انا مدايق وحيد ومش اجتماعى – حياتى صعبه

Question

انا ديما مدايق ومخنوق قدمت السبت مع كل الناس وصاحبت الكل وحبيت الكل بس للاسف ملقتش حد حاببنى ولا فى حد صاحبى ولا باقى عليا بواحد % مع انى عمرى ما اتاخرت على حد فى حاجه ديما وحيد وديما مدايق على حالى وبقيت خجول جدا ومش اجتماعى ومع نفسى ديما ونفسيتى صفر اقسم بالله ما بنام الليل من التفكير ديما حاسس نفسى اقل الناس ازاى اقدر اتخطى كل ده وازاى ابقى انسان ناجح الكل يحبنى ويتمنا يصاحبنى

Chilli_31639 🇪🇬 · Accepted Answer

عارف امتي هتبقي انسان ناجح والكل يحبك ويتمني يصاحبك زي مبتقول ، لما تحب نفسك انت وتقدرها وتعليها وتبطل تحاول ترضي الناس ، انت مش قليل ولا وحش عشان ترضي الكل وتحب الكل ومحدش يحبك ، لازم تقتنع انك كويس وكبير ولما تفهم دة كويس مش هتحس انك مستني حب الناس ليك اصلا هتبقي مكفي نفسك ، ارضي ربك فقط ولا تحاول ارضاء جميع الناس حتي لا تخسر ذاتك ، ارضاء ربك عزة ومحاولة ارضاء الناس علي حساب نفسك مذلة

Sugar_31626 🇪🇬 · Answer

قول حاجه حلوه فيك

Sugar_31626 🇪🇬 · Answer

و حاجه كمان حلوه

Sugar_31626 🇪🇬 · Answer

و حاجه حلوه عملتها لحد نفسك حد يعملهالك

Coffee_31604 🇪🇬 · Answer

الحلو اللى فيا انى جدع ويعتبر ان دى مش حاجه حلوه لان الجدع فى الزمن ده أكبر غلط اقسم بالله مش مجامله بس بود الكل وبسال على الكل بس مفيش ولا اي حد بيسأل ولا حد بيفتكرنى مش عارف ليه عملت اي

Cookies_31610 🇪🇬 · Answer

على فكره انك تعيش لوحدك احسن متكون مع الأشكال دي اختفي فتر حاول فيها تظبط حياتك وركز على مستقبلك وفكك من اي حد

Sugar_31626 🇪🇬 · Answer

دور علي شخص واحد قريب ليك و خليك معاه و ركز معاه

Watermelon_31638 🇪🇬 · Answer

ظز في كل الي حوليك ولا يشغلك في اي حاجه نجاحك ليك مش لحد انت لازم تقف علي رجلك لوحدك انت انسان كامل مش محتاج حد يكملك واوعي تشوف نفسك أقل من اي بني ادم هم الي خسروك مش انت

Coffee_31604 🇪🇬 · Answer

للاسف مفيش حتا امى وابويا خذلونى 🥺

Sugar_29587 🇪🇬 · Answer

صلي واتكلم مع ربنا هيغنيك عن الكل قرب من ربنا هتلاقي الناس كلها بتقرب منك كل همومك هتنزاح وقلبك هيرق بحب الله واذكر الله الا بذكر الله تطمئن القلوب

Coffee_31604 🇪🇬 · Answer

فعلا 👌🏼👌🏼

Cookies_31568 🇪🇬 · Answer

لما بتقابل ناس لاول مره او اول قعده بيقيسو ثقتك ف نفسك من نظراتك قعدتك وكلامك 
ده غير انك متقدمش السبت لان ببساطه ليه؟ 
ماشي متضرش حد 
حد طلب خدمه ف ايدك اوكي مفيش مانع 
لكن متجيش على نفسك ابدا لو الشخص ده مالوش رصيد عندك

Coffee_31604 🇪🇬 · Answer

عارف كده بس برده الوحده وحشه جدا ببقى نفسى اخرج مع حد بدل ما بخرج لواحدى واشوف الصحاب هزار وضحك وحب مع بعضيهم ببقا نفسى اقعد اتكلم مع حد بدل ما بتكلم مع نفسى ببقا نفسى حد يسأل عليا ولا قرايب ولا غريب والله مش عارف عملت اي غلط انا شخصيتى قويه مش ضعيفه انى اقول لحد معلش كلمنى وكده لا بس مش عارف فى اي الصراحه نفسى اتخطى كل ده بس مش عارف

Marshmallow_31578 🇪🇬 · Answer

ليه طيب عايز الناس كلها تحبك؟ ليه تخلي ده اقصى همك في الدنيا أصلا
راجع نفسك وكفاية اوي انك تحب نفسك وتبقى راضي عنها وتخلي ربنا يرضى عنك
صدقني مينفعش نخلي حب الناس ورضاهم عننا اقصى همنا