الدنيا مقفلة في وشي آوى.. مش عارفة أعمل إيه

Question

الدنيا مقفلة فى وشي آوى. بقالى كام سنة فى دايرة مش بخرج منها.. ماليش حياة.. سنى كبر.. مافيش علاقة ثابته 
شايلة هم أهلى أللى كبروا وأنا أللى معاهم وكل ما أقول هانت وربنا هيعوضك تبوظ اكتر.. اب مش كويس أم يتحاول تعمل أللى عليها لكن الكلمة الحلوة بتقولها بالعافية أخوات بعاد مافيش شغل مافيش أمان مادى ولا معنوى... إنا سند نفسي الوحيد بعد ربنا.. وأنا الفترة دي ضعيفة وخش اوى  آوى مش عارفة أعمل إيه... بصلى واذكر ربنا وبقول يارب يقوينى طول الوقت.
ادعولى ربنا يرزقنى الصبر

Coffee_34133 🇪🇬 · Accepted Answer

فكري ف نفسك
متشيلش نفسك هموم ب الاونطة
كل حاجه وليها حل
الشغل يتغير عادي جدا
الكلام اللي مستنياه من حد بطلي تستنية
الاخوات واخداهم الحياه وعادي جدا بكرة تنشغلي ف حياتك عنهم 
حاولي تغيري ف طريقة تفكيرك عامة ف استقبال الامور خير وشر وف التفكير والتصرف 
محدش هيقولك هاتي همك اشيلة عنك

Coffee_56002 🇪🇬 · Answer

انا عند حسن ظن عبدي بي ف ان ظن خيرا ف هو خير دايما خلي ظنك بربنا خير وربنا مش نسيكي ولا هيخيبلك تعب بإذن الله

Marshmallow_54997 🇪🇬 · Answer

رينا يقويكي ويكرمك بالاصلح

Marshmallow_56042 🇪🇬 · Answer

احنا عايشين في دنيا مش جنه فا مش دايما حلوة ولا نار دايما صعبه بس لازم زي ما بنركز ونشوف الوحش اللي هو كتير اوي في حياتنا لازم برضه نشوف الحلو حتى لو قليل ونحمد ربنا عليه نحمد ربنا دايما على كل النعم اللي في حياتنا حتى لو قليه وادعي كتير اوي الدعاء ده سحر بيغير القدر ربنا يطمن قلبك ويرزقك اكتر من اللي بتتمنيه♥️

Carrot_56375 🇪🇬 · Answer

تماسكي وصدقيني كل حاجه هتتغير لازم ابتلاءات واختبارات اوعي تدي فرصه للشيطان يدخلك من باب ماكل حاجه خربانه حاولي تعملي كذا او كذا تماسكي وصدقيني هانت جدا ولو حابه تحكي قد كده ميه مره هسمعك

Marshmallow_56792 🇪🇬 · Answer

الكلام سهل.. فى أنواع من الهموم انت ما بتخترش انك تشيلها ولا ليك الاختيار انك تقول ماليش دعوة للأسف