رفضوني بعد ما تقدمت للجواز وكنت متردد!

Carrot_71501 🇪🇬

منذ أسبوع واحد

شعور منزعج

الحمد لله دماغى هدتني لفكرة انى اتجوز روحت البيت اتقدمت لواحده طبعا انا بشغل كويس وحياتى تمام وكله قالى شوف الاحلى منها وانا قولت هتشوف الاول واحكم لما روحت أتقدم كان واضح عدم الانبهار والموضوع بالنسبالي كان روتيني وجلسة تعارف مش اكتر بعد مامشيت كنت متردد جدا لكن اللى اتفاجئت ان هما رفضونى واتسبقوا بده عشان حسوا انى مش موافق 😆

أول مرة أتكلم مع بنت وإحساس الرفض مضايقني

اول مره اكتب هنا و التجربه غريبه بس اعتقد هتبقي مفيده عشان أنا مش بحب احكي ل أشخاص و الحدود بيني و بين الناس كبرت و حاسس كده مرتاح اكتر أنا عندي اضطراب شخصيه حديه أنا طالب ف الجامعه أنا شخص مش اجتماعي و شخص بتكسف عمتا حصل موقف من كام يوم ف الجامعه كان في بنوته جميله كانت قاعده مع صحبتها قدامي ف الجامعه لمحتها و هي جايه قولت ف نفسي ان هي دي التايب بتاعي حرفيا و كانت ماشاء الله عليها بس مشيت كنت رايح ل واحد صحبي بس مردش ف رجعت تاني و صحبتها مشيت و روحت قعدت قدامها ع طول و بصت علي لقيتني ببصلها و لمحتها بتضحك أنا دي اول مره ف حياتي أتشجع و اروح اكلم بنت معرفهاش ريل ع الحقيقه ف روحت كلمتها و كنت ملغبط و كلامي كان شويه غريب بس هي كانت لطيفه اوي و خدت اكونت السناب بتاعها بس ولا سالتها ع اسمها ولا كليه اي ولا سنه كام ولا اي حاجه خدت سنابها و مشيت أنا عارف ان ده غباء بس موقف كان جديد عليا و قولت هعرف منها اما تقبل و لحد دلوقتي مقبلتش و روحت ل نفس المكان تاني اما روحت الجامعه و ملقتهاش و دورت علي اكونتاتها مش موجوده و احساس الرفض مضايقني و لولا اني حسيت ب إعجاب رهيب نحيتها مكنتش عمري خدت الجرائه اني اكلمها و كل يوم بدخل أدور عليها و أدور قبلت ولا لا و ببعت لها ف الشات بس مش هيظهر لها إلا لو قبلت الأول كان نفسي تقبل حاسسها مختلفه و كنت حاسسها الشخص اللي هيكون قريب مني و افتح لها قلبي بجد و احكيلها عن حياتي و عن الاضطراب اللي محدش يعرف انه عندي و أشاركها حاجات و تكون علاقه مميزه و مختلفه بس غالبا الوحده هي احسن حاجه ع الأقل الإحساس اللي فيه من رفض و عدم فهم و يأس ف اخره أمل بسيط و ان كان غير منطقي بس ع الأقل الوحده مفهاش المشاعر دي ...عرض المزيد

6 الدعم

13 نصيحة

الحب وحش.. نفسي أرجع بالزمن وأعدي ساكت

الحب وحش مش حلو خالص كله بيراميدز الخيال والأفكار الوردي لكن بينخض لما يتخبط بالواقع وخاصة لو اتخبطت زي وانتهي الحب بصدمة ليك واذي للي بتحبه فحقيقي نفسي ارجع بالزمن ٥ سنين ورا وأعدي وأنا ساكت من غير ما اقول صباح الخير ساعتها هاكون حميت اللي حبيتها من نفسي ...عرض المزيد

10 الدعم

3 نصيحة

هل ترفضوني لو عندي كانسر؟ بصراحة مش عايزة أتصدم

ممكن أسألكوا عن حاجه ومحتاجه تردوا بكل صراحه🙂 لو اتقدمتوا لبنت وعرفتوا إن كان عندها كانسر وعملت استئصال للثدي وفيها مواصفات كتير حلوه وأي حد يتمناها يا ترى هتتغاضوا عن المواصفات دي وترفضوا حتى لو فيها مواصفات كتير حلوه ولا هتتغاضوا عن العيب ده وتوافقوا طالما فيها مواصفات كتير حلوه! بتمنى تجاوبوا بكل صراحه حتى ولو الإجابه هتزعلني،مش عايزه أتصدم بالواقع ولا عايزه أرفع سقف طموحاتي ولا برده عايزه أعيش طول عمري برفض ناس علشان خايفه من شعور إني أترفض للسبب ده،معنديش مشكله إني أترفض لأي سبب لكن السبب ده لا علشان قلبي بيوجعني،ومش عايزه أوافق بحد خالص علشان اترفضت مره من حد كان متقدم بسبب عمليتي رفض ف قلبي وجعني أووي ومش عايزه قلبي يوجعني تاني محتاجه أعرف رأيكوا بكل صراحه وإن شاء الله مش هزعل بس عرفوني ...عرض المزيد

10 الدعم

17 نصيحة