مبقتش عارفة انا عاوزة اي انا طول عمري بحب الاستقرار جدا و نفسي اكتر امنيتين يتحققو معنديش غيرهم اول حاجة اني ابقي قريبة من ربنا قولا و فعلا و ابقي فعلا حد ربنا بيحبه و ده حاجة بنسبالي بجد ملهاش وصف من كتر ما هي فاقت كل جمال .. تاني حاجة نفسي اتجوز حد بحبه و ابقي ام بجد كويسة جدا جداا نفسي معيشش عيالي اي وجع ف الدنيا من اللي عيشته او حتي اللي معيشتوش نفسي ابقي احن حد برغم اني اكتر حد اتحرم من الحنان ده 💔 بقيت محتارة هل انا حابه ارتبط تاني مع اني ف اشد احتياج ل ده ولا عاوزة افضل كده لحد اي اشعار اخر بقي .. انا اتخطبت مرتين المرة الاولي كانت بتوجع اه بس المرة التانية حقيقي دمرتني بكل معني الكلمة مبقتش عارفة اسيطر ع وجعي ولا دموعي كل الناس حتي اهلي ف البيت شايفين اني ابرد حد من ناحية اني بتخطي بسرعة و بضحك و بهزر .. بس محدش عارف ده بيكلفني وجع و حسرة قد اي كل لحظة مش كل يوم انا بجد مش عارفة ابقي كويسة .. ادعولي

8

0