أنا مش مجرد شخص بيكتب.. أنا محاولة مستمرة للفهم، للنجاة، وللثبات وسط حاجات كتير بتتغير. بكتب مش عشان أتكلم، بكتب عشان أفضفض، أواجه، وأرتب اللي جوايا. اللي يعرفني كويس، عارف إني مش دايمًا بتكلم.. بس اللي يقرا كتابتي يعرفني أكتر من اللي عاش معايا سنين. انا مش كاتب بس عملت صفحه اكتب عليها او افضفض مش دايمًا أنا البطل في حكاياتي، أوقات كتير ببقى المجروح، أو اللي واقف لوحده على الهامش.. في كل سطر، في وجع متخزن، وفي كل نقطة نهاية، في بداية تانية بحاول أعيش بيها. أنا مش كاتب.. أنا شخص بيدور على نفسه في وسط الكلمات. انا مش قوي على طول، ومش مبسوط على طول.. بس دايمًا حقيقي. أنا الشخص اللي بيشيل كل حاجة جواه ويسيب الكلمة تكتب عنه. اللي بيتكسر بصمت، ويضحك عادي، كإنه ماحصلش حاجة. ويتقاله انت مبتحسش وبتضحك علي طول وعمرنا مشفناك حزين اللي ممكن يكون في عز وجعه، ويسند غيره. أنا مش مثالي، بس عندي نُضج خلاني أستوعب إن مش كل الناس بتفهم العمق، ومش كل اللي تقوله هيتقدر، فعيشتني الكلمات، وبقيت أكتب عشان أعيش. أنا مش كاتب.. أنا إنسان بيحب الصدق، بيخاف من الفقد، وبيشوف الجمال حتى في الحاجات المكسورة. وبالرغم من كل ده.. لسه عندي إيمان إني هتغير للأفضل، حتى لو الطريق طويل. لسه عندي رغبة إني أكون النسخة اللي أقدر أبص ليها في المراية وأقول: أنا فخور بنفسي. بس دلوقتي فعليا بكره نفسي ويمكن الكتابة هي الوسيلة الوحيدة اللي بتخليني أكمّل، في عالم مافهوش وقت يسمعك، أنا لسه بكتب، ولسه بعيش... ولسه بحاول بس شكلي بفشل انا بكتب بالفصحي بس البوست ده مش هينزل ع الصفحه هينزل في المكان اللي محدش فيه يعرف حد تقريبا

4

22