اقولكم علي حاجة كل اللي حوليا مستغربيني و مستغربين التفائل و الثقة في ان كل اللي جاي هيبقي كويس حتى لو الدنيا بايظة معايا و بشاركهم دا بس برضو مازلت مقتنعة و مؤمنة بالخير و لما بتيجي سيرة حتي الزواج و ان هل لسه في شخص كويس يستحق ان الواحدة تجازف و تاخد الخطوة و تغير حياتها و تتحمل مسؤولية كبيرة عشانه وتسيب اهلها وبيتها عشانه وقولتلهم اكيد فيه زي ما في الحلو و الوحش فيه و دا مش كلامي دا كلام سيدنا محمد عليه افضل الصلاة والسلام ( الخير في و في أمتي إلي يوم القيامة ) و ان ربنا كريم و عوضه جميل وكل لما نظن ظن كويس في كرم ربنا هييجي عوضه اجمل بكتير ما بنتخيل كمان ولو ظنينا وحش هييجي علي قد ظننا ربنا سبحانه وتعالي قال ( أنا عند ظن عبدي بي ) ف مهما الدنيا تقابلنا بالاختبارات و الصعوبة نبقي متاكدين نهاية الصبر جبر من رب رحيم كريم و الناس مش كلها وحشة اينعم للاسف الوحش اللي بقي ظاهر و منتشر بس ندعي ربنا كتير يجنبنا الوحش و يحمينا ويحمي قلوبها و يقرب مننا الخير و يرزقنا الاشخاص الاسوياء اللي يكونو بيتقو الله و بيعملو بوصية الرسول عليه افضل الصلاة والسلام عشان دا رزق و ربنا هو الرزاق و ربنا لما نسلم ليه امور حياتنا و نستودعه قلوبنا و مصيرنا هيهيأ لينا الأسباب و هيقر عيونا ف هو سبحانه رب الخير لا يأتي إلا بكل خير 😍 عارفين بيقولولي مع كل دا اني عايشة في الخيال 😂😂 و في اللي بيقولولي لسه الدنيا محطتنيش في مواقف تكسر قلبي عشان كدا عندي اليقين و التفائل دا بس عارفين انا مش زعلانة بالعكس بضحك انا الدنيا من زمان حطتني في اختبارات مش بس كسرت قلبي دا خلته اتفتفت و مازلت بنهار كتير بس بقوة بربنا اكتر واكتر وعشت لحظات خوف و رهبة وحاجات كتير مبحكيهاش و خسارة ناس كانت عندي اقرب من روحي بس برضو متأكدة وواثقة في عوض ربنا وكرمه و محبته و ان مهما كان لازم اقوي نفسي و اتاكد ان كل حاجة بتحصل لخير و حكمة ربنا سبحانه وتعالى وحده اللي عارفها ربنا كريم يلا حبيت اشارككم افكاري واسفة بقي للرغي الكتير وشكراً جداً للي هيقرأ كلامي للأخر ربنا يسعدك ويهنيك ويراضيك ويقر عينك بالعوض الجميل يارب العالمين 🤲♥️

7

0