انا مش كويسة ولا قادرة ادارى ضعفى 💔

Question

انا مش كويسة ومش تمام ولاول مره احس بضعف دا معا انى دايما ضعيفة وخايفة بس عمرى ماببين دا قدم حد عشان كدة الكل مستغرب ازاى انا ضعيفة كدة عكس شخصيتى القوية والمسيطرة على الامور بقول دايما انى تمام لكن فعلا انا مش تمام ومكسورة وضعيفة واول مره موضوع يكسرنى كدة ويوجعنى اوى كدة لدرجة انى مش قادرة ادارى ضعفى ومش قادرة اتحرك وحرفيا حياتى واقفة💔

Cherry_20754 🇪🇬 · Accepted Answer

الحياه مش بتوقف احنا اللى بنقول كده عشان بنوهم نفسنا ان الحياه مش عادله مع انها عادله وكل واحد واخد نصيبه اللى مكتوبله عند ربنا بس انتى لازم يكون معاكى حد تتكلمى معاه وتحكيله على اللى بتحسى بيه 🙂

Mango_20901 🇪🇬 · Answer

مهما تحكى محدش هيحس بيك ميه فى الميه وكل هيقولك عدى عادى محدش يستهل معا ان عندك انت الشخص فعلا يستهل لأنك محدش   شايفة زى ما انت شوفته حتى لو انت غلط وهم صح نظرتك هى الاصدق واحساسك مش هيكدب الى قهرني ان الشخص دا الى قلبك وجعك منو هو شخصين مش حسس بيك او يمكن تعبان زيك وانت متعرفش بس الى اعرفة انى هونت واتمسك لآخر نفس واتفرط فيا بسهوله اصلا التمسك قرار مش نصيب وانا قرارت اتمسك بس الطرف التانى لا 💔

Watermelon_20899 🇪🇬 · Answer

طبيعي جداً انه يجي علينا وقت نبقي عايزين نرخي ايدينا فيه و نبين ضعفنا بجد عشان  خلاص مش قادرين  ،، لحظات الكسر واحساس الضعف وانك مش عارف تعمل اي حاجه عشان تبقي كويس مرت علينا كللنا  ومشاعرنا في الوقت دا بتبقي زي الجبل علي قلبنا بجد ... هقولك نصيحه او حاجه انا عملتها خلتني احسن .. 
رميت الدنيا كلها ورا ضهري و حاوطت نفسي بناس انا فعلاً حاسه بحبهم ليا قربت من ربنا وسلمتله قلبي وحبيت نفسي حبيتها جداً

Watermelon_20899 🇪🇬 · Answer

حبي نفسك اوي انتِ جميله وتستحقي كل حاجه حلوه قربي من ربنا ابعدي عن كل حاجه بتإذيكي وكل حد مش مرتاحه في وجودة اختاري نفسك ودي مش انانيه ابداً انتِ في فترة بتدي فيها نفسك عشان تعرفي تدي الي حواليكي بعدين ،، فكري في عادة انتِ بتحبي تعمليها واعمليها علطول املي يومك بكل حاجه انتِ بتحبيها وربنا يريح قلبك ويجبر بخاطرك امين♥️