رغم اني بسلم عالكل بابتسامة وترحيب ورغم اني بقدم اي مساعدة لأي حد يطلبها من زمايلي فالكلية و بهزر واضحك معاهم زي ميكونوا اخوات مش بس زمايل لكن هما بيعاملوني اني شفاف تقريبا او هما مش مهتمين بوجودي ولا بيعبروني ولا حد بيسأل عليا لو غبت او تعبت او حتي لو كاتب ستوري او بوست بيعملوا سكيب ليه رغم اني بتعامل كويس وباهتمام الا ان مؤخرا حد منهم قلي انت متكبر اوي علفكرة تواضع ...استغربت ومردتش عليه حسيت انه بيتكلم عن حد تاني مرة تانية حد برضو قلي بقرف مش بحب الناس الباردة اللي زيك ....المرادي مقدرتش اسكت وقلتله بانفعال انت متعاملتش معايا غير مرتين ومشفتش مني حاجة وحشة عشان تقول كده وسبته ومشيت قعدت بعيد .....فخلي صاحبي يندهني بعدها ...وقلي مقصدي ومتاخدش الكلام علي صدرك وبتاع ...المود بتاعي مش منضبط...حسيته اعتذار مش احسن حاجة فمردتش 😂 المشكلة بعد التجاهل ده كله والمعاملة الوحشة فالمقابل انا بقيت مش عارف اسلم واضحك واهزر معاهم وبقيت بتجاهل وجودهم وبمشي وحدي . فالأول حسيت اني مرتاح كده ....بعدها حسيت بالوحدة والتعب النفسي ..د ه طب ياتري العيب من عندي يا تري !؟... ده انا عمري مضايقت حد مني وطول عمري بساعد و ودود طب مهما بيمشوا مع بعض و مستلطفين بعض وعاملين شلة والدنيا معاهم لذيذة .....حتي محدش عزمني فاي مناسبة تخصه معرفش ليه !؟ المضحك ان صاحبي الوحيد فالسكشن بقي بيتجاهلني برضو ويروح معاهم وبقيت شفاف بالنسباله كمان ....! وصاحبي بالنسبالهم بركة السكشن وحبيب الملايين وهو ولا بيساعد حد ولا بيرحب بحد ولا بيعمل اي حاجة ايجابية تيجي نص اللي انا بعمله ...ومع ذلك بيحبوه وبيحترموه....يادوب فحاله وهادي حاسس بالوحدة والحزن .... ينفع نصيحة

5

13