أنا بتغير جامد… للأسوأ، والموضوع بيحصل بسرعة، بس من غير صوت. كل يوم بصحى وأنا حاسس إني بعيد عن نفسي أكتر، عن شكلي، عن طريقتي، عن قلبي حتى. في حاجة جوايا بتتساقط واحدة واحدة، والمخيف إني مبقتش بقاوم، بقيت بسيبها تروح كأن ده الطبيعي. مبقاش يفرق معايا مين بيبعد، ولا مين بيفضل، مبقتش برد بنفس الطريقة، ولا بحس بنفس الشكل، حتى الحاجة اللي كانت بتحركني… بقت ماتفرقش. أنا بتغير، وكل يوم بيعدي بيخليني أقرب من شخص عمري ما كنت متخيل أبقى هو، بس الواضح إني وصلتله… والمشكلة؟ إني مش متفاجئ.

2

0