتنا ولا اعمل ايه الصح

Strawberry_29159 🇮🇹 · Answer

هو أصلن مش هيرضه يوفقك يتزوجك لو هو زي ما بتقولي ملتزم

Strawberry_29159 🇮🇹 · Answer

هو أصلن مش هيرضه يوفقك يتزوجك لو هو زي ما بتقولي ملتزم

Avocado_28452 🇪🇬 · Answer

هو حالته المادية لاتسمح للزواج يبقى لازم تبعدى عنه وحاولى تتجنبى التعامل معاه لو فى شخص اتقدم لك الجواز وافقى لأن لو فضلتو بتتكلم مع بعض غصب عنكو هيحصل تجاوزات وهو ممكن يحاول يتكلم معاكى تانى بس ردك دايما ليه لو عايزنى يبقى فى حلال ربنا يتجوزك عشان متغضبوش ربنا

Coffee_51317 🇪🇬 · Answer

هو يعني ايه ليه عملتي كدا حاجه ذي كدا انتو الاتنين بتبقو فاهمنها كويس اوي انها هتحصل مفيش حاجه اسمها نرميها علي حد ده اولا ثانيا هو لو عاقل وبيحبك هيتجوزك حتا لو فرق 10 سنين انتي اللي عملتيه غلط بس هو مشارك معاكي في الغلط متحطيش الذنب عليكي بس لو فعلا عايزك هيتجوزك لان مفيش حاجه اسمها فسدته اسمها غلطنا احنا الاتنين ونتوب لربنا

Lemon_39553 🇪🇬 · Answer

انتوا الاتنين السبب مش انتى لوحدى مينفعش هو يرميها عليكى ، توبي لربنا واستغفرى كتير طبعا و دورى واسالى على حاجات تعمليها تهون الذنب دا ، لو فعلا اللى بنكم حقيقى وهو حد كويس صالحو الغلط دا

Lemon_47430 🇺🇸 · Answer

توافق علي مين؟؟
وتظلم الشخص الي هتتجوزو عادي

Coffee_33188 🇪🇬 · Answer

طبعاً دي معصية كبيرة جداً .. انا شايف تنهي علاقتك بيه نهائي ولا كلام وحتي لو ف شغل ما بينكم انهيه وتوبي حضرتك ل ربنا ..انتوا الاتنين السبب و غلطتوا غلطة كبيرة وانكم تتجوزوا مش حل للتوبة ع فكرة التوبة انك تستغفري وتدعي ربنا من الذنب دا ومترجعيش ليها تاني ..وانت حضرتك اكبر سنناً وانضج منه وعارفه ان العلاقات دي اخرتها وحشة كان المفروض متفتحيش طريق للكلام ما بينكم او العلاقة تزيد من الاول ..