آسفة يا قلبي إني خليتك تصدق

Question

في ناس بتدخل حياتنا تقول كلام عن حب   واهتمام، ونصدق إنهم جادّين… ونكتشف في الآخر إن قلبهم مش معانا أصلًا، وإننا كنا مجرد محطة يهربوا فيها من حكاياتهم القديمة.

الوجع الحقيقي مش بس في الخيانة… الوجع إنك تسمع إن حبه الكبير لسه مع شخص تاني، وإنك كنت بتتألم بصمت، بتواسيه على وجعه، وهو بيكمل يتغزل في غيرك.

أصعب حاجة إن قلبك يبكي زي الطفل، واقف مستني أمان مش هييجي… وأنت واقف تسمع وتنهار.
أحيانًا بنلاقي نفسنا بنعتذر لقلوبنا: "آسفة يا قلبي إني وجعتك، آسفة إني خليتك تصدق، آسفة على النبض الموجوع."

يمكن نكون تعبنا من الحب، يمكن فقدنا القدرة ندي تاني… لكن الحقيقة إننا مش كئيبين، إحنا متألمين. وده مش عيب… ده دليل إن قلبنا حي ولسه قادر يحب بصدق، حتى لو ما لقاش لسه مين يستاهله.

Apple_57323 🇪🇬 · Answer

حاسس بيك 
ميحسسش بالموضوع ده الا اللي عاشه

Sugar_68827 🇪🇬 · Answer

الواحد بقا يخاف ان قلبه يعجب حتا

Apple_73577 🇪🇬 · Answer

حاسس بيك/ي عشان انا عشت عمري كله كدا عشت عمري كله شخص لوحدي مش مفهوم ولا حد مهتم يفهم اللي جوا ده لدرجه اني قبلت بأسوأ حاجه عشان بس البنت لقيتها مهتمه تسمعني
احنا مش كئيبين بس احنا مش مفهومين  إحنا بس مش متشافين محدش قرر يفتش جوا يشوف اي اللي جوا ويحبه محدش خدنا كبشر لينا مشاكل نفسيه وحوارات وجمال داخلي وكون كامل جوانا لكن محدش قرر يخاطر ويدخل ليه

Pineapple_68397 🇪🇬 · Answer

كلامك علي الجرح

Sugar_68827 🇪🇬 · Answer

كانو بيدورو علي اهتمام فينا واحنا ال كنا اكتر ناس محتاجينه اديناهولهم وفي الاخر اتأذينا

Sugar_68827 🇪🇬 · Answer

والحمد لله خد كل مشاعري عما حبيبته رجعتله تاني وبقيت انا اسمع همومه تحت مسمي صديقه

Donut_69132 🇪🇬 · Answer

بيقعدوا يقولوا كلام حلو وهما ولا بيبقى فى دماغهم و احنا نتعلق و يبينوا اهتمام وووو
وهما اصلا مبيبقاش فى أدنى دماغهم أى خطوة جدية و يجولك فى اصعب الأوقات الى بتبقى تعبان فيها بجد لسه عمالة اتعافى من الموضوع  و مش عارفة رغم إنهم عايشين عادى ولا فى دماغهم و قطعوا خالص طب ليييييه !؟

Sugar_68827 🇪🇬 · Answer

صح