بالنسبة لأهل العلم اللي هنا لو أنا ماما بتحملني فوق وسعي وقلبها مش راضي عليه وبتدعي عليه بسبب إني مش عارفة اعمل اللي فوق وسعي ربنا هيستجيب وهيحاسبني عليه ولو ماما بتدمر سمعتي وبتحاول بشتي الطرق تبوظ علاقتي بكل الناس يعني مثلا عيلة بابا كل ما حد يتكلم عليه تيجي تقول لي علي طول وهو قال لي ايه وتقول لي ان عيلة بابا كاملة بتكرهني ولما أكرههم بس نقل الكلام اللي بنعمله مبيننا تقول لي كل الناس بتكرهك أنا ليه احبك دة يرضي ربنا وهل ربنا هيقول رزقي فعلا من زواج وعلاقة سوية مع اهلي واعمل معاها ايه؟

والدتك نرجسية ادخلى على اليوتيوب وابحثي إزاي تتعاملي مع الام النرجسية .. ربنا يصلح حالك وييسر امرك ويسعدك ويعوضك الخير كله

جماعة بجد عيزاكم تقولو دة يرضي ربنا وظلم ولا لا عشان ممكن أكون أنا مش واخدة بإلي أنا من الإعدادي أنا وماما مفيش مبيننا تفاهم وبدات تتغير تصرفاتها موت معايا من اول الإعدادي من اهم الأسباب أني قربت لبابا وبتقول إني بشاركها في جوزها وكلام زي دة وتنزل فيا ضرب وتفرقة مبيني ومبين اخواتي المهم احنا أنا في الكلية وأخوية كمان في الكلية وأختي الصغيرة وبابا بيروح يشتغل بعيد لفترة ماما بتفرق مبيني ومبين اخواتي في المعاملة ومش كدة وبس زي ما قلت في موضوع تاني بتسوء سمعتي بالباطل كل ما اجي أدافع عن نفسي تهاجمني هجوم جامد وتنزل ضرب ودعا عليه أنا باجي من السكن الاتنين وأخوية الخميس فوصل بيها الحال إنها تقولي اعرفي ان من الاتنين للأربع انتي هتطبخي لنفسك وتروحي تجيبي طلباتك أنا هطبخ ليا وانا وأختك بس لغاية يوم الخميس هطبخ طبخة كبيرة مش عارفة بجد اعمل ايه ولا أتصرف ازاي عشان اي تصرف بعمله بتفهمه غلط وبتمشي تكلم اختي الصغيرة عليه وتدعي عليه وتعلي صوتها ودايما مش عارفة أعيش في هدوء نفسي خالص فكرت في الإنتحار اكتر من مرة بسببها علي مدار حياتي دخلت في حالات نفسية واخدت مهديات شعري وقع وبشرتي تدمرت بس بردو قلبي بيرحمها واقول لنفسي هي وأختي الصغيرة بيقعدوا لوحدهم تعالي يوم الاتنين ولما اجي تحصل مشاكل وتمن عليه كمان ان أنا جيت وتقول لي انتي جاية من السكن علي شأني امشي عدل وانا قسما بالله تربي لي خوف ودايما قاعدة علي سريري ومش بعمل حاجة من اصله بجد بخاف اعمل اي حركة آسفة طولت بس تنصحوني بايه ودة ظلم ولا لا وقلبها اللي مش راضي بسبب إنها غيراني ابقي كوبي من بنت خالتي ومش عارفة تتقبلني كانا ودعاها عليه دة مستجاب وربنا هيحاسبني عليه ولا هو شايف ان ماما بتعمل اللي ربنا مبيعملهوش وان هي بتحملني فوق طاقتي ومش متقبلاني

وعلي فكرة زي ما في بر والدين في حاجة اسمها بر ابناء وفي حاجة اسمها ان كل راع مسؤول عن رعيته ومامتك الي بتعمله ده هو الي حرام

جماعة انا تعبت جدا ومش عارف اعمل وعايز حل .. امي ست صعبة جدا جدا ومن النوعية النرجسية وكل الناس تعبت منها ومن تصرفاتها .. دايما بتشتم فيا وتدعي عليا بدون اي اسباب .. وحقيقي انا كرهتها وقلبي قسي عليها ... ومحدش يقولي دي امك والكلام ده بان محدش حاسس بيا ومحدش بيشوف الي بشوفه ... بجد بقي بتمنى اليوم الي ابعد عنها في انا لسة بدرس مستني اخلص واسافر باذن الله وده سبب اني ابعد عنها واتجنبها .. واهجرهم هجرا جميلا .. بجد تعبنا وكل الي فالبيت معايا تعبوا جدا منها ووالدي زهق منها بس مكمل عشان البيت ميتخربش ... ايه الحل معاها انا بتجنبها على قد ماقدر بس هي الي بتخلق المشاكل وبتجر ف شكلنا .. محتاج اسمع راي حضراتكم

ما عندك حل إلا الدعاء ،،، اصبر قليل حتى تخلص دراسة و هترتاح من كل دا الالم ، وسافر مكان تاني و أبدأ حياتك من جديد و ضروري تروح لطبيب نفسي لكي تتشافى من صدمات الطفولة لانك تعتبر ضحية شخص نرجسي و هذا يأثر على تعاملك مع علاقتك بالمستقبل