جايلي عريس ٤٢ سنه وانا ٢٧.. أبقى أقبل ولا لا؟

Question

عندى ٢٧ سنة جايلى عربس ٤٢ سنه انا بقول ان السن مجرد رقم واهم حاجة العقل والدماغ
وممكن ف ال ٤٢ الاقى اللى مش لقياه ف السن الاصغر 
هو اجتماعيا وماديا كويس وعايش ف امريكا 
افكر اواى او احسبها ازاى واي اللى المفروض اعمله 
انا كل اللى بيجولى اصغر سنا بيبقى فيهم عيوب جسيمه 
مش عارفه اي الصح بصراحه 
هل لو شكله صغير وعقله كويس ومتفاهم أقبل ولا لا ؟

Watermelon_63268 🇪🇬 · Accepted Answer

الاستخارة راحت فين لما انتي جاية تاخدي قرارك من هنا! 
صلي استخارة واسمعي لقلبك، اتكلمي معاه وشوفي هترتاحي ليه ولا لأ، اكيد هتخرجوا خلال فترة التعارف او الخطوبة وتعرفي اكتر عنه بخيل ولا لأ، نضيف ولا لأ، لبق في الكلام ولا عكاك، كويس ولا لأ اصلا
كل دا هيظهر قدامك في الخطوبة

Strawberry_71160 🇪🇬 · Answer

لا طبعا فرق السن مش هيبان مشاكله دلوقتي ممكن عجبك وضعه بس سنتين تلاتة وهعرفي انه مش لا الموضوع كان غلط وهو مش اخر الدنيا يعني هتلاقي احسنن

Carrot_65277 🇪🇬 · Answer

متفكرش انو توافقي طلما موضوع السكن بتفكري فيه بعدين ف الخلافات هتشوفي انو كان عيب ومكنتيش تتنزلي وهتكرهي نفسك

Carrot_18027 🇪🇬 · Answer

اقبلي يا ست ده عايش في امريكا

Avocado_75758 🇪🇬 · Answer

اي المشاكل اللى بتترتب ع دة معلش ؟ 
او زى اي ؟

Avocado_75758 🇪🇬 · Answer

يعنى دى البوينت ؟

Coffee_52367 🇪🇬 · Answer

بصي السن لما يكون الراجل أكبر منك بكتير بيظهر بعدين في الجواز في الخلافات مع كبر السن و كده فهمه فرق السن الكبير بين الراجل و الست وحش يا أمه أكبر منك بي شويه صغيرين يا أمه أصغر منك بي شويه صغيرين لأن دي عقول فهمه أنتي عقل و هوا عقل دا + أنك بدوري علي شخص يكون كويس في أخلاقه شخصيته محترم يحافظ عليكي و يحترم اهلك و يحبك و كمان مكافح و بيشتغل و يشير مسؤوليه فهمه ف أتمنى أنك تعيدي التفكير

Cherry_60771 🇪🇬 · Answer

الفلوس هتخليه صغير ويدلعك

Avocado_75758 🇪🇬 · Answer

ممكن اعرف الخلافات زى اي ؟

Coffee_52367 🇪🇬 · Answer

🙂يعني مثلا انا. لما عيل صغير يصاحب واحد. كبير بيبقى في فرق عقول ف مش بيبقى في توافق في حجات كتير مش نفس الاهتمامات أو الأفكار أو مثلا حجات تانيه انا أبويا أكبر من أمي بكتير معروف أن فرق السن الكبير بيبقى في فرق تفكير بس برضو دا ميمنعش أنك ترفضي فهمه صلي استخاره برضو و شوقي و لو أنتي مرتاحه و هوا كويس خلاص وافقي

Avocado_75758 🇪🇬 · Answer

انا مش باخد قرارى من هتا 
انا عايزة حد يساعدنى افكر صح واخد قرار صح 
حاضر

Watermelon_63268 🇪🇬 · Answer

بإذن الله تاخدي القرار الصح وربنا يريح قلبك وبالك يارب يا حبيبي

Strawberry_71160 🇪🇬 · Answer

زي انه مثلا مش نفس تفكيريك وجيلك
هتلاقيه على طول مش فاضي
هتحسي دايما بفرق في الكلام معاه

Olive_58132 🇪🇬 · Answer

انا اختي مرت بتجربة شبه تجربتك هي مش بالسن هي بالشخص ذات نفسه اختي اتقدملها واحد كان كبير وعاشت معاه في امريكا بس للأسف الشخص نفسه كان فيه كل الصفات البشعة اللي ممكن تتخيلها وبعد عذاب اتطلقت ونزلت مصر واتجوزت بردو واحد كبير نوعا ما في نفس سن اللي اتقدملك وعاشت معاه في مصر و كان احسن اختيار ليها وطيب جدا معاها وكويس، في النهاية عايزة اقولك أن السن مش هو المشكلة المشكلة في الشخص واخلاقه ودينه وحنيته