عارف المشكلة في ايه ان معظم الناس بتدور على مواصفات خارجية ومعتقدين ان دا الي هيسعدهم.. وبيكتشف بعدين انه لا مش هو دا الي هو عايزة .. بقينا بنصنف بعض حسب الطول والوزن ولون البشرة والإمكانيات المادية صحيح هي حاجات مهمه بس مش اهم حاجة .. محتاجين الاول نسمع بعض هل انت مرتاح وانت سامع صوت الشخص الي قدامك متقبل طبعه مدى ثقافته لما بتتكلم معاه بتحس انك فاهمه وهو فاهمك .. انت بتفتح حوار هيفضل ممتد طول العمر هل هتعرف تتكلم مع الانسان دا طول العمر وتسمعه ويسمعك.. حاسس بإنجذاب لروحه ولا مركز في الشكل وبس.. اكتر حد جميل شكليا من وجهة نظرك لو عقليته ناضجة مش هيتمنى يتحب عشان شكله لان دى حاجة هو مخلقهاش هيتمنى يتحب عشان شخصيتة بمميزاتها وعيوبها.. اغلب الناس الي انبهروا بالشكل بقوا تعساء اغلب الناس الي اهتمت بالمواصفات وبس غفلت عن فكرة الكيميا التوافق الروحي والتقبل يعني مثلا فيه ناس متجوزة معظمهم بيقولوا انهم مكملين عشان الاولاد رغم انهم اختاروا بعض قبل ما يكون فيه اولاد مسؤلين منهم .. وفي ناس تانية بتتجوز وخلاص الحد المناسب من وجهة نظر المجتمع لمجرد انه الحقي نفسك قبل ما تكبري. في نظري الانسان لازم يحدد اولوياته وميتنازلش عنها ولو فضل العمر كله بيدور عليها مهما اتشاف من المجتمع انه اتأخر اغلب البيوت مقفولة على ناس مش طايقة بعض لمجرد انهم استسلموا لحكم المجتمع الانسان لازم يعرف هو عايز ايه ايه احتياجاته ولازم يشتغل على نفسه كمان. الحياة مش سهله متجبش لنفسك كمان حد يظلمك وتظلمه يا تعرف انت عايز ايه وتدور عليه لحد م تلاقية يا بلاش. متتنازلش انك تحب وتتحب عشان انت انت متبظأش قصة مع حد انت مش مقتنع بيه ١٠٠% حد بتعرف تتكلم معاه وتتخانق معاه حد تقدر تستأمنه على نفسك وعلى حياتك حد اول ما الدنيا تميل يسندك تكونوا ستر وسند لبعض بعد الله متتخسرش فرصة انك تتشاف احسن حد في الدنيا في نظر الشخص الصح لمجرد ان المجتمع حطلك ديدلاين لو تعديته تبقى راحت عليك طظ في المجتمع احنا نستاهل اننا نتحب مش الناس الصح لينا ونعيش في بيوت مليانة دفى واطفال سعيدة حاسين انهم محظوظين ب بباهم ومامتهم الى بيحبو وبيحترمو بعض

8

6