موضوع لاحظته عن الولاد بقالي فتره وملفت للانظار اوى الولاد يا جماعة أول ما تلاقيهم فجأة بدأوا يلبسوا حلو يعملوا شعرهم مظبوط ويتصوروا كل شوية زي كأنهم في فوتو سيشن محترف اعرف فورًا إن في بنت في حياتهم يعني الطبيعي إنك تشوفه لابس التيشيرت المقطع اللي بقاله معاه من ثانوي والبنطلون اللي لونه اتحول من كتر الغسيل فجأة بقي خبير أزياء بيختار ألوان تطلع مع بعضها ومش بعيد يبقى عارف اسم الديزاينر كمان مش بس اللبس ده حتى الوقفات في الصور بقت محسوبة ومش بعيد يعمل حركة النظر للبعيد وكأنه بيفكر في مستقبله وهو في الحقيقة بيفكر لو الصورة عجبتها ولا لأ والله يا جماعة الولد ده مش عايش حياته ده عايز يبهر البنت وبيحاول بأي طريقة يطلع في الصورة كأنه موديل عالمي المضحك بقى إنك لو واجهته وسألته ايه يا نجم الحلاوة دي هيقولك بكل براءة عادي بحاول أغير شوية عارفين شوية دي شوية علشان هي قالت له جرب تغير أسلوب لبسك وشوية تانية علشان صحابها قالوا إن الولاد اللي بيهتموا بمظهرهم جذابين يعني باختصار لو شفت صاحبك فجأة بقى ستايلش اعرف إن وراه قصة حب والمفاجأة الأكبر البنت مش واخدة بالها أصلًا

9

0