أنا people pleaser ومش عارف لو دي غلطتي ولا لأ

Question

أنا عارف إني وحش من الكلام ال هقوله دا عايز أتأكد إني كنت غلط أو مش عارف حتى
دلوقتي أنا للأسف الشديد سعيي الوحيد ورا إرضاء الناس فقط لا غير
الموضوع وصل معايا لدرجة وحشه آوي لدرجة إن لو في بنات عرفاني وحبوني واعترفوا بحبهم بلاقيني دخلت ف علاقة عشان بحس إنه إزاي حد يقولي بحبك وأنا مبحبوش
دورت ف الحوار لقتني بعمل كدا عشان أنا people pleaser
ويعني بقعد شوية لحد ما أدرك إني فعلا محبتش البنت دي وإنه كان pattern أنا واخده نتيجة التروما دي
دلوقتي المشكلة اني فعلا مبقتش فاهم هل دي غلطتي أنا ولا لا

Popcorn_28628 🇪🇬 · Accepted Answer

بص معظم المشاكل اللي عندنا جايه من الأهل وازاي انت تقول لا ولازم تقول حاضر ونعم وده نوع من أنواع الخجل فا تبقي مشكله أمتي لما تضر حد تاني يمكن انا مش مدرك المشكلة اللي عندك كويس وانك تكون مش عايز تحرج حد ده شئ مش وحش علي فكره

Ice Cream_28626 🇸🇦 · Answer

اول شي انت شخص طيب القلب بس لازم تتعلم الرفض عشان تقدر توازن لانك كدا حتتعب نفسك لا غير من حقك ترفض حاول ومرن نفسك على كلمة لا

Chilli_28867 🇪🇬 · Answer

فاهماك وانا نفس الحال ونفسي الاقي حل حقيقي

Nutella_28857 🇪🇬 · Answer

لا بس لازم مش ترضى الناس بس فكر الاول فى نفسك و ركز فى هدفك و طريقك

Mango_28067 🇪🇬 · Answer

فاهم كدا بس ساعات بحس إني ظلمت البنات ال فهمتهم إني بحبهم وأنا فعلا مكنش فيا مشاعر فاهمني

Mango_28067 🇪🇬 · Answer

هو ان الواحد يعرف قيمه نفسه أهم حاجه

Avocado_20509 🇪🇬 · Answer

مش معني انك كدا تبقي وحش 
بس انت محتاج بس تتعود تقول لا وتعرف تقول لا 
ممكن تسمع لناس بتتكلم ف الموضوع او تروح لثرايبث 
وتحاول تفهم مشاعرك اكتر

Popcorn_28628 🇪🇬 · Answer

بس لازم تقول لا وترفض الحجات اللي مش عايزها علشان متلقيش نفسك في مكان مش عايزه وحال مش راضي عليه وبرضو قيسها علي الناس اللي قصادك هل لو هو مبيحبكش وانت قلتله بحبك هو هيعمل زيك 80% لا

Mango_28067 🇪🇬 · Answer

لا بيكون غلط لما واحدة تيجي تقولي أنا بحبك مثلا وارد أقول وأنا كمان وأنا مش جوايا مشاعر لمجرد بس إني مش عايز ازعلها

Potato_27813 🇪🇬 · Answer

هي غلطتك طبعآ و  عادي البشر بتغلط و لكن أهم شئ تتحمل مسؤولية الغلط ده و انك تتعلم منو متعملوش تاني 🤍

Mango_28067 🇪🇬 · Answer

إزاي مش وحش وأنا مفهم واحدة إني بحبها وأنا مش عندي مشاعر ليها وأنا قولت كدا ليها بس عشان مش عايز ازعلها

Chilli_28669 🇱🇾 · Answer

مش مهم غلطت مين ولا ليش ولا ولا ولا ، المهم انك تقيم الحد و تعمل لنفسك حل و تفرضه فرض ، و ضروري تعمل الصح اللي هوا تراعي نفسك و تعطيها حقها وهذا مع التدريب و المحاولة اكثر من مره الي ان تزبط حلك و حوارك ، لمن نفسك تعرفه حقها و حق غيرها بتبلش تعرف تتصرف الصح والاصول و العاطفه ح تشيلها شوي

Popcorn_28628 🇪🇬 · Answer

مش عارف والله محصلتش معايا بس انا لو مكانك هرفض بس بالزوق مش هقول لا علي طول واحاول افهمها أن انا مش عندي اي مشاعر ليكي وهي لو مفهمتش ده كدا هي اللي عندها مشكله بس متقولهاش وانا كمان بحبك

Avocado_28205 🇪🇬 · Answer

بص فكرت اصلا انك حاسس بالذنب دي وعندك تأنيب ضمير دي لوحدها تدل انك شخص كويس ف انت لازم بقى تتبع دا حاول على قد م تقدر متخليش احتياجك لسماع كلمه بحبك تخليك تظلم حد معاك لازم تسأل نفسك سؤال هل انت اصلا تقدر تقف قدام حد انت ظلمته قدام ربنا اكيد لا بجد حاول تتعافى من احتياجك لكلمة بحبك وهتتعافى فعلا لم تحب نفسك فبالتالي مش هتستنى حد يقولك دا انت هتبقى مكتفي وهتبدا انت اللي تطلع الحب دا وتحب اللي معاك

Avocado_28205 🇪🇬 · Answer

حاجه كمان لسه واخده بالي منها متعشمش حد خالص والله والله والله البنت دي انت لم تسيبها هتتعب تعب وكل دا هيبقى محسوب عليك ارجوك فوق لنفسك ويتحاول تحب البنت دي يتصارحها بالحقيقة

Guava_28847 🇪🇬 · Answer

هو مبدأياً مهما كانت مشكلتك ماينفعش تبهدل البنات معاك 
ثانياً انت محتاج تبدا شويه تدور انتت بتحب ايه انتتت عايز ايه انتت الي عايز ايه من الناس مش المفروض انت تقدملهم ايه 
خليك اناني كدا وماشي بدماغك والموضوع بيبقي واحده واحده لحد ما توصل لانك انت اهم واحد ف حياتي لان هو ده الصح 
وصدقني مهما كنت مكسوف عشان حاجه معينه مش هتخليك شخص مثالي من ف نظرهم لازم تعرف ان no one cares بجد

Mango_28067 🇪🇬 · Answer

طب عامة دي مشكلة تانيه ف حياتي إنها مش عارف أنا عايز إيه ولا عارف أنا مين حتى ومش عارف أعمل كدا إزاي الحاجات دي كلها أنا تايه فيها

Guava_28847 🇪🇬 · Answer

اقترح عليك تقعد مع نفسك وقت اطول 
تقفل التليفون وكل حاجه وتقعد تفكر ف الحاجات دي 
(ما تطفيش النور عشان ما تنامش )😂
ولو ليك ف القرايه اقرا كتب اكتر عن الموضوع

Guava_28847 🇪🇬 · Answer

عايزين حاجات تخليك تتواصل مع نفسك اكتر 
انت ممكن تجيب كتاب burn after writing ده كتاب كلو اساله عن نفسك مش قراءه ولا حاجه ممكن يساعدك تتعرف علي نفسك اكتر 
ومش لازم تمشيه بالترتيب يعني روح للاساله الي حاسس انك عايز تعرف اجابتها عن نفسك وفكر فيها