التعلق المرضي وازاي تنسى حد بعد ما تعود عليه

Tofu_71960 🇪🇬

منذ أسبوع واحد

شعور ممتن

موضوع:

عرفت تنساها او تنسيه

الشخص الي مبيعرفش ينسى ده عندو تعلق مرضي بيبقا متعود عالطول يكلم الشخص الي معاه تخيل مثلا انك متعود علي حاجه وبعدين تروح اكيد مش هتنساها بس لو لقيت بدايل هتنسى عادي زي انك تتعرف علي ناس جديده وتخرج وتعمل حجات انت اول مره تعملها وتملى وقت فراغك عشان متديش مساحه لعقلك انك تفتكر حاجه ولما تتعافى من التعلق تبدأ تشوف شريك أو شريكه حياتك عشان مينفعش نبقا مع حد واحنا بنفكر ف حد تاني والناس المريضه بس هي الي بتنسى حد ب حد..

تعلقي المرضي بالناس وخوفي من الحب

اول مرة اتعلق فيها بحد كانت صاحبة ليا وبحكم طابع الأمومة اللي عندي كنت بعتبرها بنتي وبخاف عليها ودايما اطمن عليها وعلى اكلها وصحتها وكنت على طول بسمعها وبحللها مشاكلها مع اننا وقتها كنا في ابتدائي كنا اطفال يعني بس وقتها اتعلقت بيها بطريقة مش طبيعية، اللي هو بقت شيئ اساسي من يومي وحياتي لكن مرة واحدة وبدون مقدمات بدأت تبعد عني ومتردش عليا ومتتكلمش معايا لكن برغم كدا مكانش عندي اوبشن انها متبقاش في حياتي وبقيت بشحت منها الكلام والاهتمام، اقدر اقول حاليا اني كنت متعلقة بيها تعلق مرضي لدرجة ان بعد ما خلصنا مرحلة ابتدائي وبرغم اني نقلت لبيت جديد بعيد الا اني كنت كل يوم اكلمها واطمن عليها بس كنت موجوعة منها ومن اهمالها وتغيرها المفاجئ وقررت وقتها اني مش هصاحب حد تاني ولا هحب حد تاني ولا هعلق قلبي بحد، لكن الحياة متتعاش كدا، طبعا صاحبت بنوتة تانية وللأمانة حبيتها اوي بس قعدت زي خمس سنين كدا متحفظة لأي وقت هي تقرر انها تمشي وتسيبني فيه لغاية ما عطيتني الامان وفعلا اتعلقت بيها بس بعد سنتين كمان حصلتلي مشكلة كبيرة ودخلت فيها المستشفى او بمعنى اصح العناية المركزة وكان هناك اللي ماسك حالتي ممرض وبطبيعة وجودي في العناية وتعبي كان تعاملي معاه كبير، وبرغم وجود ناس كتيرة كانت بتهتم بيا وبتعاملني حلو الا انه كان معاملته معايا مختلفة وكان اهتمامه غير بشهادة كل اللي كانوا موجودين معايا وقتها كان خوفه واهتمامه بيا مش طبيعي، وطبعا انا ك بنت اول مرة تشوف وتلاقي اهتمام من شخص (شاب) يعني اتعلقت بيه من غير ما اخد بالي وعشان وجودي طول في المستشفى بحكم مرضي مجاش في بالي ان هيجي يوم وهمشي ومش هشوفه تاني وطبعا جه اليوم دا وفعلا مشوفتهوش تاني وقعدت تلات سنين بتعافى من تعلقي وحبي ليه، وللأسف بقيت خايفة ادخل حياتي اي حد وبقيت خايفة من الحب وحتى الناس اللي في حياتي رجعت اخاف من انهم يبعدوا ويسبوني ودخلت الدوامة السودا دي تاني ...عرض المزيد

2 الدعم

1 نصيحة

تجربتي مع التعلق المرضي وكيف ابتعدت عن نرجسي

اتعلقت بحد تعلق مرضي كبير لدرجة إني اتنازلت عن كل حاجة تقريبا عشانه عن مبادئي وعن حياتي وعن صحابي وعن أهلي في الأول كنت معمية أوي بس بعدين أدركت الخطأ ده وللأسف متأخر شوية بعد ٣ سنين لكن صلحت ده كان نرجسي بس الحمدلله بعدت عنه بعد عناء خطوة اتأخرت بس مش مشكلة المهم إنها حصلت ربنا ينتقم منه ويوريه حقيقته لما حاول يرجع مرة واتنين وعشرة واستوعب إنه خلاص معدش ينفع بدأ يعلي نرجسيته عليا ويوريني وشوش أسوأ من الي قبلها كان طاقة غل وحقد وأنانية قلبه أسود وعينه مظلمة بجد ازاي ماشفتش ده مقدرش أقول أني تشافيت 100٪ بس الحمدلله فيه فرق كبير ولو هو نفسه مشفش الفرق كان الوضع هيختلف التعلق المرضي وحش دوروا على حب سوي، احنا نستاهل ناس قلوبها شبه قلوبنا، نستاهل حد يحبنا مش يهملنا، ويحبنا صح مش يحبنا غلط، اختاروا حد صح حتى لو هتتأخروا في الاختيار، استنوا الشخص المناسب ووسط ما بتستنوه اشتغلوا على أنكم تبقوا أحسن نسخة من نفسكم عشان يجي الشخص ده يكملكم عشان تجذبوا شخص مناسب لأحسن نسخة فهيكون هو كمان أحسن نسخة. ...عرض المزيد

6 الدعم

5 نصيحة