أمي مبتاخدش براينا وتزعق وأنا مظلومة!

Avocado_73251 🇪🇬

منذ شهر واحد

شعور عاطفي

موضوع:

قرارات من الأهل كانت سبب في تغير حياتك

حرفيا صح اوي امي دايما مكانتش بتاخد براينا و دايما تزعق و كلمتها لازم تمشي و لو انا مظلومة و جيت اعاتبها تتعصب و تضرب عشان خالفت تفكيرها للاسف شخصيتي ضعيفة اوي من ناحية اني مش بعرف اتكلم بس بعرف اقول رايي عشان اخاف اتطنش مش بشارك في الكلام الجماعي بكون بتفرج عليهم بس

لما تبقى ولا حاجه في حياة حد وبتوجع

• لما تبقى حاسس انك حاجه كبيره في حيات حد وفي الآخر تطلع بالنسباله ولا حاجه...لما تبقى مفكر نفسك سنده و انه لما يواجه موقف انت اول واحد هيجري ويعتمد عليه بعد ربنا بس انت في الحقيقه مش من ضمن خياراته حتي ولو انت آخر واحد فاضله هو مش هيفكر فيك اصلا ولا هتيجي علي باله بمعني انك حتي مش حل بديل بالنسباله دا انت ولا حاجه حرفيا...ومش بيشاركك حاجه خالص ولا حزن ولا فرح والله انا نفسي حتى تقولي علي اللي مزعلها لما تبقى زعلانه مش تحسسني اني مجرد شخص في حياتها بيوصلها بيتها كل يوم وخلاص و تزعل لما اكلم غيرها و تتضايق لو زعلت لما هي تكلم غيري وتطلب من غيري لو هي محتاجه حاجه وانا موجوده معاها وعمري ما اتاخرت عليها وتهمش وجودي تنده علي غيري يقعد جنبها في الدرس و تتكلم معاه ولما اقعد جنبها ما بتلفتش ليا حتى ولما اسألها علي حاجه مش فاهمه ما تعبرنيش ولو غيري سأل تشرحله الماده كلها من اولها لآخر بدون طلب حتى وبكل صدر رحب وغيره وغيره كتيييير اوي ولو زعلت تقولي زعلانه ليه وتتضايق ان انا زعلانه لان هي عايزه تفرح وتحسسك بالذنب بحزنك وحتى لما تقوليلها عاللي مضايقك تلاقيها مشغوله في حاجه تانيه وماهياش معاكي اصلا ولما تكوني مخنوقه تقعد تقولك هو انا عملتلك ايه عشان تزعلي في عز ضيقتك لما تبقي محتاحه حد تحكيله همك عشان تزيحي جزء منه تلاقيها اول من يزودك فوق الهم هموم تانيه وتحاولي تبعدي بس انت مش عارفه تبعدي ازاي ولو حاولتي تبعدي بهدوء تلاقيها بتسحبك تاني وما تعرفيش تبعدي وتلاقي نفسك زي الغبيه تحكيلها تاني وهي تتجاهلك وانت عارفه ان دا اللي هيحصل بس ما بتقدريش تمسكي لسانك علشان انت فعلا محتاجه تتكلمي حتي لو هتندمي علي دا في الآخر وحاجات تانيه كتييييييير 😅 انا مش قصدي حاجه والله بس انا كنت بدعي ربنا دايما يهديها لان انا بحبها اوي وربنا هداها فعلا وفي حاجات كتير فيها اتغيرت الا الحاجات دي المشكله بحس نفسي مكبره الموضوع أو أن انا اللي بحبها غلط لان هي اجتماعيه اوي علي عكسي خاالص انا انطوائيه جدا وما بحبش اختلط بحد ولا اكلم حد مش تكبر ولا غرور والله بس خوف وعدم ثقه و رهاب اجتماعي 🙂 عارفه لما تبقي في مكان وحاسه انك غير مرغوب فيكي..دا انا بقي انا بحس الاحساس دا علطول حتى وانا في بيتنا مشكلتي اني حتى مش عارفه اوجهها ولا اقولها ما بعرفش اتكلم وبطلع كبتي في الكتابه وبس سواء استوريهات ما حدش فاهمها غيري او حتى كتابه بيني وبين نفسي انا شخص غريب 😂 المشكله إني مش بتكلم 😅 انا بحاول اكسر حاجز الرهاب الاجتماعي دا شويه شويه بحاول🥲 ... بس بتوجع والله ...عرض المزيد

9 الدعم

0 نصيحة

مشاعر متبلده ومش بعرف أعبر عن أي حاجه

مبعرفش اعبر عن أي مشاعر لو حد بحبه مثلا مستحيل اقوله اني بحبه بس بيبان في افعالي لو حد بكرهه مستحيل اقوله اني بكرهك مهما كانت اذيته لو حد بيتجاهلني مش بديله اي اهميه ومش بعرف احكي لأي حد عن اي حاجه في حياتي خصوصا لو حاجه شخصيه ولو حاجه مأثره فيا جامد ابدأ اعيط في نص الكلام مبعرفش اعاتب واقول لأي حد انت عملت كذا والحاجه دي ضايقتني معنديش حد قريب مني من عيلتي او اهلي عشان احكيله والصحاب يتعدوا علي الصوابع وكمان مبنشوفش بعض إلا كل سنه مره ولا حاجه و كل المشاعر اللي ممكن يحسها إنسان في الدنيا بتعدي عليا ومحدش يعرف عنها حاجه كأني صخره لدرجه الحجات اللي كانت بتبسطني معدتش بتبسط بيها والفتره دي معنديش اي مشاعر تجاه اي حد ولا حب ولا كره ولا سعاده ولا حزن اللي عاوز يمشي يمشي واللي عاوز يبقي يبقي انا معنديش مشكه واللي عاوز يتكلم يتكلم واللي مش عاوز اهلا وسهلا بقيت متبلده المشاعر تجاه العالم رغم اني كنت شخص بتحمق اووي علي اي حاجه وعارفه ان بعد الفتره من البرود دي ما هتعدي هيكون فيه انفجار من كل حاجه مخزناها جوايا ...عرض المزيد

5 الدعم

0 نصيحة

ليه ببقا اجتماعية برا وبخارصة مع عيلتي؟

هحكيلكم عن نفسي ف مكانين مختلفين المكان الأول هو اي مكان بعيد عن العائلة كلها ف الجامعة ف الشغل ف المترو لو بشتري حاجه اجتماعية جدااا بعرف اتعامل مع الناس كلها كويس بقدم برزنتيشن دمي خفيف موت و تقريبا اغلب الناس بتحبني بعرف اخد حقي و بعرف اعمل كل حاجه تقريبا بشهادة كل الناس اللي قابلتها انا اجتماعية جداا المكان التاني لما بيكون موجود حتا شخص واحد من عيلتي تجمع عائلي ببقا كأني خارصة مبتكلمش ابداا مبفتحش فمي مبعرفش اقول كلمة ولا اهزر ولا حاجه يدوب برد و بس و سعات مبعرفش ارد كمان عايزة تفسير الموضوع ده و حل جربت احاول اتعامل بطبيعتي و علطول بفشل كأن مخي بيتشل عن انه يفكر ف حاجه يقولها ...عرض المزيد

5 الدعم

1 نصيحة