Broccoli_72239 🇪🇬's منشور
Broccoli_72239 🇪🇬
منذ شهر واحد
.
شعور ضائع
انا حاسس ان انا وحش اوي ..حاسس ان انا اوسخ بني ادم في الأرض بعمل الغلط وانا عارف انو غلط ..حاسس اني مكسور اوي ..نفسي غالبني ضميري مبيجيش غير بعد الغلط الي بعملة ..حاسس اني لوحدي محدش جمبي محدش سامعني وانا بعيط محدش معايا وانا فرحان بنام واقوم موبايلي مبيرنش ..مش قادر
0
7
Kiwi_72614 🇪🇬
أفضل نصيحة
.
منذ شهر واحد
خلي صلتك بالله وفقط صلي، اقرا قرأن استغفر سبح اذكر الله، ادعي كتير وصلي قيام الليل، صدقني ده الحل الوحيد
11
0
Chilli_72701 🇪🇬
.
منذ شهر واحد
انت مش اوحش حد تقبل انك بشر وبتغلط تقبل خطأك وحاول تصلحه اسعي دايما للكمال واعرف انك عمرك ما هتوصله بس طول ما انت بتحاول تسعي لاحسن صوره منك ف غلطانك هتقل. افتكر دايما ان ربنا قال وخلق الانسان ضعيفا تقبل ضعفك اولا وقرب من ربنا لان دا اللي هيقومك ويخليك تحس انك كويس واقوي تعرف هتلاقي دايما ربنا في القرآن بيهونها علي اللي بيتوبو دايما تلاقي آيات تهدي من جلد الذات اللي هو تعالا وتوب وارجع تاني
0
0
Chilli_72701 🇪🇬
.
منذ شهر واحد
القرآن في آيات تخليك مرتاح كانها بتناديلك مخصوص انك بطل الذنب دا او بطل دا وتعالا قرب من ربنا واعمل صالح وربنا هيقبلك وهيكفر كل ذنوب وكمان هيبدلها حسنات ف طبيعي تغلط بس اوعي اوعي اوعي تبطل ترجع 💗
0
0
Chilli_72701 🇪🇬
.
منذ شهر واحد
حاجه كمان لان شكلك بتتكلم وحش مع نفسك كتير بطل تعمل كدا دي حاجه الرسول نها عنها ان حد يقلل من نفسه ويحقرها كدا لما تعمل حاجه غلط قوم وتوب وكلم نفسك براحه وتقبل الغلط وصلحه فورا واستفغر وقوم اعمل اي حاجه تانيه لو حالتك الماديه كويسه روح الجيم او مش شرط جيم اي رياضه حاسس انك ميال ليها كمان روح صل رحمك وودهم وود اهلك واقعد معاهم معظم العائلات بتكون صعبه بس لو اهلك مش كدا ف اديهم من وقتك كتير
0
0
Grape_72174 🇪🇬
.
منذ شهر واحد
كلام الشيطان بيحاول يضيعك استعيذ بالله منه وصلي ، الي بيتمناه الشيطان هو تحطيم الانسان
0
0
Chilli_72701 🇪🇬
.
منذ شهر واحد
لما تدي اللي حواليك من وقتك هتحس بان في ناس حواليك واحساس الوحده والزعل وان محدش بيرن ولا يسأل قل عاوزه افكرك انك انت اللي بتتعب عشان تعمل حياتك الاجتماعيه وسط اهلك قرايبك صحابك الناس اللي بتعدي عليهم كل يوم ف ابذل مجهود في النقطه دي وخليك دايما طيب الخلق اللي حواليك هيحبوك غصب وادي الناس اللي حواليك اعذار واتبسط بحياتك حاول تكون مبسوط💗
0
0
التجربة أفضل عبر التطبيق
حمّل تطبيق توهيل على هاتفك لتجربة أسرع
